Nilokiherye Inamuna Sahu Soolaleerya: Mpacerihe Soosoma sa Biibiliya Mweemenle Ene Murumeelaka Ebroxura Ihapari Sooreera!
Otthuneya Waya: Wira naapake awiixutti, hiyo nihaana osuwela wiixuttiha Nuulumo na Muluku. (Math. 28:19, 20) Khula mmosa a hiyo onoowerya wiixuttiha ekeekhai oratteene narumeelaru saana ikaruma sinivahiwa ahu. Ebroxura eni Ihapari Sooreera Sinikhuma wa Muluku!, ti ekaruma ya vameekhaaya epakeliwe onikhaliherya owiixuttiha ekeekhai atthu akina. Tthiri hiyo pooti orumeela eyo wira nipacerihe soosoma sa Biibiliya ni mutthu onimphwanya ahu vatthokoni mukwaha woopacerya hata neemenle ene.
Moota Woopaka Eyo:
• Muuluule enamuna yoolaleerya eri vakaaxani muru yoola. Nwehe-tho Orummwa Ahu wa Omwene wa Março 2013.
• Mweettaneke ebroxura eyo mmurupani mwanyu. Mukuxeke ibroxura sinceene siniphiyerya waakawela atthu.
• Muthokoreryeke ettima emosa wala piili ni mukhaleke minutu 10 wala ohiphiya.
Mweererye Ela Mweeri Yoola:
• Nvekeleke wira mukhalane yoosoma ya Biibiliya. Nave, mmuxontteleke Yehova wira wookhaliheryeni opaceriha yoosoma ya Biibiliya ni musuweleke wiixuttiha oratteene ekeekhai.—aFil. 2:13.
• Okathi woomulompa Muluku vatthokoni wala onipaka anyu yoosoma, musukeke okathi wira mwinsayari enamuna ela ya olaleerya mpakha okela vamurimani vanyu. Nto munoowerya olavula mootaphuwa ni opaceriha soosoma sa Biibiliya mweemenle ene okathi onilaleerya anyu.
[Ekaaxa epaaxina 1]
Okathi Onilaleerya Anyu Empa ti Empa:
“Atthu anceene annixankiheya mwaha woohisuwela moota sinrowa aya okhala makhalelo aya muhoolo. Nyuwo munoona wira makhalelo a atthu anooloka muhoolo? [Nwehereryeke waakhuliwa.] Anamunceene annisiveliwa osuwela wira Biibiliya ookhalana ihapari sinnivaha nlipelelo. Aakhala makoho ala Biibiliya anaakhula awe”. Munvahererye ebroxura mutthu owo, nto munvekele wira othanle nikoho nimmusivela ottuli wa ebroxura eyo. Nuumala-vo mukhunuleke nipuro nnaakhuliwa aya ni mmooniherye moota siniiriwa aya yoosoma. Mwiiwanane otthikela wira mwaakhule nikoho ninttharelana epaaxina yeeyo.