Ko Te ʼu Fono Gāue ʼo Malesio
Vāhaʼa ʼe Kamata ʼi Te 3 Malesio
Katiko 43
10 min: Ko te ʼu logo ʼo te kokelekasio. Te ʼu Tonu ʼo Te Minisitelio ʼo Te Puleʼaga. Fakaloto mālohiʼi te ʼu kaugā fai faka mafola fuli ke nātou fakaafe te hahaʼi ʼaē ʼe fia logo ki te moʼoni ke nātou ʼōmai ki te ʼAho Fakamanatu ʼi te ʼaho 23 ʼo Malesio. Fakahā te pepa fakaafe ki te ʼAho Fakamanatu, pea mo fakaloto mālohi te ʼu kaugā fai faka mafola fuli ke nātou toʼo hanatou ʼu pepa fakaafe pea ke nātou kamata tufa ʼi te vāhaʼa ʼaenī.
15 min: “ ʼI Te Temi Nei, Kua Tou Mahu ʼAupito ʼi Te Faʼahi Fakalaumālie!” ʼO fai ʼaki te ʼu fehuʼi pea mo te ʼu tali. Ko te ʼu kaugā fai faka mafola e toko lua peʼe toko tolu, ʼo kau ai mo he tūpulaga ʼe nātou talanoa ki te ʼu tapuakina ʼaē neʼe nātou maʼu. Fakaʼosi te fai palalau ʼo koutou fakahā peʼe feafeaʼi te uga ʼo tatou ke tou faiva ʼi te gāue taputapu, ʼuhi ko te tuputupu ʼo te loto fakafetaʼi.
20 min: “Tou Tufa Te Tohi Te ʼAtamai Mālama ʼAē ʼe Ina Taki Ki Te Maʼuli Heʼegata.” (Palakalafe 1 ki te 5) Fai he ʼu fakamatala fakanounou ki te palakalafe 1, pea mo talanoa peʼe lava feafeaʼi ke taupau te fia logo ki te tohi Te ʼAtamai Mālama, ʼo koutou fakaʼaogaʼi te ʼu kupu tāfito ʼo te ʼu kapite, te ʼu paki, pea mo vakaʼi te ʼu talanoa. Ko he ʼu kaugā fai faka mafola kua māhani ʼe nātou fai te ʼu faʼifaʼitaki ʼi te palakalafe 2 ki te 5. Fakaloto mālohiʼi te ʼu kaugā fai faka mafola fuli ke nātou faiga ʼo tufa te tohi ki te ʼu famili ʼaē neʼe nātou fakahā tanatou fia logo ki te moʼoni.
Katiko 92 pea mo te faikole fakaʼosi.
Vāhaʼa ʼe Kamata ʼi Te 10 Malesio
Katiko 29
10 min: Ko te ʼu logo ʼo te kokelekasio. Lau ʼo te falā. Fakamanatuʼi kia nātou fuli ʼi te fono ke nātou mulimuli ki te polokalama lau ʼo te Tohi-Tapu ʼo te ʼaho 18 ki te ʼaho 23 ʼo Malesio, ohage ko tona fakahā ʼi te kiʼi kaupepa Tou Vakaʼi Te Tohi-Tapu ʼi Te ʼAho Fuli.
20 min: “Koutou Fakahā Takotou Loto Fakafetaʼi.” ʼO fai ʼaki te ʼu fehuʼi pea mo te ʼu tali. ʼE tonu ke tou faiga mālohi fuli ke tou fakaafe ia nātou ʼaē ʼe ako Tohi-Tapu, te ʼu hahaʼi ʼaē ʼe fia logo ki te moʼoni, totatou ʼu kāiga ʼaē ʼe nātou tali lelei te moʼoni, pea mo he ʼu tēhina mo he ʼu tuagaʼane mole kei ʼōmai ki te ʼu fono ke ʼōmai ki te ʼAho Fakamanatu. Ko he kaugā fai faka mafola ʼe ina fai he faʼifaʼitaki fakanounou ʼo ina fakaafe he tahi ʼe fia logo ki te moʼoni ki te ʼAho Fakamanatu, ʼo ina fakaʼaogaʼi te pepa fakaafe. Fai he tahi ʼu fakamatala ʼo fakatafito ki Te Tule Leʼo Fakafalani ʼo te ʼaho 1 ʼo Sūlio 1988, pasina 11, ʼi te palakalafe 16 ki te 17. Fakaloto mālohiʼi ia nātou fuli ʼaē ʼe feala ke nātou pionie vaeluaʼi temi ʼi ʼApelili pea mo Maio.
15 min: “Tou Tufa Te Tohi Te ʼAtamai Mālama ʼAē ʼe Ina Taki Ki Te Maʼuli Heʼegata.” (Palakalafe 6 ki te 10) Foaki he ʼu tokoni ʼe hā ai peʼe feafeaʼi te tufa ʼo te tohi ʼo Te ʼAtamai Mālama mokā tou fai te fagonogono faigamālie ʼi totatou fale gāue, ʼi te faleako, ʼi te ʼu lotoʼā, peʼe ʼi he kā, ʼo toe feiā aipe mokā tou ʼaʼahi totatou ʼu kāiga. Ko he kaugā fai faka mafola kua māhani ʼe ina fai anai te ʼu faʼifaʼitaki ʼi te palakalafe 6 pea mo te 7. Ko te fai palalau ʼaē ka fai anai ʼi te ʼaʼahi, ʼe tonu ke tokoni kia ia ʼaē ʼe kita fai faka mafola ki ai, ke mahino ko te ako ʼo te Tohi-Tapu ʼe feala ke ina fakaloto mālohiʼi te ʼu felogoi faka famili.
Katiko 72 pea mo te faikole fakaʼosi.
Vāhaʼa ʼe Kamata ʼi Te 17 Malesio
Katiko 211
10 min: Ko te ʼu logo ʼo te kokelekasio. Vakaʼi te alatike “Ko He ʼu Tokoni ʼo ʼUhiga Mo Te ʼAho Fakamanatu,” pea mo fakahā te ʼu fakatuʼutuʼu ʼo ʼuhiga mo te ʼAho Fakamanatu. ʼE tonu ke tou fakatuʼutuʼu ke tou tokoni ki te kau ako Tohi-Tapu pea mo te ʼu hahaʼi neʼe fia logo ki te moʼoni ke nātou ʼōmai ki te ʼAho Fakamanatu.
22 min: “Ke Tou Lototoʼa ʼo Fai Te ʼu ʼAʼahi.” (Palakalafe 1 ki te 20) ʼO fai ʼaki te ʼu fehuʼi pea mo te ʼu tali. Fai te faʼifaʼitaki fakanounou ʼi te palakalafe 16.
13 min: Ko te ʼu logo ʼe ʼaoga ki te kokelekasio. Peʼe ko he akonaki ʼe fai e te tagata ʼāfea ʼo fakatafito ki te alatike ʼo Te Tule Leʼo ʼo te ʼaho 15 ʼo Sepetepeli 1996 ʼi te pasina 22 ki te 24 ko tona kupu tāfito “ ʼE Tonu Koa Ke Koutou Faifakalelei?”
Katiko 1 pea mo te faikole fakaʼosi.
Vāhaʼa ʼe Kamata ʼi Te 24 Malesio
Katiko 172
10 min: Ko te ʼu logo ʼo te kokelekasio. Fakamahino ki te ʼu kaugā fai faka mafola ʼe kei feala pe tanatou tohi he pepa ki te selevisi pionie vaeluaʼi temi ʼi ʼApelili. Fakahā te tahi ʼu fakatuʼutuʼu ʼe fai e te kokelekasio ʼo ʼuhiga mo te ʼu fono gāue lolotoga te māhina.
20 min: “Ke Tou Lototoʼa ʼo Fai Te ʼu ʼAʼahi.” (Palakalafe 21 ki te 35) ʼO fai ʼaki te ʼu fehuʼi pea mo te ʼu tali. Vakaʼi te talanoa ʼi te pasina 3. Fakaloto mālohiʼi te ʼu kaugā fai faka mafola fuli ke nātou tohi tanatou ʼu ʼaʼahi ʼaē neʼe nātou fai ʼi te lolotoga ʼo te māhina mokā ʼe nātou fai tanatou pepa tānaki gāue.
15 min: Tou Tokoni Ki Te ʼu Kaugā Fai Faka Mafola Foʼou. Vakaʼi te palakalafe 19 ʼo te pepa ʼaē ʼe ʼalutahi mo Te Minisitelio ʼo Te Puleʼaga ʼo Sūnio 1996. Fakahā peʼe feafeaʼi he teuteuʼi e he kaugā fai faka mafola kua māhani he tahi ʼe ina ako Tohi-Tapu neʼe hoki fakagafua e te ʼu tagata ʼāfea ke kau ki te fai faka mafola. ʼE nātou toe vakaʼi fakatahi te tohi Organisés pour bien remplir notre ministère, pasina 111, ʼi te palakalafe 2. Ko te kaugā fai faka mafola kua māhani ʼe ina fakahā anai te ʼu fihifihia ʼaē ʼe feala anai ke hoko ʼi tana kau ki te fai faka mafola, pea ʼe mole tonu anai ke lotovaivai mo kapau ko te tokolahi ʼo te hahaʼi ʼe mole nātou tali leleiʼi. ʼE fai e te kaugā fai faka mafola he fakamatala fakaloto mālohi ʼe hā ai te fiafia ʼaē ʼe tou maʼu mokā tou felāveʼi mo he tahi ʼe fia logo ki te moʼoni. ʼE nā teuteuʼi he faʼifaʼitaki nounou mo faigafua ʼe fakatafito ki he nusipepa pea ʼe nā fai te faʼifaʼitaki. Fakaloto mālohiʼi ia ia pea mo fai he ʼu fakatuʼutuʼu ke feala hakolua gāue fakatahi ʼi te fai faka mafola ʼi te vāhaʼa ʼaia.
Katiko 35 pea mo te faikole fakaʼosi.
Vāhaʼa ʼe Kamata ʼi Te 31 Malesio
Katiko 70
15 min: Ko te ʼu logo ʼo te kokelekasio. Fakaafe te ʼu hahaʼi fuli ʼaē neʼe fia logo ki te moʼoni ke nātou ʼōmai ʼo fakalogo ki te akonaki makehe ʼe fai anai ʼi te ʼaho 6 ʼo ʼApelili. Fakamanatu ki te ʼu kaugā fai faka mafola fuli ke nātou foaki tanatou pepa tānaki gāue ʼo te māhina ʼo Malesio. Fakahā te ʼu higoa ʼo nātou ʼaē ʼe pionie vaeluaʼi temi ʼi te māhina ʼo ʼApelili. Vakaʼi te alatike Te Tali Ki ʼAkotou ʼu Fehuʼi.
15 min: Tou Fakaʼaogaʼi Fakalelei te Annuaire des Témoins de Jéhovah 1997. ʼE vakaʼi e he tāmai te ʼu puani ʼe tuʼu ʼi te pasina 3 ki te 9 mo tona famili. Fakahā pe koʼe ʼe tou fiafia ʼi te tokagaʼi ʼo te ʼu tuputupu faka teokalatike fuli ʼi te malamanei katoa. ʼE fakamahino e te tāmai peʼe lava feafeaʼi tanatou fakaʼaogaʼi he ʼu kiʼi minuta ʼi te ʼaho fuli ʼi te temi kai ke nātou lau māmālie ai te Annuaire, ʼi te lolotoga ʼo te taʼu ka haʼu, pea mo nātou vakaʼi te koga tohi ʼo te ʼaho fuli.
15 min: Vakaʼi Te Kaupepa ʼAē ʼe Tou Tufa ʼi ʼApelili. Ko te kaupepa foʼou Koteā ʼAē ʼe Fakamaʼua Mai e Te ʼAtua Kia Tatou? ʼe ina foaki mai kia tatou te ʼu fealagia moʼo kamata ʼo he ʼu ako Tohi-Tapu foʼou. ʼE feala pe ke tou ʼui age ʼe tou fai palalau ki te ʼuluaki ako. ʼE toe feala foki ke tou fakahā Te Tule Leʼo pea mo te Réveillez-vous! pea ke ʼaua naʼa tou fakameʼameʼa ʼi te fakahā ʼo te apone. Fakahā fakanounou he ʼu puani ʼo ʼuhiga mo te teuteuʼi ʼo te fakahā ʼo te ʼu nusipepa ohage ko tona fakahā ʼi te palakalafe 3, 4, pea mo te palakalafe 8 ʼi te pasina 8 ʼo Te Minisitelio ʼo Te Puleʼaga ʼo ʼOketopeli 1996. Ko he ʼu kaugā fai faka mafola e toko lua ʼe nā fai he faʼifaʼitaki nounou e tahi peʼe lua, pea ko te ʼuluaki faʼifaʼitaki ʼe fakahā ai te kaupepa. ʼE tonu ke tohi e te ʼu kaugā fai faka mafola ki he pepa te ʼu higoa ʼo nātou fuli ʼaē neʼe nātou tali te ʼu nusipepa, pea ke nātou tatuʼu ʼo ʼave kia nātou te ʼu nusipepa foʼou.
Katiko 92 pea mo te faikole fakaʼosi.