He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sūnio

“Koteā lā tau manatu? ʼE tonu koa ke tou tui ki te Tahitolu ke ʼui ai ko tātou ko he ʼu Kilisitiano? [Tuku ke fai mai hana tali pea kotou lau age ia Mateo 4:10.] ʼE mahino papau ia, ko he tahi ʼe faiga ke fakalogo ki te ʼu fakatotonu ʼa Sesu ʼe feala ke ʼui ko ia ko he Kilisitiano.” Fakahā age te ʼalatike ʼaē ʼe kamata ʼi te pāsina 18.

Réveillez-vous! ʼo Sūnio

“ ʼI te agamāhani, ʼe totogi e te ʼu lotu tanatou ʼu fai papitema, mo te ʼu fai ʼohoana, pea mo te ʼu ʼavaifo. ʼI tau manatu, ʼe ko he meʼa lelei koa? [Tuku ke fai mai hana tali.] ʼE feala ke ke tokagaʼi ia te ʼu fakatotonu ʼaenī neʼe foaki age e Sesu ki tana ʼu tisipulo. [Lau age ia Mateo 10:7, 8b.] ʼE fakahā ʼi te ʼalatike ʼaenī te manatu ʼa te Tohi-Tapu ʼo ʼuhiga mo te totogi ʼo te ʼu gāue ʼaē ʼe fai e te ʼu lotu.” Fakahā age te ʼalatike ʼaē ʼe kamata ʼi te pāsina 22.

Te Tule Leʼo ʼaho 1 ʼo Sūlio

“ ʼO mole hagē ko te ʼu taʼu ki muʼa atu, ʼe lahi te ʼu lotu iā ʼaho nei ʼe mole kei natou talanoa ʼo ʼuhiga mo te agahala. ʼI tau manatu, ko te agahala koa ʼe ko he akonaki ʼe mole kei faʼa maʼuhiga ʼi totatou temi, peʼe ko he faʼahi ʼe tonu ke tou tokagaʼi? [Tuku ke fai mai hana tali. Pea kotou lau age ia Loma 5:12.] ʼE fakahā ʼi te nusipepa ʼaenī pe koteā ʼaē ʼe ʼui ʼi te Tohi-Tapu ʼo ʼuhiga mo te agahala.”

Réveillez-vous! ʼo Sūlio

“Tokolahi te hahaʼi ʼe natou loto hoha ʼuhi ko te faʼahi fakaekonomika. Ko nātou ʼaē ʼe mole hanatou gāue, ʼe natou hoha, pea ko nātou ʼaē ʼe gāue, ʼe natou tuʼania naʼa puli tanatou gāue. Kiā koe, ʼe lelei koa te tokoni ʼaenī kiā tātou ke tou lava kātaki? [Lau age ia Mateo 6:34. Pea kotou tuku ke fai mai hana tali.] ʼE foaki ʼi te nusipepa ʼaenī ia te ʼu tokoni ʼaoga ʼo ʼuhiga mo tatatou fakaʼaluʼalu lelei ia tatatou falā pea mo tou lolomi te ʼu meʼa ʼi totatou loto.”