He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Sep.

“ ʼI te ʼu lotu fuli ʼe ʼi ai te ʼu hahaʼi ʼe nātou ʼoʼofa ki te moʼoni. Kae ko te meʼa ʼaē ʼe tau hoko, ko te lotu ʼe ina fakamavetevete te hahaʼi. Koteā ʼaē ʼe feala ke ina fakalogo tahi te hahaʼi fakamalotoloto? [ʼI tana ʼosi tali atu, koutou lau age ia Sofonia 3:9.] Ko te nusipepa ʼaenī ʼe ina fakahā mai, ko te ʼiloʼi ia te ʼAtua moʼoni ʼe ina fakalogo tahiʼi te hahaʼi ʼi te malamanei katoa.”

Réveillez-vous ! ʼaho 22 ʼo Sep.

“Ko te tokolahi ia tatou ʼe tou manatu ʼe mahu tuʼumaʼu anai te meʼa kai. Kae ʼi te temi nei ʼe tou tuʼania heʼe ko te ʼu gāue fakapoto lalahi ʼa te tagata ʼe nātou lava fakatupu te hoge. Ko te nusipepa ʼaenī ʼe ina fakamahino atu anai ʼihi tuʼania ʼa te tagata, pea mo talanoa ki te puleʼaki moʼoni ʼaē ʼe tuku mai e te Tohi-Tapu ʼo ʼuhiga mo te fihifihia ʼaia.”

Te Tule Leʼo ʼaho 1 ʼo ʼOke.

“Ko te tokolahi ʼo te hahaʼi ʼe mole kei nātou tui ki te ʼAtua. Koteā tona tupuʼaga? [ʼI tana ʼosi tali atu, koutou lau ia Hepeleo 11:1.] Ko te nusipepa ʼaenī ʼe ina fakamahino atu anai pe koteā te tui moʼoni, pea koteā te kehekehe mo kapau ʼe tou maʼu te tui peʼe kailoa.”

Réveillez-vous ! ʼaho 8 ʼo ʼOke.

“ ʼE ke ʼiloʼi ko te lafeti ʼo Halloween ʼe ko he lafeti lahi, pea ʼe leleiʼia e nātou liliki. ʼE ke ʼiloʼi koa la peʼe haʼu maifea te lafeti ʼaia? [Koutou tuku ke ina tali atu.] ʼE ke leleiʼia anai te nusipepa ʼaenī, tāfito la mo kapau ʼe ke ʼofa ki tau fānau.”