Tou Fakaʼaogaʼi Fakalelei Te Tohi Mauli O Heegata
1 ʼE foaki mai e Sehova te toe meʼa kai fakalaumālie pea mo koloaʼia. ʼI te māhina ko Sanualio ʼe tou tufa anai te tohi Mauli O Heegata. ʼE lelei anai ke tou toe vakaʼi te tohi pea ke tou fili he ʼu manatu ʼe feala ke tou fakaʼaogaʼi ʼi tatatou fai faka mafola.
2 ʼE feala ke kamata fēnei tatatou palalau:
◼ “Neʼe faikole te kau Kilisitiano ke haʼu te Puleʼaga ʼo te ʼAtua kua hili nei kiai te ʼu taʼu e 2 000. Koteā takotou manatu ʼo ʼuhiga mo te meʼa ka fai anai e te Puleʼaga maʼa te malamanei? [Faka fealagia ke fai atu hana tali. Koutou fakahā te ʼu pasina 156 ki te 158, pea koutou fakahā age he ʼu tapuakina ʼe hoko moʼoni anai ʼi te taki ʼa te Puleʼaga.] Ko te tohi ʼaenī ʼe talanoa ki te ʼu meʼa ka fakahoko anai e te Puleʼaga, pea mo ina fakamahino peʼe feafeaʼi hona fua lelei kia koutou ʼo feiā aipe kia nātou ʼe koutou ʼoʼofa ai. Kapau ʼe koutou fia lau, ʼe ʼau fiafia ʼi te tuku atu ʼo he tohi.”
3 ʼE feala hakotou fai te faʼahiga palalau ʼaenī:
◼ “Tokolahi te hahaʼi ʼe faigataʼa tanatou maʼu te fīmālie ʼi te malamanei koteʼuhi ʼe lahi ʼaupito te ʼu faigataʼaʼia. ʼI takotou manatu ʼe feala koa ia te maʼu ʼo te fīmālie ʼi temi ʼaenī? [Faka fealagia ke fai atu hana tali. Fakahā age te pasina 9, pea koutou talanoa ki he ʼu faigataʼaʼia ʼi te temi nei ʼe fakatupu ai te tuʼania.] ʼE fakahā mai e te Tohi-Tapu peʼe feafeaʼi hatatou tauʼi te ʼu faigataʼaʼia ʼaia ke feala ai hatatou maʼu te fīmālie ʼi te mālama foʼou ʼaē ʼe ʼi ai te tokalelei. [Fakahā age te pasina 13, pea koutou lau ia Isaia 11:6-9.] ʼE foaki mai e te Tohi-Tapu te ʼu tokoni makehe ʼe feala ke tokoni kia tatou ke tou maʼu ai he fiafia lahi age ʼi totatou maʼuli. Ko te tohi ʼaenī ʼe ina toe fakahā te ʼu tokoni ʼaia pea mo fakamahinohino peʼe feafeaʼi hatatou maʼuliʼi te faʼahi ʼaia.”
4 Peʼe ke koutou ʼui age te manatu ʼaenī:
◼ “Ko tatou fuli ʼe tou fia maʼuʼuli ʼi he mālama ʼe ʼi ai anai te tokalelei pea mo te fīmālie. Kae, neʼe mole heʼeki tou maʼu te faʼahi ʼaia ʼi totatou maʼuli. ʼI takotou manatu, koteā te meʼa ʼe ʼaoga ke tou fai, ke liliu te tokalelei pea mo te fīmālie ko he meʼa moʼoni? [Faka fealagia ke fai atu hana tali.] Ko te ʼAtua ʼe ina maʼu te mālohi moʼo fakatuʼu ʼo te tokalelei ʼi te kele ʼaenī, pea neʼe ina fakapapau ʼe ina fakahoko moʼoni anai te faʼahi ʼaia.” Fakahā age te paki ʼi te pasina 156, ʼosi ʼaia pea koutou lau ia Pesalemo 72:7, 8. Koutou fakamahino age te ʼamanaki ʼa te Puleʼaga, ʼaē ʼe tuʼu ʼi te tohi, pea ke tou fai he fakatuʼutuʼu moʼo fai ʼo he ʼaʼahi.
5 ʼE feala hakotou fili ke koutou fakaʼaogaʼi te kaupepa “ ʼE Tokaga Moʼoni Koa Te ʼAtua Kia Tatou?” Kapau koia ʼaia, ʼe feala hakotou ʼui age fēnei:
◼ “Tokolahi ʼe nātou feʼuiʼaki pe koʼe ʼe fakagafua e te ʼAtua te ʼu mamahi lahi ʼaupito ʼi te mālama. Mai tona ʼaluʼaga ʼaē ko ia te ʼAtua māfimāfi, he koʼe koa ʼe mole ina fai he meʼa moʼo fakagata ʼo totatou mamahi? Koteā takotou manatu ʼo ʼuhiga mo te faʼahi ʼaia? [Faka fealagia ke fai atu hana tali.] ʼE fakamoʼoni mai e te Tohi-Tapu, ʼe mole heʼeki līaki tatou e te ʼAtua.” Tou fakahā te pasina 27, ʼi te palakalafe 22, pea tou lau ia Pesalemo 37:11, 29. Tou fakatokagaʼi ia ia ki te paki matalelei ʼaē ʼe tuʼu ai te faʼahiga maʼuli ʼe tou talitali kiai ʼi te temi ka haʼu. Kapau ʼe ina tali te kaupepa, tou fakahā age ki ai ʼe tou fia liliu mai ʼo fakahā ki ai peʼe feafeaʼi tona fakaʼaogaʼi moʼo ako ʼo te Tohi-Tapu.
6 Neʼe uga e ʼatatou ʼu tohi te lauʼi afe hahaʼi ke nātou fakasiosio lelei te Tohi-Tapu. Ko te meʼa ʼaē neʼe nātou ako, neʼe nātou maʼu ai te ʼamanaki ki he maʼuli fiafia ʼi te temi ka haʼu. (Pes. 146:5) ʼE tou maʼu ia te pilivilesio ʼaē ko te tokoni kia nātou.