Xuufiyaa Wottiyoobaa Goꞌettidi Markkattiyoogaa

Xuufiyaa wottiyo gaariyaa woy xarapheezaa goꞌettidi markkattiyoogee ashkke asay tumaa siyanaadan keehi maaddiiddi deꞌees. (Yoh. 6:44) Hegaa gishshawu, gubaaꞌe cimati bantta moottan asay dariyo heeran dabaaban markkattanawu hanotaa giigissanaadan odettiis. Xuufiyaa wottiyo gaariyaanne xarapheezaa issisaappe harasaa efaana danddayiyo gishshawu, issisan oottanawu darotoo aawatetta maatay deꞌiyoogeeta oychana koshshenna. Dabaaban markkattana danddayiyay oonee? Hanotaa loytti yiggana danddayiya, bonchissiya hanotan deꞌiya, qassi asaa loytti haasayissana danddayiya aassiyaageeta. Aassiyaageeti loꞌꞌo ayfiyaa demmanaadan oottana bessiyaabaynne bessennabay hagaappe kaallidi qoncciis.

Oottana Bessiyaabaa:

Ogiyaara biya asaa maaddana koyiyoogaa bessiya hanotan pashkki gaada xeella. Issi issi ishatinne michoti asaa pashkki giidi sarotoosona. Issi asi hegaara biiddi xuufiyaa xeellikko, “Koyiyaaba gidikko, issi xuufiyaa ekkana danddayaasa” gaana danddayaasa.
Xuufiyaa wottiyoosan eqqana koshshiya sohuwan eqqa. Issi issi moottan ishatinne michoti xuufiyaa wottiyoosaa matan eqqiyoogan loꞌꞌo ayfiyaa demmidosona. Harati qassi xuufiyaa matan eqqiyoogee asay mammottanaadan oottiyo gishshawu, guuttaa haakki eqqidi asay xuufiyaa mati yiidi eqqiyo wode etakko shiiqoosona. Issi asi xuufiyaakko shiiqiyo wode, “Hagaa mala oyshaa kase qoppa eray?” gaada oychiyoogan haasayissiyoogaa doommana danddayaasa.
Danddayettiyo wode ubban Geeshsha Maxaafaa goꞌetta.
Issi asi nuuni asaa xannaꞌissanawu goꞌettiyo xuufiyaa, leemisuwawu Geeshsha Maxaafay Tamaarissiyoy giyo maxaafaa ekkiyaaba gidikko, Geeshsha Maxaafaa xannaꞌissiyoogaabaa yoota. Geeshsha Maxaafaa Xannaꞌana Koshshiyoy Aybissee? giyo biiduwaa moobayliyan woy haraban bessanawu mala.
Danddayettiyaaba gidikko, siyana koyiya uraa adrashaa oycha. Izaawu ne haggaazo moottan deꞌennaba gidikko, Hayyanintta Kaallidi Maaddite (S-43) yaagiyo qitsiyaa kunttada gubaaꞌiyaa xaafiyawu sohuwaara imma.