Olaleerya Wookhweya

Wira Nipacerihe Soosoma sa Biibiliya Esaabadu Yoopacerya, Feverero

“Atthu anceene anniweha wira Satana tonikumiherya itthu sootakhala mulaponi. Masi awo annikoha wira: ‘Satana okhumme vai? Niireke opattuxiwe ni Muluku?’ Nyuwo munoona sai? [Nwehererye waakhuliwa.] Nkawehani ela elempwale va”. Mmooniherye muru ori epaaxina yookiserya ya erevista Owehaweha 1 ya Feverero, ni muthokorerye ettima yoopacerya ni musome yoolepa. Munvahe irevista, ni mwiiwanane nihiku nootthikela wira mwaakhule nikoho ninttharelana.

OWEHAWEHA 1 ya Feverero

“Nimphavela osuwela moonelo anyu voohimya sa mutthu oottittimihiwa vanceene ni maKristau, aYuda, ni amaka. Mutthu owo ti Moise. Etthu xeeni yoopacerya munuupuwela anyu vaavo muniiwa anyu nsina nawe? [Nwehererye waakhuliwa.] Vanaamwi owo aapanke itthu soovonyeya, ti voohakalaliha woona moota Biibiliya onimulavula awe. [Mmusome Otumererya 34:10-12.] Erevista ela ennithokorerya mikhalelo 3 sooloka sa Moise ni moota nikhanle ahu oomutakiha”.

Despertai! a Feverero

“Mahiku ala atthu anceene annithaama elapo aya arowaka elapo ekina aphavelasaka okumi wooloka. Munoona sai, niireke khula okathi anniphwanya ele aniphavela aya? [Nwehererye waakhuliwa.] Othaama orowaka elapo ekina khahiyo etthu ya naanano. Moone ntakiheryo nla ninkhuma eliivuru yoopacerya ya Biibiliya. [Musome Maphattuwelo 46:5, 6.] Erevista ela ennithokorerya makoho ala”. Mmooniherye mwaaneene etthoko makoho ari wanikisa wa epaaxina 6.