Watchtower TANAKIʼAGA TOHI ʼI TE NETI
Watchtower
TANAKIʼAGA TOHI ʼI TE NETI
Faka'uvea
  • TOHI-TAPU
  • TOHI
  • FONO
  • km 12/11 p. 2
  • Te Tali Ki ʼAkotou ʼu Fehuʼi

Aucune vidéo n'est disponible pour cette sélection.

Il y a eu un problème lors du chargement de la vidéo.

  • Te Tali Ki ʼAkotou ʼu Fehuʼi
  • Te Minisitelio ʼo Te Puleʼaga—2011
  • He Tahi ʼu Alatike
  • Tou Fakaʼaogaʼi Fakapotopoto ʼAtatou Tohi Fakatohi-Tapu
    Te Maʼuli Fakakilisitiano Mo Te Faifakamafola—Kaupepa Ako—2017
  • Tou Fakaʼaogaʼi Fakalelei Tatatou ʼu Tohi Faka Tohi-Tapu
    Te Minisitelio ʼo Te Puleʼaga—2005
  • Tou Tufa Te ʼu Tohi ʼi Te ʼu Telituale ʼAē ʼe Lea Kehekehe
    Te Minisitelio ʼo Te Puleʼaga—2003
  • ʼE Feafeaʼi Hatatou Tokaga Ki ʼAtatou ʼu Tohi?
    Te Minisitelio ʼo Te Puleʼaga—2011
Hoko Atu
Te Minisitelio ʼo Te Puleʼaga—2011
km 12/11 p. 2

Te Tali Ki ʼAkotou ʼu Fehuʼi

◼ ʼE tou lava ʼiloʼi feafeaʼi peʼe ʼaoga koa ke tou foaki he tohi ki he tahi?

ʼUluaki, ʼe ko ia ʼaē ʼe fia logo. Kapau ʼe fia logo moʼoni, ʼe feala ke tou foaki age ia he ʼu nusipepa ʼe lua, he kaupepa, he tohi, peʼe ko he tahi age tohi, tatau aipē peʼe tou ʼiloʼi ʼe ʼi ai hana kiʼi foʼi falā peʼe kailoa ke ina foaki ko he meʼa ʼofa ki te gāue fakamālamanei. (Sopo 34:19; Apk. 22:17) Kae, ʼe mole tou foaki anai tatatou ʼu tohi maʼuhiga kiā natou ʼaē ʼe mole natou leleiʼia.—Mat. 7:6.

ʼE fakahā feafeaʼi e he tahi ia tana fia logo? ʼI tana palalau fakafiafia mo tātou, ʼe ko he fakaʼiloga lelei ʼaia. ʼI tana muliʼi lelei ia tatatou fai palalau, ʼo tali ki te ʼu fehuʼi pea mo fakahā tana ʼu manatu ʼe hā ʼaki mai ai ʼe fia kau ki te fai palalau.ʼI tana muliʼi ia tatatou lau ia te Tohi-Tapu, ʼe hā ʼaki ai ʼe fakaʼapaʼapa ki te Folafola ʼa te ʼAtua. ʼI te agamāhani, ʼe lelei ke tou kole age peʼe ina fia lau ia te ʼu tohi ʼaē ʼe tou foaki age. ʼE tonu ki te kau fai fakamafola ke natou vakavakaʼi fakalelei ia te hahaʼi ʼaē ʼe fia logo. Ohagē lā, kā tou fai fakamafola ʼi te ala, ʼe mole ʼaoga anai ke tou toʼotoʼo ʼi tuʼa ia te ʼu nusipepa, mo te ʼu kaupepa, peʼe ko te ʼu tohi ke tou tufa ki te tagata fuli ʼe fakalaka ovi iā tātou. Kapau ʼe mole feala ke kotou ʼiloʼi ia te tagata ʼaē ʼe fia logo, ʼe lelei ke tou foaki age ki ai hana kiʼi pepa lotu.

ʼO toe fēia aipē, ko te lahi ʼo te ʼu tohi ʼe maʼu ʼi te tānakiʼaga tohi ke foaki ki he kaugā fai fakamafola ʼe fakafuafua pē ʼo mulimuli pē te ʼu tohi ʼe ʼaoga kiai ʼi tana minisitelio, kae ʼe mole foaki ʼo mulimuli ki tana fealagia ʼaē ke ina foaki. Ko te ʼu meʼa ʼofa ʼe mole totogi ʼaki te ʼu tohi kae ʼe tokoni moʼo lagolago ki te ʼu ʼaluʼaga fuli ʼo tatatou gāue fai fakamafola fakamālamanei. Kae ʼaki tatatou falā, ʼe tou loto fakafetaʼi anai ʼo foaki ia te meʼa ʼaē ʼe tou loto kiai, kae mole ko tatatou ʼu toega falā, mo lagolago ki te ʼu gāue ʼo te Puleʼaga. (Mko. 12:41-44; 2 Ko. 9:7) Koia kapau ʼe tou toʼo pē ia te ʼu tohi ʼaē ʼe ʼaoga kiā tātou, ʼe mole tou maumauʼi anai ʼaki he foaki ʼo he falā moʼo totogi ʼaki te ʼu tohi.

[Fakamatala ʼo te pāsina 2]

ʼE tonu ki te kau fai fakamafola ke natou vakavakaʼi fakalelei ia te hahaʼi ʼaē ʼe fia logo

    Te ʼu Tohi Fakaʼuvea (1978-2025)
    Mavae
    Hu Ki Loto
    • Faka'uvea
    • Vaevae
    • Préférences
    • Copyright © 2025 Watch Tower Bible and Tract Society of Pennsylvania
    • Conditions d’utilisation
    • Règles de confidentialité
    • Paramètres de confidentialité
    • JW.ORG
    • Hu Ki Loto
    Vaevae