Tou Fakaʼaogaʼi Fakalelei Te ʼu Kaupepa Lalahi ʼi Sūlio
1 Neʼe foaki mai e te kautahi manavaʼofa te ʼu tohi kehekehe moʼo fakatuputupu ʼo te gāue ʼaē ko te fai ʼo he ʼu tisipulo. ʼO kau ai te ʼu kaupepa lalahi ʼe ʼi ai tonatou ʼu kupu tāfito kehekehe, ohage la ko te fakatuʼutuʼu ʼa te ʼAtua ʼo ʼuhiga mo te kele, te tahi-tolu, te huafa ʼo te ʼAtua, te Puleʼaga, pea mo te fakagafua ʼaē e te ʼAtua te agakovi. ʼE feafeaʼi tatatou fakaʼaogaʼi fakalelei te ʼu kaupepa lalahi moʼo tokoni ki te hahaʼi ʼi totatou telituale?
2 Ko te kaupepa lahi ʼE tokaga moʼoni koa te ʼAtua kia tatou? ʼe ina fakamahinohino fakalelei mai he mālama foʼou ʼe ina hāofaki tatou mai te ʼu mamahi kua ōvi mai. ʼE feafeaʼi koa tatatou fakahā te kaupepa ʼaia? ʼE koutou maʼu te ʼu manatu ʼi te tohi Comment raisonner ʼi lalo ʼo te kupu tafito ʼaē “Souffrance”, ʼo kamata ʼi te pasina 374, peʼe koutou fili te ʼuluaki palalau ʼo te pasina 13 ʼi te ʼu kupu ʼaē “Injustice/Souffrances”.
3 ʼE feala hakotou ʼui age:
◼ “Neʼe kua koutou fai koa te fehuʼi ʼaenī: ‘ ʼE tokaga moʼoni koa te ʼAtua ki te hahaʼi ʼaē ʼe tāu mo te heʼe faitotonu pea mo te mamahi?’ ” Tuku ke fai mai hana tali. Lau te Pesalemo 72:12-14. ʼOsi pea fakahā age te pasina 22 ʼo te kaupepa lahi ʼE tokaga moʼoni koa te ʼAtua kia tatou? pea palalau ki te ʼu kupu mata lalahi ʼo te fahai 10, mo fakamahino age te paki ʼo te pasina 23. Kapau ʼe mole tali te kaupepa, he koʼe ʼe mole tuku age he kiʼi pepa lotu, ohage la ko Te fakafimālie ʼo ʼuhiga mo te kau lotovaivai peʼe ko te Une vie paisible dans un monde nouveau?
4 Ko he puleʼaga lelei ʼe ko te meʼa ʼaia ʼe ʼaoga ki te temi nei. Tokolahi ʼe nātou fai fehuʼi peʼe ko te pule ʼa te tagata ʼe ina fakatahiʼi anai te mālama ke logo tahi. ʼE tou maʼu te ʼu manatu ʼaoga ʼi te kupu “Gouvernement”, ʼo kamata ʼi te pasina 172 ʼo te tohi Comment raisonner.
5 ʼE feala hakotou fehuʼi age:
◼ “ ʼE feala koa ke fakatuʼu e te hahaʼi he puleʼaga ʼe ina foaki moʼoni mai te fiafia loaloaga?” Tuku ke fai mai hana tali, ʼosi pea fehuʼi age: “Koteā te meʼa neʼe fakahā mai ʼi te hisitolia ʼo te tagata?” Fakahā age ia Selemia 10:23, peʼe fakahā age te pasina 172 ʼo te tohi Comment raisonner pea lau age he ʼu talanoa ʼe ʼaoga pea mo fakamahino age ki ai. ʼOsi ʼaia, fakahā age te pasina 24 pea mo te 25 ʼo te kaupepa lahi Puleaga pea vakaʼi te ʼu paki pea mo te ʼu vaega. Fakamahino age peʼe feafeaʼi anai te faigaʼi e te Puleʼaga ʼo te ʼAtua ke logo tahi te hahaʼi fuli. Kapau ʼe mole ina tali te kaupepa, ʼe feala hakotou tuku age te kiʼi pepa lotu Ko te malamanei ʼo te temi ʼaenī ʼe hāo anai koa?
6 Kapau ʼe mataku tokotou vāhaʼa fale ki te fai fakapō, ko te ʼuluaki palalau ʼaenī ʼe feala ai hana fia logo mai.
7 ʼE feala hakotou ʼui age:
◼ “Tokolahi te hahaʼi ʼe fai fehuʼi, ‘Kapau ko te ʼAtua ʼe ʼofa, he koʼe ʼe ina fakagafua te agakovi?’ Neʼe kua ke fai koa te fehuʼi ʼo ʼuhiga mo te faʼahi ʼaia?” Tuku ke fakahā mai tana manatu, ʼosi ʼaia pea koutou ʼui age: “Vakaʼi ia Tāʼaga Lea 19:3 ʼe ina fakatokagaʼi ke ʼaua naʼa tukugakoviʼi te ʼAtua ʼo ʼuhiga mo te ʼu meʼa kovi ʼaē ʼe fai e te hahaʼi.” ʼI te ʼosi lau age ʼo te vaega, fakatokagaʼi ia ki te pasina 14 ʼo te kaupepa “Voici, je fais toutes choses nouvelles” pea lau te palakalafe 27. Ko te meʼa ʼaia ʼe ina taki anai koutou ke koutou fai palalau ki te ʼu palakalafe ki muli mai.
8 Fakaʼaogaʼi te ʼu kaupepa lalahi moʼo akoʼi ʼo te hahaʼi ʼe hage ko ni ʼu ōvi ke nātou ʼiloʼi te logo lelei ʼe ko he meʼa ʼe feala pe ke tou fai fuli. ʼE feala ke tou tokoniʼi te hahaʼi fuli ke nātou haʼele mo te kautahi ʼo te ʼAtua. Ko totatou pilivilesio ʼaē ko te kau ki te gāue fai faka mafola ʼo tou fakaʼaogaʼi fakalelei te ʼu kaupepa lalahi ʼi te temi ʼaē ʼe ʼaoga kiai.