Ko Te ʼu Fono Gāue ʼo ʼAukusito
Vāhaʼa ʼe kamata ʼi te 3 ʼaukusito
Katiko 162
10 mn: Ko te ʼu logo pea mo te ʼu Tonu ʼo te Minisitelio ʼo te Puleʼaga ʼe ʼaoga ki te kokelekasio. Fakahāhā he ʼu manatu tafito ʼe feala ke tou fakaʼaogaʼi moʼo fakahā ʼo te ʼu nusipepa fakamuli. Fakaloto mālohiʼi te kau faka mafola fuli ke nātou ʼolo ʼo fai faka mafola ʼi te fakaʼosi vāhaʼa.
15 mn: “Te ʼu ʼuluaki palalau ʼe lagaʼi ai te fia logo.” ʼO faiʼaki he ʼu fehuʼi pea mo he ʼu tali. Faʼifaʼitaki ʼo muliʼi te ʼu manatu ʼo te palakalafe 5.
20 mn: “Tou faiga ke hā tatatou aga ke hoholo ai tatatou haʼele ki muʼa.” Koutou vakaʼi te ʼu palakalafe e lua ʼo fai ʼaki he akonaki, ʼosi ʼaia pea koutou fakasiosio te ʼu palakalafe ʼe hoko atu ki ai ʼo faiʼaki he ʼu fehuʼi pea mo he ʼu tali. Fakahāhā te ʼu puani ʼe ʼaoga ki te kokelekasio. Fakaʼosi ʼaki he fakamanatu nounou.
Katiko 155 pea mo te faikole fakaʼosi.
Vāhaʼa ʼe kamata ʼi te 10 ʼaukusito
Katiko 133
10 mn: Ko te ʼu logo ki te kokelekasio; palalau ʼo ʼuhiga mo te falā; fakamālo ʼo ʼuhiga mo te ʼu meʼa ʼofa. Fakamālo ki te kokelekasio ʼo ʼuhiga mo te falā neʼe nātou foaki ke fakahaʼele ai te ʼu gāue ʼaia, ʼo feiā foki ki te gāue ta tohi, te akonaki pea mo te tufa ʼo te Tohi-Tapu.
20 mn: Tou taupau te fia logo lolotoga te ʼu ʼaʼahi. Fai palalau ʼo fai e te tagata taupau ki te gāue. Tokolahi ʼe nātou leleiʼia te fai palalau mo te hahaʼi pea mo te tuku ʼaē kia nātou te ʼu tohi (om pp. 88, 89). ʼE ʼi ai foki totatou maʼua ko te uga ʼo te fia logo ʼi te loto ʼo nātou ʼaē ʼe fai palalau mo tatou. Faʼifaʼitaki nounou: lolotoga he ʼaʼahi, koutou fakaʼaogaʼi he kiʼi pepa lotu moʼo taupau ai te fia logo ʼa he tahi neʼe mole tou tuku age ki ai he tohi. Fakahāhā he manatu e tahi peʼe lua. Fai he tahi faʼifaʼitaki nounou ʼo fakahā ai pe ʼe feafeaʼi te fakeʼaogaʼi ʼo te ʼu manatu ʼi te kumiʼaga ʼo te tohi Comment raisonner. Fakahā he ʼu manatu tafito pea mo fakahagatonu ʼo te tohi ʼe ina ʼaumai ai ia ia ʼaē ʼe palalau mo tatou ke lahi tona fia logo ki te Tohi-Tapu. Fakamahino pe ʼe feafeaʼi te teuteuʼi ʼo he ʼu ʼaʼahi ki muli mai.
15 mn: “Babylone la Grande.” Fakasiosio ʼo te ʼu tanakiʼaga ʼo te tohi Comment raisonner, ʼu pasina 42 ki te 46. Faʼifaʼitaki: ko he kau faka mafola ʼe fai palalau mo he tahi ʼe ako te Tohi-Tapu ʼo ʼuhiga mo tana ʼu faiga. ʼE ina fakahā te maʼuhiga ʼaē ʼe tonu ke maʼoniʼoni ʼi muʼa ʼo Sehova, tau mo tana tokoni pea mo tana tapuakina (1 Petelo 1:15, 16). ʼE ina fakahā te maʼuhiga ʼo te fakamamaʼo fakavilivili mai Papiloni pea mo hu ki te kautahi maʼoniʼoni ʼo Sehova. ʼE fakaʼosi tana palalau ʼo fakaloto malohiʼi te kau faka mafola ke nātou fakaʼaogaʼi te ʼu tohi moʼo taki ʼo te kau ako faka tohi-tapu ki te kautahi pea ke nātou fakaʼaoga te tokoni ʼe tuku mai e te ʼu tagata ʼāfea.
Katiko 129 pea mo te faikole fakaʼosi.
Vāhaʼa ʼe kamata ʼi te 17 ʼaukusito
Katiko 113
15 mn: Ko te ʼu logo ki te kokelekasio. Logo faka teokalatike. Fai palalau ki te alatike ʼaē “Tou maʼuli ʼi te agapoto pea mo faitotonu”. Fakaloto mālohiʼi te kau faka mafola ke nātou fai faka mafola ʼi te fakaʼosi vāhaʼa ka haʼu.
20 mn: “Ko te ʼu ʼaʼahi: ko he faʼahi ʼe tonu ke fai.” ʼO faiʼaki he ʼu fehuʼi pea mo he ʼu tali. ʼI te ʼosi ʼo te ʼu palakalafe 5 pea mo te 6, fai he faʼifaʼitaki e lua: 1) fakahā pe ʼe feafeaʼi te kamata ʼo he ako faka tohi-tapu ʼaki he kiʼi pepa lotu; 2) koutou fili he palalau ʼi te tohi Comment raisonner pea koutou fakahā pe ʼe feafeaʼi tona fakaʼaogaʼi moʼo tali ki he fehuʼi lolotoga te ʼaʼahi. Fakahā te ʼaoga ʼaē ʼo te fai ʼo he ʼu faʼifaʼitaki. Fakaloto mālohiʼi te kau faka mafola ke nātou tokagaʼi ia meʼa fuli ʼe hā ai te fia logo.
10 mn: Fai palalau ki te ʼalatike “Kei koutou manatuʼi koa? ” neʼe hā ʼi Te Tule Leʼo ʼo te ʼaho 15 ʼo ʼapelili 1992. Fakaloto mālohiʼi nātou fuli ʼi te fono ke nātou taupau he polokalama lelei moʼo lau ʼo te ʼu nusipepa. Fakahā he ʼu manatu ʼaoga.
Katiko 130 pea mo te faikole fakaʼosi.
Vāhaʼa ʼe kamata ʼi te 24 ʼaukusito
Katiko 72
5 mn: Ko te ʼu logo ʼo te kokelekasio.
15 mn: “Tou faka mafola fakapotopoto ʼi te ʼu ʼapi.” ʼO faiʼaki he ʼu fehuʼi pea mo he ʼu tali. Fakaloto mālohiʼi te kau faka mafola ke nātou fakatuʼutuʼu te selevisi pionie vaeluaʼi temi ʼi sepetepeli. Fakahā ko nātou ʼaē neʼe pionie vaeluaʼi temi ʼe lahi ʼaupito tanatou gāue ʼi te ʼu māhina ki muli mai.
15 mn: Faigaʼi ke mahino lelei takotou ʼu fānau ki te manatu ʼa te ʼAtua mokā ʼe nātou ʼolo ki te fale ako. Akonaki ʼo fai ʼe he tagata ʼāfea. ʼE tou maʼuli ʼi he mālama ʼe faiga ke tou haʼele tahi mo ia. Ko ʼotatou kaumeʼa tūpulaga ʼe tau mo nātou te ʼu mamahi ʼi te temi nei. Ko te ʼu mātuʼa ʼe tonu ke nātou nofo tokaga ki te ʼu meʼa ʼe ʼaoga kia nātou pea mo ʼonatou ʼu faigataʼaʼia (Taag. 20:5). ʼE tonu ke nātou fakahā ki tanatou ʼu fānau te ʼofa pea mo te ʼu lao ʼa te ʼAtua, kae ʼe tonu foki ke nātou fakahā age ʼe nātou ʼoʼofa kia nātou. Faʼifaʼitaki: ko he famili ʼe fai palalau ki te ʼu lao ʼe tokoniʼi ai te kau tūpulaga ke feala ai tanatou tauʼi te ʼu faigataʼaʼia ʼe tau mo nātou, ʼo fakatafito ki te kaupepa L’école. Ko he tamasiʼi ko tana ʼuluaki ʼalu ki te fale ako kae ko he tokolua neʼe kua nā ako talu mai he ʼu taʼu. Koutou fili he manatu ʼaoga kia nātou takitokotahi. Koutou fakatokagaʼi peʼe mahino lelei takotou ʼu fānau ki te ʼu lao ʼo ʼuhiga mo nātou. Ko ia ʼaē ʼe ina fai ia te akonaki ʼe ina fakaloto mālohiʼi te ʼu mātuʼa ke nātou taki he ako faka famili pea mo fakahāhā te maʼuhiga ʼaē ke ʼi ai hanatou felogoi fakahagatonu pea mo pipiki mo tanatou fānau.
10 mn: “Tou fakaʼaogaʼi te tohi Mauli O Heegata ʼi tatatou ʼu ʼaʼahi.” Fai palalau nounou ʼo te ʼu ʼuluaki palakalafe. Ko he faʼifaʼitaki: fakahā te faʼahiga kamata ʼo he ako faka tohi-tapu fakahagatonu lolotoga he ʼaʼahi.
Katiko 126 pea mo te faikole fakaʼosi.
Vāhaʼa ʼe kamata ʼi te 31 ʼaukusito
Katiko 30
5 mn: Ko te ʼu logo ki te kokelekasio.
15 mn: ʼE koutou faiga koa ʼo haʼele ki muʼa ʼi te fahaʼi fakalaumālie? Ko te fahaʼi ʼaia ʼe fai ʼe he tagata ʼāfea. Ko nātou ʼe kau ki te kokelekasio neʼe nātou aʼu koa ki tanatou ʼu fakatuʼutuʼu totonu ʼi te taʼu gāue ʼaenī kua hili? Kapau neʼe mole aʼu ki ai, koteā tona tupuʼaga? Fakahā he ʼu fakatuʼutuʼu ʼe feala ke tou fai. ʼE ʼaoga ke hikihiki moʼo taupau ai tatatou faʼahi fakalaumālie (Filp. 3:16). Faʼifaʼitaki nounou: lolotoga te ako faka famili, ko he famili ʼe ina fakasiosio tana gāue ʼo vakavakaʼi ai pe ko te ʼu fahaʼi fea ʼaē ʼe ʼaoga ke haʼele ai ki muʼa ʼi te fahaʼi fakalaumālie.
10 mn: Te ʼu logo ʼe ʼaoga ki te kokelekasio peʼe ko te fakasiosio ʼo te gāue ʼa te kokelekasio ʼe he tagata ʼāfea.
15 mn: Tou fakahā te tohi Création ʼi sepetepeli. Akonaki pea mo te faʼifaʼitaki. Fakahāhā he ʼu manatu totonu pea mo te ʼu fakatā ʼe feala ke tou fakaʼaoga mokā tou fakahā te tohi Création. Kapau ʼe ʼaoga, ʼe feala ke tou fakaʼaogaʼi te ʼu manatu ʼo te tohi Comment raisonner, ʼi te kamataʼaga “Création”. Ko te ʼu manatu ʼo te ʼu kapite 16 pea mo te 19, “Pourquoi Dieu permettrait-il les souffrances? ” pea “Bientôt le Paradis sur la terre”, ʼe lagi fia logo anai ki ai te ʼu hahaʼi. Faʼifaʼitaki: ko he tahi ʼi te kau faka mafola fakapotopoto ʼe ina fakahā te tohi ʼo fakaʼaogaʼi ia Tāʼaga Lea 2:21, 22 pea mo te paki ʼo te pasina 197. ʼE ina fakahā ko te finegalo ʼo te ʼAtua ʼi te kamataʼaga, ʼi tana fakatupu te kele, kua vave fakahoko.
Katiko 109 pea mo te faikole fakaʼosi.