Sito bon de ricordarte?

Gheto ledesto le reviste La Sentinela de questo ano? Alora, proa risponder a queste domande:

Parché che l’è importante tor del nostro tempo par parlar con Geovà, studiar la Bìblia e pensarghe sora quel che imparemo de lu?

Saremo boni de far meio dessision, insegnar cada volta meio, gavaremo una fede ancora pi forte e ndaremo amar cada volta de pi a Geovà. — Sentinela 01/22 pàg. 30-31.

Parché che l’è bon imparar a fidarse in Geovà e in quei che lu el ga scoliesto par tender dela so organisassion?

Adesso l’è la ora de imparar a fidarse nela maniera de Geovà far le robe e a mai parlar contra le dessision dei ansiani. Cossita, nela granda tribolassion, noantri ndaremo obedir ale so orientassion, anca se no l’è fàcile o no le capimo. — Sentinela 02/22 pàg. 4-6.

Cossa che el àngelo el ga volesto dir a Zacaria quando el ga parlà sora el ‘piombo che l’era nela man de Zorobabel’? (Zac. 4:8-10)

La vision la mostrea al pòpolo de Dio che el témpio el saria finio nela ora giusta e dela maniera che Geovà el volea. — Sentinela 03/22 pàg. 16-17.

Come che podemo parlar de una maniera che ghe dae onor a Geovà? (1 Tim. 4:12)

Ne ocore parlar con rispeto e bontà nela predicassion, parlar quel che ndarà incoraiar i fradei e cantar de cuor e far comentari nele riunion. No ghemo mai de contar busie, parlar mal dei altri o parlar quel che ndarà disgustarli. — Sentinela 04/22 pàg. 6-9.

Parché che la bèstia de Apocalisse 13:1, 2 la ga le medèsime robe che le ze nele quatro bèstie (governi) del capìtolo 7 de Daniel?

La bèstia de Apocalisse 13 no la rapresenta un governo sol. Invesse, ela la rapresenta tuti governi. — Sentinela 05/22 pàg. 9.

Come che mostremo che se fidemo nela maniera de Geovà far giustìssia?

Se qualchedun el ne ga ofendesto o el ne ga disgustà, ghemo de perdonarlo e assar che Geovà el giulghe. Geovà el ndarà finir fora coi problemi che ghen’è par causa dei nostri sbali e dei sbali dei altri. — Sentinela 06/22 pàg. 10-11.

Cossa che un fradel che el ndarà pregar nte una riunion el ga ricordarse?

Lu no’l ga de dar consili o anunsi ai fradei gnanca parlar tanto, ancora de pi nela orassion del scomìnsio. (Mat. 6:7) — Sentinela 07/22 pàg. 24-25.

Gioani 5:29 dise che ‘quei che i ga fato robe rugne’ i gavarà una ressuression de giulgamento. Cossa che questo vol dir?

Lori no i sarà giulgadi de acordo cole robe sbaliade che i ga fato vanti de morir. Gesù el sarà drio vardarli par veder se i se ferma de far le robe sbaliade che i fea vanti e se i desside servir a Geovà. — Sentinela 09/22 pàg. 17-18.

Che bela roba el fradel Rutherford el ga dito nte un congresso in setembre de 1922?

Nte un congresso in Cedar Point, nei Stati Unidi, lu el ga dito: “El Rè l’è drio governar e valtri sì stati scoliesti par parlar de questo Regno a tuti. Par quela, proclamé, proclamé, proclamé el Rè e el so Regno!” — Sentinela 10/22, pàg. 3-5.

De che tre maniere el capìtolo 30 de Isaia el mostra che Geovà el ne giuta a perseverar?

Questo capìtolo el mostra che Geovà (1) el scolta e el risponde ale nostre orassion, (2) el ne insegna cossa ghemo de far, e (3) el ne giuta cole so benedission che ricevemo adesso e che riceveremo nel futuro. — Sentinela 11/22 pàg. 9.

Parché che podemo dir che quel che dise Salmo 37:10, 11 e 29 ga sucedesto nel passà e sucederà anca nel futuro?

Le parole de Davi le mostra come che l’è stà la vita dele persone in Israel e nel governo de Salomon. Anca Gesù el ga doperà queste parole par parlar come che sarà la vita nel futuro. (Mat. 5:5; Luc. 23:43) — Sentinela 12/22 pàg. 8-10, 14.