Human Being De Destroy The Earth—Wetin Bible Talk?

‘Human being don de do many things wey go soon cause serious weather problem. Flood go soon cover big-big city. We go feel the kind heat wey we never experience before. We go still see heavy rain with strong breeze wey go cause fear. Water no go dey for many place, and plenty-plenty plant and animal wey dey now no go dey again. This one no be story or to carry talk wetin go cause fear. Na wetin science people tell us say go happen because of the way government de use the natural things wey them take de produce things like light and heat.’ Na wetin António Guterres, wey be secretary-general of the United Nations talk for April 4, 2022 about the report of Intergovernmental Panel on Climate Change.

‘Science people don de warn say e no go tey, problem wey fit happen because of weather wey de change go affect almost all the 423 national park [for United States]. This na because if weather don too hot e fit destroy the plants and animals wey dey the park. The bad things wey fit happen be like disaster wey we fit read for Bible: fire and flood, big ice block for sea wey de melt, water for sea de over full and when weather over hot.’—“Flooding Chaos in Yellowstone, a Sign of Crises to Come,” The New York Times, news paper June 15, 2022.

This problem wey de happen for the earth go end? If na so, who go end-am? See wetin Bible really talk.

Bible don talk about the bad things wey de happen to the earth

Bible talk say God go “destroy people wey de destroy the earth.” (Revelation 11:18) This Bible verse teach us three things:

1. 1. Things wey human being de do go really spoil the earth.

2. 2. Time de come when human being go stop to destroy the earth.

3. 3. Na God go end the problem wey the earth de face human being no fit end-am.

Our earth get better future

Bible talk say “the earth go remain forever.” (Ecclesiastes 1:4) People go always stay inside.

For future the condition of our earth go be as God want-am.