Te ʼu Polokalama Ki Te Selevisi Pionie Temi Katoa

Ko te selevisi pionie temi katoa ʼe ʼaoga ke tou fai he polokalama ʼe lelei. Kapau ʼe ke fai hola ʼe 18 ʼi te vahaʼa ʼi te minisitelio, ʼe feala ke ke pionie pea ʼe maʼu anai hou temi ke ke malolō ai. ʼE feala pe hau fakahoko ʼou hola, tatau aipe pe ʼe mole ke faifakamafola ʼi ʼihi ʼaho ʼuhi ko he ʼu aluʼaga neʼe mole ke ʼamanaki ki ai, ohage la ko te mahaki peʼe ko te ʼua. Ko te ʼu polokalama ʼae ʼe tuʼu ʼi lalo, ʼe ko he ʼu manatu ki te ʼu tehina mo tuagaʼane ʼae ʼe gaue vaeluaʼi temi, peʼe gaue temi katoa, peʼe mahamahaki peʼe mole kei natou maʼu te malohi ʼi te faʼahi fakasino. ʼAki he ʼu fetogi, ʼe feala ki he tahi ʼi tou famili hana kamata toʼo te selevisi pionie ʼi te mahina ʼo Sepetepeli. He koʼe ʼe mole ke palalau ki te faʼahi ʼaia ʼi te ako fakafamili ʼae ka hoa mai?