Te Tali Ki ʼAkotou ʼu Fehuʼi

◼ ʼE lelei koa te tānaki ki he pepa ia te ʼu akonaki ʼaē kā tou vakaʼi anai ʼi te Ako Faka Teokalatike pea mo tufa ki ʼihi?

ʼE feala ke tou fai te faʼahi ʼaia maʼa totatou fāmili pea mo ʼihi kaumeʼa. Kae ko te pepa ʼaia ʼe mole tonu anai ke tufa ki te hahaʼi fuli peʼe faka totogi, heʼe tapuʼi te faʼahi ʼaia ʼi te lao.—Loma 13:⁠1.

Ko ʼihi fai palalau ʼi te Ako Faka Teokalatike ʼe foaki pe te kupu tāfito, kae ʼe mole tuʼu ai he ʼu tohi ke tou vakaʼi. ʼE tonu anai koa ki he tahi ke ina vakavakaʼi te ʼu tohi fuli ʼaē ʼe tonu ke vakaʼi, peʼe ina tānaki fuli ia te ʼu alatike ʼaia ʼo ina tufa kiā nātou ʼaē kā natou fai te ʼu kiʼi fai palalau ʼaia? Kailoa ia. ʼE mole toe lelei te tānaki ʼo te ʼu tali ki te ʼu fehuʼi ʼo te Fakamanatu ʼo te Ako Faka Teokalatike ke fakaʼaogaʼi e ʼihi, heʼe mole tokoni anai ia te faʼahi ʼaia ke natou tāʼofi maʼu te ʼu manatu. Ko te kau ako Tohi-Tapu ʼe tonu ke natou fai e nātou totonu tanatou ʼu kumi. ʼE ko he faʼahi maʼuhiga ʼaia ʼo te faʼahiga akoako ʼaē ʼe foaki e Sehova ʼi te ako, moʼo tokoni mai ke tou popoto ʼi “te lea ʼo nātou ʼaē neʼe akoʼi.”—Isa. 50:4.