Ko Te ʼu Fono Gāue ʼo Malesio

Vāhaʼa ʼe Kamata ʼi Te 4 Malesio

Katiko 1

10 min: Ko te ʼu logo ʼo te kokelekasio. Te ʼu Tonu ʼo Te Minisitelio ʼo Te Puleʼaga. Te ʼu Logo Faka Teokalatike.

15 min: “Tou Fakafetaʼi Kia Sehova ‘ ʼi Te ʼAho Katoa.’ ” Fai he ʼu fehuʼi mo he ʼu tali. Lau te palakalafe 2 ki te 5. Koutou foaki he ʼu fakaloto mālohi ʼo ʼuhiga mo te gāue pionie vaeluaʼi temi pea mo te gāue pionie katoa.

20 min: “Te ʼAtamai Mālama ʼo ʼUhiga Mo Te ʼAtua Moʼoni ʼe Ina Taki Ki Te Maʼuli.” Vakaʼi te ʼu faʼifaʼitaki. Fai he faʼifaʼitaki e tahi peʼe lua.

Katiko 26 pea mo te faikole fakaʼosi.

Vāhaʼa ʼe Kamata ʼi Te 11 Malesio

Katiko 183

10 min: Ko te ʼu logo ʼo te kokelekasio. Lau te falā ʼo te kokelekasio.

20 min: “Tou Maʼu He ʼu Lelei ʼi Te Ako ʼo Te Minisitelio Faka Teokalatike​—Faʼahi 3.” Akonaki ʼe fai e te taupau ʼo te ako. Fakaloto mālohiʼi ia nātou fuli ʼaē ʼe feala ke nātou kau kiai ke tohi tonatou ʼu higoa pea mo fai fakalelei tanatou ʼu fai palalau peʼe ko tanatou ʼu akonaki.

15 min: Koutou Kau Fakatahi ʼo Fai Te ʼu Gāue Ohage Ko He Famili. Ko he tāmai ʼe palalau ki tona famili ʼo ʼuhiga mo te ʼaoga ʼo tanatou logo tahi, ʼe fakatafito ki Te Tule Leʼo, ʼo te ʼaho 1 ʼo Sepetepeli 1993 ʼi te pasina 16 ki te 19. Faka maʼuhigaʼi te ako faka famili pea mo te gāue fai faka mafola. Fakatokagaʼi ko te ʼu famili ia ʼaho nei ʼe nātou mavetevete ʼuhi heʼe mole lahi te temi ʼaē ʼe nātou fakatahitahi ai, pea ʼe lahi te ʼu meʼa ʼe mole nātou manatu tahi kiai. Ko te ako ʼo te Folafola ʼa te ʼAtua pea mo te kau ki te minisitelio ko he fua lelei ki te famili faka Kilisitiano. Fakatokagaʼi ki te tāmai ʼe tonu ke ina fakatuʼutuʼu e ia totonu te ʼu meʼa ʼaia pea ʼe tonu ke lagolago te faʼe ki tona ʼohoana. Ko te ʼu fānau ʼe tonu ke nātou fia kau ki te ʼu gāue fakalaumālie mo tanatou ʼu mātuʼa. Ko te famili ʼe logo tahi anai pea mo lotomālohi anai moʼo tekeʼi te ʼu fakahala ʼo te mālama ʼaenī.

Katiko 211 pea mo te faikole fakaʼosi.

Vāhaʼa ʼe Kamata ʼi Te 18 Malesio

Katiko 151

10 min: Ko te ʼu logo ʼo te kokelekasio. Ko nātou ʼaē ʼe nātou fai te ʼu ako ʼe tonu ke nātou fakaloto mālohiʼi te kau ako foʼou ʼaē ʼe tuputupu ʼi tanatou ako Tohi-Tapu, ke nātou faiga ke nātou liliu ko he ʼu kaugā fagona. Tahi ʼaē meʼa, ʼe feala ke tokoni te ʼu mātuʼa ki tanatou fānau ke nātou liliu ko he ʼu kaugā fai faka mafola. Vakaʼi te ʼu meʼa ʼaē ʼe tonu ke fai ʼo ʼuhiga mo te faʼahi ʼaia, ʼaē ʼe tuʼu ʼi te tohi Organisés pour bien remplir notre ministère ʼi te pasina 97 ki te 100.

15 min: Vakaʼi te ʼu puani tāfito ʼo te tohi Annuaire des Témoins de Jéhovah 1996. Ko he famili ʼe palalau ki ʼihi ʼu puani ʼaē ʼe lelei ʼo ʼuhiga mo tatatou gāue ʼaē ʼe fai ʼi te malamanei katoa, ʼaē ʼe talanoa kiai te pasina 3 ki te 5 pea mo te pasina 33. ʼE nātou fakatuʼutuʼu ʼe nātou faiga anai ke nātou lau ʼihi ʼu pasina ʼo te tohi Annuaire ʼi te hili ʼo tanatou vakaʼi te vaega ʼo te ʼaho ʼi te kiʼi kaupepa Tou Vakaʼi Te Tohi-Tapu ʼi Te ʼAho Fuli.

20 min: “Tou Tokoni Ki Te Hahaʼi Ke Nātou Maʼu Te ʼAtamai Mālama ʼAē ʼe Ina Taki Ki Te Maʼuli.” Vakaʼi te ʼu faʼifaʼitaki ʼaē ʼe foaki atu moʼo fakaʼaogaʼi ʼi te ʼu ʼaʼahi. Fai he faʼifaʼitaki e tahi peʼe lua. Fakahā lelei te fakatuʼutuʼu ʼaē moʼo kamata ʼo he ʼu ako Tohi-Tapu.

Katiko 72 pea mo te faikole fakaʼosi.

Vāhaʼa ʼe Kamata ʼi te 25 Malesio

Katiko 79

15 min: Ko te ʼu logo ʼo te kokelekasio. Vakaʼi “Ko He ʼu Tokoni ʼo ʼUhiga Mo Te ʼAho Fakamanatu.” Fakamahino te tupuʼaga ʼaē ʼe maʼuhiga ai tatatou kau ki te fono ʼaia. (Vakaʼi Te Tule Leʼo, ʼo te ʼaho 15 ʼo Fepualio 1985 ʼi te pasina 18 ki te 20.) Vakaʼi te ʼu fakatuʼutuʼu ʼaē neʼe fai moʼo ʼaumai te ʼu hahaʼi matutuʼa, te ʼu māʼimoa pea mo te hahaʼi foʼofoʼou. Talanoa ki te ʼu fakatuʼutuʼu ʼaē neʼe fai moʼo fakalahi te gāue faka mafola ʼi te vāhaʼa ʼaē ka haʼu. Vakaʼi foki mo te alatike ʼaē “Fakahā Mo He Tali Kāiga Ki Te Kau Matāpule” ʼi te Réveillez-vous! ʼo te ʼaho 22 ʼo Sepetepeli 1995 ʼi te pasina 32.

15 min: Te Tali Ki ʼAkotou ʼu Fehuʼi. Akonaki ʼe fai e te tagata ʼāfea. Fakamahino te ʼu tupuʼaga ʼaē ʼe uga ai ia tatou ke tou fakahā te loto fia foaki, ʼaē ʼe faka maʼuhigaʼi ʼi Te Tule Leʼo, ʼo te ʼaho 15 ʼo Sanualio 1992 ʼi te pasina 16 ki te 17.

15 min: “Ko Te Teuteu​—Ko Te Kalavi ʼAia ʼo Te Fua Manuʼia.” Fai he ʼu fehuʼi mo he ʼu tali. Koutou fakahā ʼe tou tufa anai Te Tule Leʼo pea mo te Réveillez-vous! ʼi te ʼu māhina ʼo ʼApelili mo Maio. Fai he ʼu teuteu ʼi te temi nei ʼo fakaʼui he ʼu nusipepa e lahi age pea mo he ʼu pepa apone pea mo fai he ʼu fakatuʼutuʼu ke lagolago te kokelekasio ki te ʼaho ʼaē ʼe tufa ai te ʼu nusipepa.

Katiko 146 pea mo te faikole fakaʼosi.