He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sep.

“Ko tātou fuli ʼe tou fia maʼu he maʼuli faka fāmili fiafia. ʼE mole koa lā ko tau manatu ʼaia? [Tuku ke fai mai hana tali.] ʼE fakahā ʼi te Tohi-Tapu ia te aga ʼaē ʼe feala kiā nātou fuli ʼi te fāmili ke natou fai—ko te faʼifaʼitakiʼi ʼo te ʼAtua ʼi te fakahā ʼo te ʼofa.” Kotou lau age ia 1 Kolonito 16:14 pea mo te palakalafe 2 mo te 3 ʼi te pāsina 23.

Réveillez-vous! ʼo Sep.

“Tokolahi iā tātou ʼe tou fia māʼuʼuli haohaoa pea mo fualoa. ʼI tau manatu lā, ʼe feala koa ke tou māʼuʼuli haohaoa mo kapau ʼe tou maʼu he ʼu manatu ʼe lelei? [Tuku ke fai mai hana tali. Pea kotou lau age ia Tāʼaga Lea 17:22.] ʼE fakahā ʼi te ʼalatike ʼaenī pe koʼē ʼe maʼuhiga ke tou maʼu he ʼu manatu ʼe lelei.” Fakahā age te ʼalatike ʼi te pāsina 26.

Te Tule Leʼo ʼaho 1 ʼo ʼOke.

“ ʼE au fia ʼiloʼi tau manatu ʼo ʼuhiga mo te ʼu palalau ʼaenī. [Lau age ia Luka 6:36.] ʼI tau manatu, he koʼē ʼe tonu ke tou manavaʼofa? [Tuku ke fai mai hana tali.]” Fakahā age ia te ʼalatike ʼaē ʼe kamata ʼi te pāsina 3.

Réveillez-vous! ʼo ʼOke.

“ ʼI tau manatu, ʼe tuʼutāmaki age koa te maʼuli ʼa te fānau ʼo te temi nei ʼi te temi muʼa? [Tuku ke fai mai hana tali.] Tokolahi ʼe natou manatu ʼe tou māʼuʼuli nei ʼi te temi ʼaē ʼe fakamatala ʼi henī. [Lau age ia 2 Timoteo 3:1-5.] ʼE foaki ʼi te nusipepa ʼaenī he ʼu tokoni ʼaoga ki te ʼu mātuʼa moʼo puipui tanatou fānau mai te hahaʼi ʼaē ʼe natou fakaʼalikiʼi te ʼu kiʼi tamaliki.”