Ko Te ʼu Fakahā Faigafua Pea Mo Fakapotopoto
1 Neʼe faigafua pea mo fakahagatonu te kalagaʼi e Sesu te Puleʼaga ʼo te ʼAtua. Neʼe ina ʼiloʼi ko te ʼu “ōvi” ʼe nātou tali lelei anai te moʼoni. Neʼe ina ʼiloʼi foki ʼe mole ʼalu tahi te ʼu manatu ʼa te hahaʼi fuli, te ʼu meʼa ʼe nātou holi ki ai ʼo feiā foki mo te fakakaukau. Koia ʼaē neʼe ina fakaʼaogaʼi ai he ʼu ʼuluaki palalau kehekehe, te ʼu fehuʼi pea mo te ʼu fakatā faigafua moʼo fakatokagaʼi ʼonatou ʼaē ʼe fakalogo age kia te ia pea mo faiga ke lave ki ʼonatou loto. ʼE feala ke tou mulimuli ki tana faʼifaʼitaki ʼo fakaʼaogaʼi he fakahā faigafua pea mo fakapotopoto.
2 Tou fakaʼaogaʼi fakapotopoto te tohi Comment raisonner: Te ʼuluaki palalau ʼi te kupu ʼaē “Emploi/Logement” ʼi te pasina 11 ʼo te tohi Comment raisonner ʼe ʼaoga pea mo faigafua tona fakahā.
ʼE feala ke tou ʼui age:
◼ “Neʼe mātou palalau mo ʼokotou vāhaʼa fale ʼo ʼuhiga mo te meʼa ke tou fai ke feala ai he maʼu e te hahaʼi fuli ʼo hanatou gāue pea mo he nofoʼaga. ʼI takotou manatu, ʼe feala koa hatatou talitali ke fakahoko te ʼu meʼa ʼaia e te ʼu puleʼaga fakatagata? ... Kae ʼe ʼi ai he tahi ʼe ina ʼiloʼi pe ʼe feafeaʼi te fakatokatoka ʼo te faʼahi ʼaia. ʼE mātou fia palalau ki te Tupuʼaga ʼo te tagata.” Tou lau ia Isaia 65:21-23. ʼOsi ʼaia pea feala ke tou fehuʼi age ki ai pe koteā tana manatu.
3 Ko te ʼuluaki palalau ʼaē ʼe tuʼu ʼi te kupu “Injustice/Souffrances” ʼi te pasina 13 ʼe ina uga ai ke lahi te fia logo ʼa te tokolahi.
ʼE feala ke tou ʼui age:
◼ “Neʼe kua koutou fehufehuʼi pe ʼe tokaga moʼoni koa te ʼAtua ki te heʼe faitotonu pea mo te ʼu mamahi ʼe tau mo te tagata?” ʼI te ʼosi ʼo tana tali mai, tou lau ia Tagata Tānaki 4:1 pea mo Pesalemo 72:12-14. Kapau ʼe ʼaoga ke fakahā te tohi Mauli Heegata, tou avahi ʼi te ʼu pasina 150 ki te 153 pea ke tou fakamahino fakanounou age ʼaki te ʼu paki ko te ʼu meʼa ʼaē ʼe hoko ʼi te malamanei ʼe ina fakahoko te ʼu lea faka polofeta faka tohi-tapu. ʼOsi ʼaia pea tou fakaʼaogaʼi te ʼu pasina 161 pea mo 162 moʼo fakahā te ʼu tapuakina neʼe fakapapau e te ʼAtua ki te hahaʼi. Tou fehuʼi age ki ai pe ko te tapuaki fea ʼaē ʼe lahi tona holi ki ai.
4 Kapau neʼe tou fai palalau fakanounou mo he tahi, ʼe lagi ʼe tou fakasiosio anai ʼe ʼaoga ke fakatokagaʼi ia ki he alatike ʼo he nusipepa, he kaupepa peʼe ko he kiʼi pepa lotu, ka mole ko te tohi Mauli Heegata.
Ohage la, ʼi te ʼosi fakaʼaogaʼi ʼo te ʼuluaki palalau neʼe hinoʼi mai ʼi te palakalafe 2 ʼo te alatike ʼaenī, ʼe feala ke tou ʼui age:
◼ “Ko te kaupepa ʼaenī, ʼE tokaga moʼoni koa te ʼAtua kia tatou?, ʼe ina fakamahino lelei te meʼa neʼe fakapapau e te ʼAtua ke ina fai moʼo foaki ʼo te meʼa ʼe ʼaoga ʼi te ʼaho fuli, pea ʼe ina fakahā mai pe ʼe feafeaʼi hatatou maʼu te ʼu lelei ʼo te ʼu fakapapau ʼaia.” Tou avahi te kaupepa ʼi te ʼu pasina 26 pea mo 27, pea tou fakatokagaʼi ia ki te palakalafe 21.
5 Peʼe, ʼi te ʼosi fakaʼaogaʼi ʼo te ʼuluaki palalau ʼaē ʼe tuʼu ʼi te palakalafe 3, ʼe feala anai ke tou faka maʼuhigaʼi te kiʼi pepa lotu Ko te malamanei ʼo te temi ʼaenī ʼe hāo anai koa?
ʼE feala ke tou ʼui age:
◼ “ ʼE lahi te ʼu mamahi pea mo te ʼu fihifihia ʼi te mālama ia ʼaho nei. Ko te kiʼi pepa lotu ʼaenī ʼe ina fakahā mai ko te tau, te ʼu pakupaku pea mo te ʼu mahaki neʼe fakahā fakatomuʼa e te Tohi-Tapu. Kae neʼe fakapapau mai foki e te ʼAtua ʼe ina foaki ia meʼa lelei ki te hahaʼi ʼaki he fetogi taulekaleka.” Tou lau te palakalafe fakaʼosi ʼi te pasina 5 ʼo te kiʼi pepa lotu.
6 Kapau ʼe tou tokaga fakamalotoloto ki te hahaʼi pea mo tou fakaʼaogaʼi he fakahā faigafua pea mo fakapotopoto ʼo lave ki ʼonatou loto, ʼe aʼu anai tatatou logo ki te hahaʼi ʼaē neʼe fakatatau e Sesu ki te ʼu ōvi. — Soane 10:16.