Xoossay Neessi Qoppees
GEESHSHA MAXAAFAY Xoossay nuussi immidoba gidiyo gishshawu aybippenne aadhdhiya zoriyaa zorees. Geeshsha Maxaafay payyatettaa naagiyo ogiyaabaa yootiya maxaafa gidana xayikkonne, unꞌꞌissiyaabata genccanawu, likke gidenna ogiyan qoppiyoogaa agganawu, azzanttiyaabata genccanawu, qassi asatettaaninne qofan payya gidanawu maaddiyaabata zorees.
Ubbaappe aaruwan, Geeshsha Maxaafay nuna medhdhida Xoossaa Yihoowaya nu qofaanne nuuyyo siyettiyaabaa ooppenne aaruwan akeekiyoogaa loytti qonccissees. Nuna gakkiya meto ubban nuuni genccanaadan maaddanawu I keehi koyees. Leemisuwawu, keehi minttettiya Geeshsha Maxaafaa xiqiseta naaꞌꞌata beꞌa:
“GODAI wozanai me77idoogeetussi mataana; qassi bantta ayyaanan liiqidaageeta ashshees.”—MAZAMURE 34:18
“Taani GODAI, ne Xoossai, ne ushachcha kushiyaa oiqqana. Nena, ‘Yayyoppa, taani nena maaddana’ [yaagays].”—ISIYAASA 41:13
SHin guuggiyaa sahuwaara gayttidaagan genccanaadan Yihooway nuna waati maaddii? Neeni kaalliya huuphe yohotun beꞌanaagaadan, Yihooway nuussi tumuppe qoppiyoogaa daro ogetun bessees.
a Yihoowa giyoogee Xoossawu buzo sunttaa.—Mazamure 83:18, NW.