Ko Te ʼu Fono Gāue ʼo Maio
Vahaʼa ʼe kamate ʼi te 4 maio
Katiko 72
10 mn: Ko te ʼu logo ki te kokelekasio pea mo te ʼu Tonu ʼo te Minisitelio ʼo te Puleʼaga ʼe ʼaoga ki te kokelekasio. Fakaloto mālohiʼi te kau faka mafola ke nātou ʼolo ʼo fai faka mafola ʼi te fakaʼosi vahaʼa. Palalau ki te ʼu fakatuʼutuʼu makehe neʼe fai ʼo ʼuhiga mo te fai faka mafola ʼi te ʼaho 8 ʼo maio.
20 mn: “Tou fakahā Te Tule Leʼo ʼi maio.” ʼO fai ʼaki he ʼu fehuʼi pea mo he ʼu tali. Ke fakatuʼutuʼu te fakasiosio ʼaē ʼo te ʼuhiga ʼo Te Tule Leʼo ʼe fakahā ʼi te ʼu numelo fuli ʼi ʼoluga ʼo te pasina 2. ʼE feala ha kotou fakaʼaoga niʼihi atu faʼahiga fakahā ʼo te ʼu nusipepa ʼi te lolotoga vahaʼa. Ko te kau faka mafola ʼe tonu ke nātou fakahā fakafiafia te ʼapone.
15 mn: “Te ʼu ʼuluaki palalau ʼaē ʼe nātou fakakeheʼi.” ʼO fai ʼaki he ʼu fehuʼi pea mo he ʼu tali. Fehuʼi age ki te kau faka mafola pe neʼe nātou fakaʼaogaʼi te ʼu ʼuluaki palalau neʼe tuʼu ʼi te ʼu numelo fakamuli ʼo te Minisitelio ʼo te Puleʼaga, neʼe lahi te ʼu manatu neʼe toʼo mai te tohi Comment raisonner. Ko te ʼu ʼuluaki palalau fea koa ʼaē neʼe hage ʼe tau lelei mo te telituale ʼo te kokelekasio? Ko te temi fea koa ʼe nātou teuteuʼi ai pea mo nātou faʼifaʼitaki ʼo te ʼu ʼuluaki palalau ki te fai faka mafola? Fai he ʼu faʼifaʼitaki e lua pe e tolu: ko he ʼu ʼuluaki palalau neʼe ʼaoga ki te telituale ʼo te kolo.
Katiko 32 pea mo te faikole fakaʼosi.
Vahaʼa ʼe kamata ʼi te 11 maio
Katiko 9
5 mn: Ko te ʼu logo ki te kokelekasio.
20 mn: “Tou fai he ʼu ʼaʼahi fakapotopoto.” Fai palalau mo nātou ʼe ʼi te fono ki te ʼu puani tāfito ʼo te alatike; ʼe feala ha kotou fakahā fakanounou he faʼifaʼitaki ʼi te fai faka mafola ʼo he tahi neʼe fia logo ʼaki he ʼaʼahi. ʼI te ʼu minuta e ono pe e valu, fai he faʼifaʼitaki: Ko he tagata takitaki ʼo te ako tohi ʼe ina tokoniʼi te kau faka mafola e lua pe e tolu ke nātou teuteu ʼo liliu ʼo ʼaʼahi te ʼu hahaʼi ʼaē neʼe fia logo. ʼE nātou palalau anai, mokā ʼe feala, ki te ʼu ʼaʼahi ʼa te kau faka mafola ka nātou fai moʼoni anai.
20 mn: “Fakatahi faka tisitilike 1992 ‘Kau kavelogo ʼo te mālama’ ” — Fahaʼi 1. Fakasiosio ʼo fai ʼaki he ʼu fehuʼi pea mo he ʼu tali ʼo te ʼu palakalafe 1 ki te 10. Ko te kau faka mafola ʼe nātou palalau anai ki te ʼu puani ʼe ʼaoga mo te kau ako ʼo te Tohi-Tapu ʼe kau anai ki te fakatahi.
Katiko 65 pea mo te faikole fakaʼosi.
Vahaʼa ʼe kamata ʼi te 18 maio
Katiko 202
10 mn: Ko te ʼu logo ki te kokelekasio. Palalau ʼo ʼuhiga mo te falā. Fakamalo ʼo ʼuhiga mo te ʼu meʼa ʼofa neʼe fai ki te Sosiete pea mo te kokelekasio.
20 mn: “Tou fakaloto mālohi ke hoholo atu te ʼu fakatuʼutuʼu fakalaumālie.” Fai palalau ʼe fai ʼe he tagata ʼāfea. ʼI te ʼosi ʼo fakasiosio ʼo te palakalafe 6, fehuʼi ki he tupulaga faʼifaʼitaki lelei ʼi te faka mafola neʼe ina tali te fakaloto mālohi ke hoholo atu tana ʼu fakatuʼutuʼu fakalaumālie. Neʼe feafeaʼi koa tona fakaloto mālohi ʼi te fahaʼi ʼaia? Lolotoga te fakasiosio ʼo te palakalafe 7, fakahā te ʼu tapuakina ʼe maʼu e te ʼu matuʼa ʼo tatau aipe mo te ʼu fānau ʼi tanatou toe fakasiosioʼi te ʼu kapite 22, 38 pea 39 ʼo te tohi Les jeunes sʼinterrogent.
15 mn: “Fakatahi faka tisitilike 1992 ‘Kau kavelogo ʼo te mālama’ ” — Fahaʼi 2. Fakasiosio ʼo fai ʼaki he ʼu fehuʼi pea mo he ʼu tali ʼo te ʼu palakalafe 11 ki te 17. Toe fakahā he ʼu fakamanatu ʼaoga ʼe fakatafito ki Te Tule Leʼo ʼo te ʼaho 15 ʼo sunio 1989, ʼi te ʼu pasina 10 ki te 20. Fakaloto mālohiʼi te ʼu famili ke nātou toe vakaʼi te ʼu manatu ʼi te ʼu alatike ʼaia ʼi muʼa ʼo tanatou ʼolo ki te fakatahi ʼaia.
Katiko 213 pea mo te faikole fakaʼosi.
Vahaʼa ʼe kamata ʼi te 25 maio
Katiko 220
8 mn: Ko te ʼu logo ki te kokelekasio. Logo faka teokalatike. Fakahā he ʼu faʼifaʼitaki ʼo ʼuhiga mo te fai ʼo te ʼu apone (ke vakaʼi tomuʼa te fahaʼi ʼaia mo fakafelōgoʼi mo te tēhina ʼaē neʼe hinoʼi ki te ʼu apone ʼi te kokelekasio). Palalau fakanounou ki te ʼu fakatuʼutuʼu makehe ʼo ʼuhiga mo te fai faka mafola ʼi te ʼaho 28 ʼo maio.
15 mn: Koutou taupau ia koutou mai te ʼapositasia. Fai palalau ʼa he tagata ʼāfea pea mo he tahi ʼi te kau faka mafola ʼona heheka ʼi he laupapa. ʼE fakamatala e te tagata faka mafola neʼe felāveʼi ia mo he tahi neʼe ina lau te ʼu tohi mai te kau ʼaposita. ʼE hage kia ia ko te ʼu fehuʼi ʼa te tagata ʼaia ʼe fakamalotoloto. Neʼe fakafisi ia ki te ʼu tohi faka ʼaposita ʼaē neʼe ina fakahā age, kae ʼe fia liliu ʼo tali tana ʼu fehuʼi. Ko te tagata ʼāfea ʼe fakamalo age ki te tagata faka mafola ʼo ʼuhiga mo tana fakakaukau lelei pea mo tana aga. ʼE mole ʼaoga ke palalau ki te ʼu meʼa neʼe tohi pe ʼe ko te ʼu palalau ʼa te kau ʼaposita, ʼe ko he aga fakapotopoto te vakaʼi ʼo te ʼu manatu ʼa te Tohi-Tapu ʼo ʼuhiga mo te ʼu puani ʼaia ʼo fakaʼaoga te tohi Comment raisonner. Ko te tagata ʼāfea ʼe ina fakaʼafe te tagata faka mafola ke ʼavahi tana tohi, pea fakatahi ʼe nā toe vakaʼi te ʼu pasina 36 ki te 39. Lolotoga tanā fai palalau fakafiafia pea mo fakaloto mālohi, ʼe nā vakaʼi anai te ʼuhiga ʼo te kupu ʼaē ʼapositasia, te ʼu kupu ʼe tohi mata lalahi feiā foki mo he ʼu vaega mokā ʼe fealagia te temi. Ko tana fai palalau ʼe fakaʼosi anai ʼaki he ʼu manatu lelei ʼo ʼuhiga mo te ʼu fakatuʼutuʼu ʼaoga pea mo fakaloto mālohi ʼe ʼaoga ki te ako. ʼE maʼuhiga te fakahā ʼo he logo ʼe lelei ki he tahi. Kapau ʼe fakamalotoloto he tahi, ʼe ina fakakehekeheʼi anai te moʼoni pea mo te manatu hala, mo te fatufatu ʼa te kau ʼaposita. Ko te fakafisi ʼaē ki te ʼu manatu pea mo te ʼu tohi faka ʼaposita, ʼe tou fakahā ai tatatou agatonu kia Sehova pea mo tona kautahi ʼi te kele.
7 mn: “Ko te ʼu tali ki ʼa kotou ʼu fehuʼi.” Fai palalau ʼo kau ki ai mo nātou fuli ʼi te fono.
15 mn: “Ko te kai fakalaumālie ʼi te ʼaho fuli — ko he maʼua ʼaia ki te famili faka kilisitiano katoa.” ʼO fai ʼaki he ʼu fehuʼi pea mo he ʼu tali.
Katiko 108 pea mo te faikole fakaʼosi.