Ko Te ʼu Tali Ki ʼa Kotou ʼu Fehuʼi

◼ ʼE feafeaʼi koa te fakasiosio lelei e te tagata taupau ki te gāue te ʼu gāue ʼa te ʼu tagata faifekau faka minisitelio ʼaē ʼe fakatokaga ki te ʼu tohi pea mo te ʼu nusipepa?

Ko te tagata taupau ki te gāue ʼe mole gata pe tona maʼua ʼi te ʼaʼahi ʼaē ʼo he ako tohi ʼi te māhina pea mo fakatuʼutuʼu te ʼu fono tuʼumaʼu ʼo ʼuhiga mo te fai faka mafola. Ko te tagata ʼāfea faiva ʼaia ʼe ina fakatokaga leleiʼi anai kia meʼa fuli ʼaē ke haʼele ai te fai faka mafola ʼi te telituale ʼo te kokelekasio.

ʼE fakatokaga anai ia ʼi te māhina fuli pe ʼe feʼauga te ʼu tohi ki te fai faka mafola pea mo te ʼu nusipepa ʼe ʼaoga. Ki te fahaʼi ʼaia, ʼe ina fakasiosioʼi te ʼu faʼahiga gāue ʼa te ʼu tagata faifekau faka minisitelio ʼaē ʼe fakatokaga ki te ʼu tohi pea mo te ʼu nusipepa.

Ko te tagata taupau ki te gāue ʼe fakalogo lelei anai ki te ʼu tonu ʼo ʼuhiga mo te ʼu tohi ʼe tufa anai ʼi te ʼu māhina ka hoko mai, mokā hā ʼi Te minisitelio ʼo te Puleʼaga. ʼE gāue tahi anai ia mo te tēhina ʼaē ʼe fakatokaga ki te ʼu tohi pea ʼe nā vakaʼi tokolua anai pe ʼe feʼauga te ʼu tohi, mo nā fakatokaga ke ʼaua naʼa lahi fau te ʼu tohi. Kapau ko he tohi ko tona ʼuluaki fakahā ʼaē ʼi te fai faka mafola pe ʼe kua vave pe tona ako ʼi te kokelekasio, ʼe tonu ke nā fakatokaga ki te fahaʼi ʼaia mokā ʼe kole ki te Sosiete. Kapau neʼe kua ʼosi fakahā te tohi ʼaia, ko te tānaki gāue ʼo te kokelekasio ʼo ʼuhiga mo te tufa fakamuli ʼaia ʼe ina fakahā anai te lahi ʼo te ʼu tohi ʼe ʼaoga. ʼE moʼoni, ʼe tonu ke tou fakatokaga ki ʼihi ʼu fahaʼi ohage la ko te lahi ʼo te kau pionie vaeluaʼi temi ʼi te māhina ʼaia, feiā foki ki te lahi ʼo te kau fai faka mafola pea mo te kau pionie katoa. Ko te ʼu tohi ʼe tonu ke fakaāva mai kia tatou ʼi muʼa pe mo te fakaʼosi ʼaē ʼo te ʼu fono. Ko te ʼu kalato tohi ʼe tonu ke tuku ʼi he fahaʼi ʼe maʼa pea mo moamoa, ke ʼaua naʼa popo.

Ko te tagata taupau ki te gāue ʼe gāue tahi foki mo te tēhina ʼaē ʼe fakatokaga ki te ʼu nusipepa. ʼE tonu ke nā fakatatau te lahi ʼo te ʼu nusipepa ʼe kole ʼi te māhina mo te ʼu nusipepa ʼaē neʼe tufa ʼi te fai faka mafola. ʼE lagi ko ʼihi kau faka mafola ʼe tonu ke siʼisiʼi tanatou kole nusipepa mokā ʼe tuku ʼi tonatou ʼapi ʼe mole feala tanatou tufa. ʼE mole tonu ke maumauʼi te ʼu nusipepa.

Moʼo taupau te manatu ʼaia ʼi tatatou fakakaukau, ko te tagata taupau ki te gāue ʼe ina fakasiosio te lahi ʼo te ʼu tohi ki te fai faka mafola neʼe fakahinoʼi e te kokelekasio ʼaki te Kole ʼo te ʼu tohi (S-14). ʼOsi ʼaia pea ʼe ina ʼavage te kole ʼaia ki te sikalaipe ʼo te kokelekasio, ʼaē ʼe ina vakaʼi fakalelei anai te toe ʼo te pepa ʼaia pea tāfito te lahi ʼo te ʼu alatike ʼi te kole makehe.

ʼE moʼoni, ko te tokaga lelei ki te ʼu tohi pea mo te ʼu nusipepa ʼe tonu ke tohi fakaleleiʼi. Kapau ʼe ʼi ai he ʼu fehuʼi ʼa te ʼu tēhina ʼaē ʼe tokaga ki te ʼu tohi ʼo ʼuhiga mo te fakaʼaogaʼi ʼo te ʼu pepa pea mo te faʼahiga tāʼofi ʼo te ʼu tosie, ʼe fiafia anai te sikalaipe ʼo tokoniʼi nātou ʼi te fahaʼi ʼaia ʼo tanatou gāue.