Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike
Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa ʼo te ʼaho 1 ʼo Sepetepeli ki te vāhaʼa ʼo te ʼaho 22 ʼo Tesepeli 1997. Koutou tali ʼo tohi ki he laupepa te ʼatu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.
[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼakotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]
Koutou tohi “moʼoni” peʼe “hala” moʼo tali ki te ʼu palalau ʼaē ʼe hoa mai:
1. Ko te ʼuluaki meʼa ʼaē ʼe fakamaʼua ki he tahi ʼe fia gāue ʼi te Komite Laga Fale ʼe tonu ke poto pea mo ina ʼiloʼi te laga fale. [jv p. 325 § 6]
2. Ko Elisapeta, ohage ko tona kāiga ko Malia, neʼe haʼu mai te telepi ʼo Suta. [Pepa ʼe ʼalutahi mo Te Minisitelio (Elisapeta)]
3. Ko Epafalase pea mo Epafolotite neʼe ko te ʼu kaugā gāue ʼo te ʼapositolo ko Paulo. [Pepa ʼe ʼalutahi mo Te Minisitelio (Epafalase mo Epafolotite)]
4. Ko Epeti-Meleki, te enuke Etiopea, neʼe tokoni kia Selemia ʼo toʼo ia ia mai te vai keli ʼo Malekisa. [Pepa ʼe ʼalutahi mo Te Minisitelio (Epeti-Meleki)]
5. Neʼe mole sio ia Enoke ki te mate koteʼuhi neʼe ʼave tona sino ki selo. (Sen. 5:24) [Pepa ʼe ʼalutahi mo Te Minisitelio (Enoke)]
6. ʼE tokoniʼi tatou e Ekesote 21:22, 23 ke tou mahino ko te ʼAtua ʼe ina faka ʼuhiga te tamasiʼi ʼaē ʼe mole heʼeki tupu ʼe ko he maʼuli taulekaleka. [kl p. 128 § 21]
7. Neʼe aga fakakaumeʼa moʼoni ia Eliu, he neʼe aga fakapalatahi kia Sopo. [Pepa ʼe ʼalutahi mo Te Minisitelio (Eliu)]
8. Ko te Tāʼaga Lea 11:25 ʼe ko he faʼifaʼitaki ʼaia ʼo he ʼu manatu ʼe fakahā liuliuga ʼi te faʼahiga palalau fakatuketuke ʼa te kau Hepeleo, pea ko Tāʼaga Lea 10:7 ʼe ko he faʼifaʼitaki ʼo te fefakafeagaiʼaki ʼa he ʼu manatu. [si p. 102 § 7]
9. Ia Tāʼaga Lea 8:22-31 ʼe ko he fakamatala ʼe faka ʼuhiga ʼāteaina pe ki te poto. [Lau te Tohi-Tapu; vakaʼi te w87 15/5 p. 28.]
10. Tatau aipe peʼe faitotonu te ʼu puleʼaga faka sivile peʼe heʼe faitotonu, kae ʼe tonu ke tohi fakalelei e te kau Kilisitiano moʼoni tonatou ʼohoana ʼi te ʼu puleʼaga. [kl p. 122 § 11]
11. ʼI te ʼu taʼu ki muʼa atu ka heʼeki fakatuʼutuʼu te Faleako Faka Tohi-Tapu ʼo Kalaate, neʼe fakaaʼu te logo lelei ki te ʼu fenua tai, e te kau Fakamoʼoni ʼa Sehova ʼaē neʼe nātou ako te moʼoni ʼi te ʼu fenua matāpule pea nātou liliu ki tonatou ʼu fenua ʼo fai faka mafola ai. [jv p. 428 § 2]
12. Logope la neʼe ʼiloa ia C. T. Russell ko he tagata poto lelei ʼi te faiakonaki, kae neʼe liliu ko he tagata ʼave evaselio fakamalotoloto, he neʼe ʼofa moʼoni ki te hahaʼi. [jv p. 404 § 2]
Koutou tali ki te ʼu fehuʼi ʼaenī:
13. ʼO mulimuli ki te faʼifaʼitaki ʼo te kau Kilisitiano ʼo Efesi ʼo te ʼuluaki sēkulō, koteā te meʼa ʼaē ʼe tonu ke tou fai moʼo fakafeagai ki te ʼu laumālie agakovi? (Gāue 19:19) [kl p. 114 § 14]
14. Koteā te agahala ʼaē neʼe fai e te tahi ʼu ʼaselo ʼi te temi ʼo Noe? [kl p. 109 § 4]
15. ʼO mulimuli ki te Tāʼaga Lea 1:2-4, koteā ʼaē ʼe faka maʼuhigaʼi e te tohi ʼo Tāʼaga Lea? [si p. 104 § 19]
16. Ko te ʼu faʼahi fea ʼaē neʼe fakahā ai e te fineʼaliki ko Esitele te loto lolomi? [Pepa ʼe ʼalutahi mo Te Minisitelio (Esitele)]
17. Ko Elia neʼe ko he pelepitelo lahi ʼi Iselaele, kae ko te agakovi fea ʼaē neʼe ina tuku ke fai e tona ʼu foha, pea neʼe koteā tona ikuʼaga kia nātou? (1 Sam. 2:12, 29, 34) [Pepa ʼe ʼalutahi mo Te Minisitelio (Elia)]
18. Neʼe talanoa ia Tavite kia ai ia Pesalemo 52:2, 3, pea he koʼe neʼe kovi ʼaupito te tagata ʼaia? [Pepa ʼe ʼalutahi mo Te Minisitelio (Toeke)]
19. ʼI te taʼu 1938, neʼe fakahā feafeaʼi ʼi Lonitoni, ʼi Pilitania, te akonaki ʼo te fakatahi “Tou Fakamoʼoni Ki Te ʼu Meʼa ʼAē Kua ʼIloʼi Papau”? [jv p. 447 § 2]
20. Ohage ko tona ʼui e te tohi ʼo Fakahā, koteā anai te meʼa ʼaē ka hoko kia nātou ʼaē “ ʼe faifakalauʼakau,” mo kapau ʼe mole nātou fakahemala pea mo fetogi tonatou faʼahiga maʼuli? [kl p. 111 § 8]
21. Ko te pelesepeto fea ʼaē ʼe mulimuli kiai te fakatuʼutuʼu ʼo te ʼu kokelekasio ke foaki meʼa ʼofa ki te Kesi ʼa Te Sosiete Ki Te ʼu Fale ʼo Te Puleʼaga? [jv p. 344 §§ 3-4]
22. He koʼe ʼe tonu ke tou fakamahino fakahagatonu ki te hahaʼi ʼe fakahaʼele tatatou gāue ʼaki te ʼu meʼa ʼofa ʼaē ʼe foaki ʼaki he lotolelei? [jv p. 349 § 4]
Koutou tohi te ʼu kupu ʼaē ʼe ʼaoga moʼo fakakatoa ʼo te kupuʼi palalau ʼaenī:
23. Neʼe kole e te polofeta ko ․․․․․․․․ ki te Hau ko ․․․․․․․․ ke felāveʼi mo te ʼu polofeta e toko 450 ʼa ․․․․․․․․ , pea ko te ikuʼaga ʼo tanatou felāveʼi ʼaia neʼe fakamoʼoni ai ʼe ko Sehova te ʼAtua moʼoni pea ʼe ina tali te ʼu ․․․․․․․․ ʼaē ʼe fai age kia te ia. (Sake 5:16, 17) [Pepa ʼe ʼalutahi mo Te Minisitelio (Elia)]
24. Ko te kau Kilisitiano moʼoni ʼe mole nātou fai te po tapu peʼe ko he tahi age lafeti ʼe fakatafito ki te ʼu akonaki ʼo te ʼu lotu loi, koteʼuhi ʼe nātou ․․․․․․․․ kia Sehova; ʼe mole nātou fai te ʼu lafeti ʼaē ʼe ․․․․․․․․ ai ki te ʼu hahaʼi agahala peʼe ko te ʼu puleʼaga. [kl p. 126 § 16]
Koutou fakaʼiloga te ʼu tali ʼaē ʼe totonu:
25. ʼE tou fakamoʼoni neʼe ko Salomone ʼaē neʼe ina fai te tohi ʼo te Tagata Tānaki koteʼuhi (ʼe hā tona higoa ʼi te tohi; ko te kau faitohi ʼo te tahi ʼu tohi faka Tohi-Tapu ʼe nātou ʼui ʼe ko ia ʼaē neʼe ina fai te tohi ʼaia; ʼe hā lelei ʼi te tohi ʼaia, neʼe ko Salomone ʼaē neʼe ina tohi tatau aipe peʼe mole tuʼu ai tona higoa). [si p. 106 § 4]
26. Tokolahi te kau Afelika ʼo te Potu Hihifo neʼe nātou ʼiloʼi te moʼoni lolotoga te ʼu faiakonaki faka Tohi-Tapu ʼa (Edwin Skinner; W. R. Brown; Juan Muniz). [jv p. 433 § 2-5]
27. ʼI te “ ʼu tagata fakaloto fīmālie” e toko tolu, neʼe ko (Pilitate; Elifasi; Sofale) ʼaē neʼe palalau tāfito pea neʼe ko ia ʼaē neʼe maʼuhiga tāfito, pea tahi ʼaē meʼa, neʼe lagi (koloaʼia; poto ʼaupito; matuʼa). [Pepa ʼe ʼalutahi mo Te Minisitelio (Elifasi)]
28. Ko te mahaga ʼo (Sosefo; Isimaele; Sakopo) neʼe higoa ko Esau koteʼuhi neʼe (ko te ʼuluaki tupu; ko he tagata kapu manu; neʼe fulufulu ʼaupito), pea ki muli age neʼe higoa ko (Nimelote; Etome; Paale) ʼuhi ko te pa laku ʼaē neʼe ina totogi ʼaki tona tuʼulaga matāpule. [Pepa ʼe ʼalutahi mo Te Minisitelio (Esau)]
29. Kapau ʼe tou maʼuʼuli ʼo pipiki ki te ʼAtua, ʼe mahino ia (ʼe gaohi fakaleleiʼi anai tatou e te hahaʼi; ʼe lahi anai te ʼu koloā ʼaē ka tou maʼu ʼi te temi ʼaenī; ʼe tou maʼu anai te ʼofa ʼo te ʼAtua koteʼuhi ʼe tou fai te meʼa ʼaē ʼe totonu). [kl p. 118 § 2]
Fakatahiʼi te ʼu vaega faka Tohi-Tapu ʼaē ʼe ʼalutahi mo te ʼu kupuʼi palalau ʼaenī:
2 Hau 2:23, 24; Tāʼaga Lea 3:9, 10; Tāʼaga Lea 3:27, 28; Tāʼaga Lea 22:3; Tagata Tānaki 7:21, 22; Filipe 2:25-30.
30. Kapau ʼe tou maʼu te faigamālie ʼaē ke tou fai he ʼu meʼa lelei ki te hahaʼi, ʼi te faʼahi fakalaumālie peʼe ʼi te faʼahi fakasino, pea ʼe tonu ke tou fakaʼaogaʼi te faigamālie ʼaia pea ke tou tokoni ki totatou ʼu tatau, kae tāfito ki totatou ʼu tēhina fakalaumālie. [Lau te Tohi-Tapu; vakaʼi te w93 15/12 p. 20.]
31. Logope la ʼe mole puipui tuʼumaʼu e Sehova tana hahaʼi mai te ʼu tuʼutāmaki, ʼi te ʼu tau faka sivile, peʼe ko te fai fakapō, ʼe maʼuhiga ke nātou fakaʼaogaʼi te poto faka Tohi-Tapu. [Lau te Tohi-Tapu; vakaʼi te w92 1/1 p. 17 § 23.]
32. ʼE tonu ke mahino kia tatou ʼe tou heʼe haohaoa, pea ʼe toe feiā mo te hahaʼi agahala. [Lau te Tohi-Tapu; vakaʼi te w90 1/3 p. 8.]
33. ʼE tapuakina anai tatou e Sehova ʼi tatatou fakaʼaogaʼi totatou temi, totatou mālohi, pea mo te tahi age ʼu meʼa, ʼo kau ai mo tatatou falā, moʼo lagolago ki te tauhi moʼoni. [kl p. 120 § 8]
34. ʼE fakaʼauha anai e Sehova te ʼu tamaliki ʼaē ʼe mole nātou fakaʼapaʼapa ki tana ʼu kaugana agatonu. [Pepa ʼe ʼalutahi mo Te Minisitelio (Eliseo)]
35. Ko te temi pea mo te ʼu meʼa fakafokifā ʼe hoko ki te ʼu kaugana agatonu ʼa Sehova. [Pepa ʼe ʼalutahi mo Te Minisitelio (Epafolotite)]