Koutou Faka Faigafua Ia Te Fai Palalau Mo Te Hahaʼi

ʼE tou faiga anai ke tou ʼiloʼi ia te ʼu meʼa ʼaē ʼe ʼaoga ki te hahaʼi pea mo fakahā kiā nātou ia te fakatuʼutuʼu ʼaē ka fai anai e te Puleʼaga moʼo fakatokatoka ia te ʼu fihifihia ʼaē ʼe tau mo nātou. (Filp. 2:4) Tokolahi ia te kau fai faka mafola neʼe fua lelei ia tanatou fai faka mafola mokā nātou fakaafe te hahaʼi ʼo te loto fale ke nātou fakamahino te ʼu pāki ʼo te Palatiso ʼi tatatou ʼu tohi, ohage la ko te ʼu pāki ʼaē ʼe hinoʼi tonatou ʼu pasina ʼi te faʼahi mataʼu ʼo te pasina ʼaenī. ʼE feala ke koutou fakaʼaogaʼi he ʼuluaki palalau ʼi te ʼu ʼuluaki palalau ʼaē ʼe tuʼu ʼi lalo:

◼ “ ʼI tau manatu ʼe feala koa ʼi he temi ke maʼuli feiā ia te ʼu famili ohage ko tona tuʼu ʼi te pāki ʼaenī?”

◼ “ ʼE tou fakaʼamu fuli ke māʼuʼuli ʼatatou fānau ʼi te faʼahiga mālama ʼo te pāki ʼaenī. ʼI tau manatu, koteā ʼaē ʼe feala ke ina fakahoko ia te faʼahi ʼaia?”

◼ “ ʼE feiā anai te kele ohage ko te pāki ʼaenī, mokā hoko anai ʼi te kele ia te finegalo ʼo te ʼAtua ohage ko selo. ʼE ke sio koa ki he meʼa ʼi te pāki ʼaenī ʼe kehekehe mo te maʼuli ʼo te temi nei?”

◼ “ ʼE ke fia maʼuli koa ʼi he ʼaluʼaga ʼe hage ko te ʼu ʼaluʼaga ʼo te pāki ʼaenī? [Tuku ke fai mai hana tali.] ʼI tau manatu ʼe feala koa ke hoko he ʼu meʼa feiā ʼi totatou temi?”

Koutou fakalogo lelei ki te tali ʼaē ʼe fai atu, pea koutou fakamahino fakalelei age ʼaki he tahi ʼu fehuʼi. Kapau ʼe ʼui atu e ʼihi ʼe mole nātou fia māʼuʼuli ʼi he ʼaluʼaga ohage ko te ʼu ʼaluʼaga ʼo te pāki peʼe mole nātou tui ʼe hoko anai he ʼu meʼa feiā, ʼaua naʼa koutou manatu ʼe mole fia logo. Koutou aga fakaʼeteʼete ʼo fehuʼi age pe koʼe ʼe manatu feiā. ʼAki ʼanatou tali, ʼe tou lava ʼiloʼi ai tanatou tuʼaniaʼi ʼaupito te ʼu fihifihia faigataʼa ʼo te malamanei ʼaē ʼe hage ʼe mole feala hona fakatokatoka.​—Esk. 9:4.

Kapau ʼe koutou sio ʼe fia logo te hahaʼi, koutou faka faigafua ia takotou ʼu ʼuluaki palalau. Fakahā age ko te logo ʼo te Puleʼaga ʼe ko te puleʼaki pe ʼaia e tahi ʼe ʼaoga kiā ia. Fakahā age he pāki e tahi peʼe lua ʼe ʼalutahi mo te ʼaluʼaga ʼaē ʼe tau mo ia. (Vakaʼi te ʼu faʼifaʼitaki ʼaē ʼe tuʼu ʼi te faʼahi mataʼu.) Fakahā age te manatu ʼa te Tohi-Tapu. Kapau ʼe fia logo, tuku age te tohi pea mo fakatuʼutuʼu he ʼaho ke koutou toe liliu mai. Koutou haga fakatuputupu ia tana fia logo.

[Talanoa ʼo te pasina 6]

Te ʼu Pāki ʼo Te Palatiso

Te Tohi ʼo Te ʼu Hisitolia Faka Tohi-Tapu: Hisitolia 2, 71, 115.

Te tohi Enseignant: pasina 251-254.

Te tohi Te ʼAtamai Mālama: pasina 4-5, 188-189.

Te kaupepa lahi Fakamaʼua: pasina 11, 13.

Te tohi Te tagata lahi: kapite 133.

Te tohi Atolasio ki te ʼAtua: pasina 92-93.

[Talanoa ʼo te pasina 6]

Te ʼu Meʼa ʼAē ʼe Tuʼaniaʼi e Te Hahaʼi

Te aga fakahehema, te heʼe faitotonu

Isaia 9:​6, 7;

2 Petelo 3:​13.

Te fai fakapō, te agamālohi

Pesalemo 37:10, 11;

Tāʼaga Lea 2:​21, 22.

Te fakapalatahi, te fakakehekeheʼi ʼo te hahaʼi

Isaia 11:​3-5;

Gaue 10:34, 35.

Te gaohi koviʼi ʼo te ʼu manu

Tāʼaga Lea 12:10.

Te hoge, te pakupaku

Pesalemo 72:​16;

Isaia 25:⁠6.

Te mahaki, te māʼimoa

Isaia 33:24; 35:​5, 6.

Te mahaki ʼulu

Pesalemo 34:⁠8;

Isaia 65:17-​19.

Te masiva, te taʼomia

Pesalemo 72:12-​14;

Tagata Tānaki 8:⁠9.

Te mate, te putu

Isaia 25:⁠8;

Apokalipesi 21:​3, 4.

Te maumauʼi ʼo te kele

Apokalipesi 11:18.

Te puleʼaga kovi

Pesalemo 146:​3, 4;

Taniela 2:​44.

Te tau, te ʼu fai fakapō

Pesalemo 46:​8, 9;

Mikea 4:​3, 4.

Te ʼu aga heʼeʼaoga

2 Timoteo 3:​1-5.

Te ʼu fihifihia ʼo te nofoʼaga, mo te faʼahi faka ekonomika

Isaia 65:21, 22.