Tou Fakaʼaogaʼi Fakapotopoto ʼAtatou Tohi Fakatohi-Tapu

Neʼe ui fenei e Sesu: “Neʼe kotou maʼu noa, kotou foaki noa.” (Mat 10:8) Neʼe mahino gafua te fakatotonu ʼaia. Koia, ʼe tou fakalogo anai ki te fakatotonu ʼaia ʼo mole tou fakatotogi ki te hahaʼi te ʼu Tohi-Tapu peʼe ko ʼatatou tohi. (2Ko 2:17) Kaʼe, ʼe maʼu ʼi te ʼu tohi ʼaia te ʼu moʼoni taulekaleka mai te Folafola ʼa te ʼAtua. Neʼe ta mo momoli te ʼu tohi ʼi te ʼu kokelekasio ʼo te malamanei katoa. ʼEi, ʼe ʼaoga lahi ni gaue mo he falā moʼo fakahoko te aluʼaga ʼaia. Koia ʼae ʼe tonu ai ke tou toʼo pe te ʼu tohi ʼae ʼe ʼaoga kia tatou.

ʼE tonu ke tou maʼu te fakasiosio tonu moka tou foaki ki ʼihi ʼatatou tohi, maʼia ʼi te fagonogono faigamalie. (Mat 7:6) ʼE mole tou tufa pe anai te ʼu tohi kia natou ʼae ʼe tou felaveʼi mo ia kaʼe ʼe tou faiga anai ke tou faipalalau mo natou ke tou iloʼi ai pe ʼe natou fia logo moʼoni. ʼE feala koa hakotou tali ʼei ki te ʼu fehuʼi takitahi ʼae ʼi te fakamatala ʼae ʼi te ʼa takai? Kapau ʼe mole kotou iloʼi pe ʼe fia logo ia ia ʼae kotou felaveʼi mo ia, ʼe lelei age ke kotou foaki ki ai hana pepa lotu. ʼE mahino ia, kapau ʼe ina kole mai he nusipepa peʼe ko he tahi age tohi, ʼe tou fiafia anai ʼi te foaki age.—Taa 3:27, 28.