ʼE Feala Koa Hakotou Gāue Kia Sehova ʼo Koutou Liliu ʼo Pionie?
1 Lolotoga te fakatahi faka tisitilike “Hahaʼi toʼo mālama”, neʼe lagaʼi te fehuʼi ʼaenī e te tagata fai akonaki: “ ʼE feala koa hakotou pionie? ʼE koutou liliu anai koa ʼo pionie?” Neʼe ina fakamanatuʼi ko te ʼu fehuʼi ʼaenī ʼe tonu ke kita fai fakamalotoloto koteʼuhi kua ōvi mai Halamaketone; ko te gāue faka mafola ʼe maʼuhiga age ia ia meʼa fuli. — 1 Ko. 7:29a.
2 ʼE moʼoni ko te gāue pionie ʼe ko he gāue faigataʼa. ʼE tonu ke fai hoholo pea ke ʼi ai he fakatuʼutuʼu lelei? Kae, ko tatatou gāue ʼi te minisitelio “ ʼe mole ʼalu noa”. (1 Ko. 15:58.) ʼE feala koa hatatou ʼui feiā ki niʼihi ʼatu gāue ʼe lagi tou fia fai ki ai kae ina toʼo to kita temi pea mo to kita mālohi? Ko te ʼofa ʼaē kia Sehova ʼe ina uga te kau kilisitiano ke nātou faiva ʼo gāue kia te ia, pea ko te faiva la ʼaia neʼe ina taki te tokolahi ke nātou liliu ʼo pionie. — 1 Soane 5:3; Fkhā. 4:11.
3 Tokolahi te ʼu tūpulaga kaugana kia Sehova neʼe hoki ʼosi age pe tanatou ako pea ʼe nātou fakatuʼutuʼu fakamalotoloto ke nātou pionie. ʼE tonu tanatou fakatuʼutuʼu ʼaia. Koteā anai te gāue ʼe maʼuhiga lahi age ʼi te minisitelio katoa (Mat. 6:33)? Ko te logo lelei ʼo te Puleʼaga ʼo te ʼAtua ʼe tonu ke faka mafola; ʼe ko te gāue ʼa Sehova. ʼE ko he pilivilesio fakatalakitupua ta kita foaki to kita maʼuli ʼi te temi tūpulaga! — Mat. 24:14.
4 ʼU mātuʼa, ʼe koutou fakaloto mālohiʼi koa takotou fānau ke nātou kau ki te minisitelio katoa? ʼE mahino koa takotou fānau ʼe koutou fakaʼamu ke nātou foaki tonatou loto katoa, tonatou nefesi katoa, tanatou ʼatamai katoa pea mo tonatou mālohi katoa ki te gāue fakavikiviki ʼaia (Maleko 12:30)? Tokolahi te kau tūpulaga faka mafola ʼe nātou teuteu ki te gāue pionie katoa ʼo nātou tautau toʼo te pionie vaeluaʼi temi mokā ʼe feala lolotoga te taʼu ako. Ko he aga faka lotu feiā ʼe fakafiafia moʼoni ai te loto ʼo Sehova! — Taag. 27:11.
5 ʼE moʼoni, ʼe mole feala ia ke liliu te hahaʼi fuli ʼo pionie. Kae, tatau aipe peʼe kua koutou ʼohoana peʼe koutou selipatea, tūpulaga peʼe kei veliveli, neʼe kua koutou fakakaukau lelei pea ʼi te faikole ki te faka fealagia ʼaē ke gāue kia Sehova ohage he minisi katoa ʼo te logo lelei (Kol. 3:23)? ʼE lahi te ʼu taumatuʼa kei tūpulaga ʼe nātou teuteu moʼo fakatuputupu ʼo tonatou minisitelio, ʼo feala ai ki he tahi ʼi te taumatuʼa, pe ko nāua tokolua, ke liliu ʼo pionie.
6 Kapau ʼe mole feala hakotou pionie katoa ʼi te temi nei, ʼe mole feala koa hakotou pionie vaeluaʼi temi? ʼE feala ke tokolahi te kau faka mafola ʼo tokotou kokelekasio ʼe nātou fakatuʼutuʼu ke nātou pionie ʼi ʼapelili. ʼE feala koa hakotou fakatahi mo nātou? Logope ko te ʼu kaugana agatonu kia Sehova ʼe nātou maʼu he ʼu tapuakina lahi, kae ʼe toe moʼoni age ia kia nātou ʼaē ʼe nātou fealagia ʼo foaki he temi ʼo lahi age ki te gāue ʼo te Puleʼaga, ʼo kumi te hahaʼi ʼaē ʼe fakatatau e te Tohi-Tapu ki te ʼu ōvi. — Gāue 20:35.