Ko He Fakakatoa ʼo Te Kolesi Pule

ʼAKI te fakatuʼutuʼu ke fakahahaʼi ia nātou ʼo te Kolesi Pule ʼo te kau Fakamoʼoni ʼa Sehova, neʼe fakakau te tahi tēhina ki te toko 11 kau tagata ʼāfea, pea neʼe kamata tana gāue ʼi te ʼaho 1 ʼo Sūlio ʼo te taʼu 1994. Ko tona higoa ko Gerrit Lösch.

Neʼe kamata te gāue temi katoa ʼo te tēhina ko Lösch ʼi te ʼaho 1 ʼo Novepeli 1961, pea neʼe ina maʼu tana pepa fakamoʼoni ʼi te 41 kalasi ʼo te Faleako faka Tohi-Tapu ʼo Kalaate ʼo te Watchtower. Neʼe gāue ʼi te gāue fakakolo pea mo faka tisitilike ʼi Otilisia mai te 1963 ki te 1976. Neʼe ʼohoana ʼi te 1967, pea ko ia mo tona ʼohoana, ko Merete, neʼe nā gāue lolotoga taʼu e 14 ʼi te Petele ʼi Vienne. Kua hili nei te taʼu e fā neʼe fakatotonu age ke nā ʼolo ki te ʼu pilō ʼo te Sosiete ʼi Brooklyn, ʼi New York, ʼaia neʼe gāue ai te tēhina ko Lösch ʼi te ʼu Pilō Takitaki pea ohage he tokoni ki te Komite ʼo te Gāue. ʼAki te ʼu faiva kehekehe neʼe ina maʼu ʼi tana gāue ʼi te Eulopa pea mo tona poto ʼaē ʼi te palalau ʼi te lea faka Siamani, Fakapilitānia, faka Lomania, pea mo faka Italia, ʼe liliu anai ko he tokoni maʼuhiga ki te gāue ʼo te Kolesi Pule.