La verità sora el futuro

Gesù el ga spiegà come podemo saver se “el Regno l’è darente”. (Luca 21:31) Lu el ga dito che ndaria suceder guere, grandi teremoti, mancansa de magnar e malatie, pròpio come semo drio veder ancoi. — Luca 21:10-17.

La Bìblia la dise che le brute robe che le persone le fà ne mostra che semo nei “ùltimi giorni” dei governi dei òmini, come l’è scrito in 2 Timòteo 3:1-5. Quando vedemo quel che le persone le ze drio far ancoi, semo sicuri che l’è pròpio drio suceder cada pìcola roba che la Bìblia belche la disea.

Questo vol dir che el Regno de Dio l’è darente e presto gavaremo una vita meio qua ntela Tera. (Luca 21:36) Nela Bìblia, vedemo bele robe che Dio el ga prometesto far par le persone e par la Tera. Cossa che lu el farà?

UN BON GOVERNO

“E [Gesù] el ga ricevesto autorità, onor e un regno, parché tuti i pòpoli, nassion e léngue i lo servisse. La so autorità la ze de durassion eterna, che no ndarà finirse, e el so regno no’l sarà mia rovinà”. — DANIEL 7:14.

Cossa vol dir? Gesù el sarà el Rè del Regno de Dio e el ndarà governar tuta la Tera. Ti te gavarè una vita felice soto el meio governo che ghen’è.

BONA SALUTE

“Nissuni i ndarà dir: ‘Son malà’.” — ISAIA 33:24.

Cossa vol dir? No ghen sarà pi persone desgrassiade. Ti te podarè viver par sempre e mai te sarè malà.

PACE IN TUTO EL MONDO

“Lu el finisse fora con tute le guere che ghen’è nela tera.” — SALMO 46:9.

Cossa vol dir? Nissun pi volerà far guere. Nissun pi ndarà patir par causa dei problemi che le guere le fà.

BONA GENTE

“I rugni no i ghen sarà pi. . . . Ma i mansi i sarà paroni dela tera.” — SALMO 37:10, 11.

Cossa vol dir? Ghen sarà sol persone bone e che le obedisse a Dio. No ghen sarà pi i rugni.

TUTA LA TERA LA SARÀ UN PARADISO

“I ndarà far su case e i ndarà de star in lore. I ndarà piantar vignai e i ndarà magnar i so fruti.” — ISAIA 65:21, 22.

Cossa vol dir? Tuta la Tera la sarà bela e bona par viver. Dio el ndarà far che la so volontà la sìpia fata “nela tera”. — Mateo 6:10.