He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Maio

“ ʼE ke manatu koa ʼe feala hatatou ʼiloʼi ia te ʼAtua? [Tuku ke fai mai hana tali.] ʼE moʼoni ʼe faigataʼa hatatou tui ki he tahi ʼe mole tou ʼiloʼi lelei. Koia, ʼe fakaloto mālohiʼi tatou e te Tohi-Tapu ke tou kumi te ʼAtua. [Lau ia Gaue 17:27.] ʼE fakahā mai e te ʼu alatike ʼaenī pe koteā ʼaē ʼe tonu ke tou fai ke feala hatatou ʼiloʼi lelei te ʼAtua.”

Réveillez-vous ! ʼaho 22 ʼo Maio

“Kua ʼahiʼahiʼi e te kau takitaki ʼo te malamanei te ʼu manatu kehekehe moʼo fakatokatoka totatou ʼu fihifihia. Kua nātou faigaʼi te fakatuʼutuʼu foʼou ʼe higoa ko te mondialisation. ʼI te nusipepa ʼaenī, ʼe feala hau ʼiloʼi pe koteā te ʼu fua ʼo te fakatuʼutuʼu foʼou ʼaia ki tou maʼuli. Tahi ʼaē meʼa, ʼe ke maʼu anai te puleʼaki ʼaē neʼe fakakikite e te Tohi-Tapu ʼo ʼuhiga mo te malamanei katoa.” Pea koutou lau age ia Mateo 6:9, 10.

Te Tule Leʼo ʼaho 1 ʼo Sūnio

“ ʼAki te ʼu meʼa fakamataku ʼaē neʼe hoki hoko ʼi te malamanei, ko te tokolahi ʼe nātou feʼekeʼaki pe koʼe ʼe mamate te hahaʼi ʼaē neʼe mole nātou fai he ʼu meʼa kovi. Kua ke fakakaukauʼi koa la pe koʼe ʼe mamate te hahaʼi? [Tuku ke fai mai hana tali, pea koutou fuli age te pasina 7.] ʼE ke fia ʼiloʼi koa pe koteā te manatu ʼa te Tohi-Tapu ʼo ʼuhiga mo te fagana ʼiloa?” Kapau ʼe feala, pea koutou lau age he vaega ʼe tuʼu ʼi te alatike.

Réveillez-vous ! ʼaho 8 ʼo Sūnio

“Ko te tokolahi ʼe nātou ʼui ʼe mole felogoi te lotu pea mo te ʼu meʼa fakapoto lalahi. Ko ʼihi ʼe nātou ʼui ʼe mole feala ki he tahi ʼe faka tui ki te ʼu meʼa fakapoto lalahi, ke tui ki te ʼAtua. Koteā tau manatu ki te faʼahi ʼaia? [Tuku ke fai mai hana tali.] ʼO ʼuhiga mo te faʼahi ʼaia, ʼe ke maʼu anai he fakamahino lelei ʼi te Réveillez-vous ! ʼaenī.”