He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo Malesio

“ ʼI tau manatu lā, ʼe ʼi ai koa he kautahi ʼa te ʼAtua iā ʼaho nei peʼe felōgoi pē koa ia te ʼAtua mo te hahaʼi takitokotahi? [Tuku ke fai mai hana tali.] Kotou fakatokagaʼi, kua hili atu kiai ni taʼu, neʼe kua fakatuʼutuʼu e te ʼAtua ke ʼi ai hana kautahi.” Pea fakahā Te Tule Leʼo ʼo te ʼaho 1 ʼo Malesio ʼi te pāsina 30, pea kotou vakaʼi fakatahi te manatu ʼo te ʼuluaki kupu taki pea mo kotou lau age he vaega Tohi-Tapu. Tuku age ki ai te ʼu nusipepa, pea mo kotou fakatuʼutuʼu ke kotou toe liliu ʼo vakaʼi fakatahi mo ia ia te tali ki te fehuʼi ʼaē ʼe hoa mai kiai.

Te Tule Leʼo ʼaho 1 ʼo Malesio

“ ʼE lahi ia te ʼu ʼēkelesia pea mo te ʼu lotu mo tana faʼahiga tui pea mo ʼana faʼahiga tauhi. ʼI tau manatu lā, ko he tahi ʼe ina ʼui ko ia ko te Kilisitiano, ʼe ko he Kilisitiano moʼoni koa? [Tuku ke fai mai hana tali.] Ohagē pē ko tona ʼui e Sesu, koʼenī ia te fakaʼiloga ʼo te kau Kilisitiano moʼoni. [Lau age ia Soane 13:34, 35.] ʼE fakahā ʼi te nusipepa ʼaenī, ia puani e nima neʼe talanoa kiai ia Sesu ʼe tokoni mai anai ke tou ʼiloʼi ia tana ʼu tisipulo moʼoni.”

Réveillez-vous! ʼo Malesio

“ ʼE matou fai palalau mo ʼomatou vāhaʼa fale ʼo ʼuhiga mo he vaivaiʼaga ʼe fakatupu kovi. Iā ʼaho nei, ʼe hagē ki te hahaʼi kua natou hoko ʼita pea mole kei natou faʼa kātaki. ʼI tau manatu lā, koteā tona tupuʼaga? [Tuku ke fai mai hana tali.] Kotou tokagaʼi ia te manatu ʼaē ʼe fakahā mai ʼi te Tohi-Tapu ʼo ʼuhiga mo te ʼita. [Lau age ia Pesalemo 37:8.] ʼE fakahā mai ʼi te nusipepa ʼaenī ia te ʼu tupuʼaga ʼo te hoko ʼita ʼa te hahaʼi iā ʼaho nei pea mo te ʼu puleʼaki moʼo lolomi ʼo totatou ʼita.”