Ko Te ʼu Fono Gāue ʼo Fepualio
Vāhaʼa ʼe Kamata ʼi Te 5 Fepualio
Katiko 1
10 min: Ko te ʼu logo ʼo te kokelekasio. Te ʼu Tonu ʼo Te Minisitelio ʼo Te Puleʼaga. Logo faka Teokalatike.
15 min: “Ke Faka Mafola Te Moʼoni ʼi Te ʼAho Fuli ʼo Faʼifaʼitaki kia Sesu.” Fai he ʼu fehuʼi mo he ʼu tali. Lau te palakalafe 5.
20 min: “ ʼAki Te Tagata ʼAē ʼe Lahi Tokotahi ʼo Te ʼu Temi Fuli.” Fai palalau ʼo ʼuhiga mo te ʼu faʼifaʼitaki, pea mo fai he faʼifaʼitaki e tahi peʼe lua.
Katiko 14 pea mo te faikole fakaʼosi.
Vāhaʼa ʼe Kamata ʼi Te 12 Fepualio
Katiko 42
10 min: Ko te ʼu logo ʼo te kokelekasio. Lau ʼo te falā.
13 min: “Ke Tou Teuteuʼi Te Tufa ʼo Te ʼu Nusipepa ʼi ʼApelili.” Faka maʼuhigaʼi Te Tule Leʼo pea mo te Réveillez-vous! moʼo fakahā te logo lelei. Lau te ʼu palakalafe e lua ʼo te alatike, pea mo fakahā te fakatuʼutuʼu ʼo te kokelekasio ka fai anai ʼo ʼuhiga mo te māhina makehe ʼo ʼApelili ki te tufa ʼo te ʼu nusipepa.
22 min: “ ʼE Lava Feafeaʼi Hatatou Uga He Tahi Ke Fia Fakalogo?” Fai he ʼu fehuʼi mo he ʼu tali. Fai palalau mo he ʼu kaugā fai faka mafola e lua peʼe feafeaʼi tanā faiga ke lelei age tana palalau ʼi te ʼu matapā, fakaʼaogaʼi he ʼu kiʼi manatu mai te tohi Manuel pour l’école, pasina 164-166, palakalafe 10-21.
Katiko 151 pea mo te faikole fakaʼosi.
Vāhaʼa ʼe Kamata ʼi Te 19 Fepualio
Katiko 72
10 min: Logo ʼo te kokelekasio.
15 min: “Tou Maʼu He ʼu Lelei ʼi Te Ako ʼo Te Minisitelio Faka Teokalatike 1996—Faʼahi 2.” Akonaki ʼe fai e te tagata taupau ʼo te ako. Fakatokagaʼi te maʼuhiga ʼo te lau ʼo te Folafola ʼa te ʼAtua ʼi te ʼaho fuli.
20 min: “Tou Tokoni Kia Nātou Ke Nātou ʼIloʼi Lelei Ia Sesu.” Toe vakaʼi te ʼu faʼifaʼitaki moʼo fai he ʼu ʼaʼahi. Ko he tagata ʼāfea ʼe felogoi mo he ʼu kaugā fai faka mafola e lua peʼe tolu ʼo ʼuhiga mo te tohi Te Tagata ʼAē ʼe Lahi Tokotahi pea mo fakahā peʼe feafeaʼi te faka maʼuhigaʼi ʼo te ʼu puani ʼaia. Fai he ʼu faʼifaʼitaki e tahi peʼe lua. Fakahā peʼe feafeaʼi he fakatuputupu ʼo he fia logo ki he puani ʼe feala ai ke kamata he ako Tohi-Tapu ʼi te tohi Te ʼAtamai Mālama ʼAē ʼe Ina Taki Ki Te Maʼuli Heʼegata.
Katiko 129 pea mo te faikole fakaʼosi.
Vāhaʼa ʼe Kamata ʼi Te 26 Fepualio
Katiko 28
10 min: Logo ʼo te kokelekasio.
15 min: Ke teuteuʼi he ʼu faʼifaʼitaki lelei. Ko te taupau ki te gāue peʼe ko he tahi age tagata ʼāfea ʼe felogoi mo he ʼu kaugā fai faka mafola e lua peʼe tolu ki te ʼu lelei ʼaē ʼe maʼu ʼi te fai faka mafola ʼi te ʼu matapā mokā palalau ki he meʼa neʼe hoko ʼi tokotou telituale. Ohage la, ko te ʼu logo ʼo te telituale ʼo ʼuhiga mo te ʼu faiga ʼaē ke hikihiki totatou faʼahiga maʼuli; te tuputupu ʼo te ʼu fihifihia faka taumatuʼa, te agakovi ʼa te kau tamaliki, peʼe ko te ʼu faigataʼaʼia ʼo ʼuhiga mo te maʼu ʼo he gāue; peʼe ko he tahi age ʼu logo ʼe hā lelei ai pe koʼe ʼe kaugamālie te hahaʼi ʼe nātou liliu ʼo lotolotolua ʼo ʼuhiga mo te ʼu puleʼaki ʼaē ʼe fai e te kau takitaki politike pea mo te kau takitaki lotu. Fakahā he ʼu logo ʼo tokotou telituale, pea mo felogoi peʼe feafeaʼi tona fakaʼaogaʼi moʼo kamata ʼo he ʼu fai palalau.
20 min: Fakahā te tohi Te ʼAtamai Mālama ʼAē ʼe Ina Taki Ki Te Maʼuli Heʼegata lolotoga ʼo te māhina ʼo Malesio. Fakahā he ʼu puani lelei ʼo te tohi ʼe feala ke fakaʼaogaʼi moʼo kamata ʼo te ʼu fai palalau. (1) Fakatokagaʼi te ʼu paki fakaofoofo, ohage la ko te ʼu paki ʼo te pasina 4-5, 86, 124-5, 188-9. (2) Fakatokagaʼi age te fakaʼosi ʼo te ʼu kapite ʼaē ʼe ʼi ai te lisi ʼo te ʼu fehuʼi fakamanatu, pea mo fakamahino age peʼe feafeaʼi te fakaʼaogaʼi moʼo fakatafito ʼo he fai palalau. ʼE feala ke tou fehuʼi age ki te tagata ʼo te ʼapi peʼe ina fia ʼiloʼi te ʼu tali. Koutou filifili he ʼu fehuʼi ʼi te ʼu lisi ʼo te pasina 11, 22, 61, 149. (3) Fakaʼaogaʼi te talanoa ʼo te pasina 102, pea mo foaki he ʼu manatu ʼo fakahā peʼe feafeaʼi te fakaʼaogaʼi ʼo “Te ʼu Agaaga ʼo Te ʼu ʼAho Fakamuli” moʼo fakatupu te fia logo. (4) Fakahā ʼe maʼuhiga tāfito te tohi moʼo fai he ʼu ako ʼe tuputupu. Ko te ʼu kapite ʼe nounou, ʼe faigafua te mahino ki te ʼu manatu, ko te ʼu vaega faka Tohi-Tapu ʼe mālohi, pea ko te ʼu fehuʼi ʼe lelei moʼo fakatokagaʼi te ʼu puani tāfito. Uga te ʼu kaugā fai faka mafola fuli ke nātou fakahā te tohi ʼaki te fakatuʼutuʼu ʼaē ke kamata he ʼu ako Tohi-Tapu.
Katiko 151 pea mo te faikole fakaʼosi.