Tou Faiga Ke Tuʼu Maʼu Te Fia Logo Ki Te Logo ʼo Te Puleʼaga
1 Kua ʼosi he kiʼi temi siʼisiʼi — lagi ʼaho tahi pe ʼe lua, lagi ko he vāhaʼa katoa — mai te temi neʼe koutou palalau ai mo he tahi neʼe fia logo ki te logo ʼo te Puleʼaga. Pe neʼe ina tali he tohi pe ʼe kailoa, ʼe maʼuhiga te faigaʼi ʼo he kiʼi meʼa pe ʼe hā ai tana fia logo.
2 Toe vakaʼi te ʼu nota neʼe koutou tohi fakalelei ʼi te ʼosi ʼo takotou ʼuluaki felāveʼi. ʼOsi ʼaia, ʼi te teuteuʼi ʼo takotou kato fai faka mafola, koutou tokaga ʼo ʼave he kaupepa tatau mo te kaupepa neʼe koutou tuku ki ai ʼi takotou ʼuluaki ʼaʼahi ke feala ai ha kotou fakaʼaogaʼi.
Kapau neʼe koutou tuku age te kaupepa “Voici”, ʼe feala ke koutou ʼui age:
◼ “ ʼE ʼau fiafia ʼi tata toe felāveʼi. ʼI tata felogoi fakamuli, neʼe ʼau fakahā atu te tuaʼi kaupepa ʼaenī, pea neʼe ta lau ʼi te Tohi-Tapu he vaega ʼe hā ai ʼaki tona Puleʼaga ko te ʼAtua ʼe ina foaki mai anai he nofoʼaga pea mo he gāue kia tatou takitokotahi. Kae neʼe ina fakapapau mai foki ʼe ina pulihi anai te mahaki, te matuʼa pea feiā mo te mate. ʼE faigataʼa koa takotou tui ki te fahaʼi ʼaia? [Tuku ke fai mai hana tali.] Sio ki te manatu ʼe tou maʼu ʼi te palakalafe 4 ʼo te kaupepa ʼaē neʼe ʼau tuku atu.” Lau te palakalafe pea mo fakasiosio he vaega e tahi pe ʼe lua ʼe tuʼu ʼi lalo ʼo te pasina. ʼE koutou kamata ai foki he ako faka tohi-tapu.
3 Moʼo teuteuʼi te ala ki he ʼaʼahi, ʼe feala ke fakaʼosi te fai palalau ʼo ʼui fēnei:
◼ “ ʼE moʼoni, ko meʼa fuli neʼe ta palalau ki ai ʼe fakamahino mai ʼi te Tohi-Tapu, kae ʼe tokolahi te hahaʼi ʼe nātou fehufehuʼi pe ʼe feala tanatou tui moʼoni kia meʼa fuli ʼe ina ʼui mai. ʼI taku toe liliu mai, ʼe ʼau fakaʼamu ke ta vakaʼi te fahaʼi ʼaia ʼi he ʼu kiʼi minuta pe.” ʼI takotou toe liliu ʼo faigaʼi ke tuʼu maʼu tana fia logo, koutou fai palalau ki te kupu ʼaē “Le livre qui parle du Paradis”, ʼo kamata ʼi te palakalafe 5 ʼo te kaupepa ʼaia.
4 ʼI te ʼu telituale ʼe siʼisiʼi tatatou tufa te ʼu tohi: ʼE feala pe ke koutou fakaʼaoga te fakahā ʼaia mokā ʼe koutou ʼolo ʼo ʼaʼahi he ʼu hahaʼi neʼe fia logo mai, kae neʼe mole nātou tali he tohi. ʼE feala takotou fakaʼaogaʼi te kaupepa ʼaē neʼe koutou fakahā ʼi takotou fai palalau ki muʼa atu. ʼE lagi tonu ke lahi takotou ʼu ʼaʼahi ʼo fakaʼaogaʼi te Tohi-Tapu pea mo takotou kaupepa ia muʼa ʼo tana tali he kaupepa. Kapau neʼe koutou tuku ki ai Te Tule Leʼo ʼo te ʼaho 1 pe ʼe ko te ʼaho 15 ʼo sūlio, ka ʼe koutou liliu mai ʼo faigaʼi ke tuʼu maʼu tana fia logo, koutou fakaʼaoga te ʼu kupu ʼe ʼalu tahi mo te kaupepa “Voici”.
5 ʼE feala tatatou teuteu ke lelei te ʼu ʼaʼahi ʼo feala ai ke kamata he ako faka tohi-tapu ʼi te kaupepa Puleaga mo vakaʼi te ʼu tanakiʼaga ʼo te ʼu pasina 175 pea mo 176 ʼo te tohi Comment raisonner. ʼE feala foki hatatou kamata he ako faka tohi-tapu ʼo lagaʼi te fehuʼi ʼaenī: “ ʼE koutou ʼiloʼi koa ʼe foaki mai e te Tohi-Tapu te ʼu falala e lua? Ko he tahi e ko te maʼuli heʼegata ʼi te kele. Ko te kaupepa ʼaenī ʼe ina fakamahino mai pe ʼe feafeaʼi te hoko ʼo te fahaʼi ʼaia.” ʼOsi ʼaia avahi te kaupepa ʼi te pasina 15 pea lau te ʼu vaega e tolu ʼe tuʼu ʼi ai.
6 Pe neʼe koutou tuku he ʼu nusipepa e lua, he tohi pe ʼe ko he kaupepa, pe ʼe ko ha kotou fai palalau faka tohi-tapu neʼe lelei mo he tahi, ko tokotou maʼua ko te faigaʼi ke tuʼumaʼu he fia logo. ʼE mātou fakaloto mālohiʼi koutou fuli ke koutou faigaʼi ho kotou temi moʼo kau ai ki te gāue fakahāo ʼi te māhina ko sūlio. — 1 Tim. 4:16.