He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sepe.

“ ʼI te mālama ʼo te temi ʼaenī, ko ʼihi kua hagē kiā nātou kua natou pilisoni ʼi he nofo ʼohoana ʼe mole maʼu ai te ʼofa. Kofea ʼaē ʼe feala ai ki te taʼi hahaʼi ʼaia ke natou kumi tokoni kiai? [Tuku ke fai mai hana tali.] ʼE fakamoʼoni mai ia te Tohi-Tapu ʼe feala ki te ʼu pelesepeto ʼa te ʼAtua ke tokoni mai kiā tātou. [Lau age ia Isaia 48:17, 18.] Ko Te Tule Leʼo ʼaenī ʼe talanoa ai ki te ʼu pelesepeto Fakatohi-tapu ʼe feala ai ke fakamālohiʼi ia te nofo ʼohoana.” Fakahā tāfito age ia te ʼalatike ʼo te pāsina 19.

Réveillez-vous! ʼo Sepe.

“ ʼI tau manatu neʼe loto koa e te ʼAtua ke mamahi ia te hahaʼi ʼi te hoge meʼa kai ʼaē ʼe mafola ʼi te kele iā ʼaho nei? [Tuku ke fai mai hana tali.] Fakatokagaʼi ia tana fakatuʼutuʼu ʼaē ke ina fakatokatoka ia te faʼahi ʼaia. [Lau age ia Pesalemo 72:16.] ʼI te ʼalatike ʼaenī ʼe ina fakamahinohino mai peʼe feafeaʼi ia te haga anai ʼa te ʼAtua ʼo toe fakatuʼu ia te Palatiso ʼi te kele.” Fakahā age ia te ʼalatike ʼo te pāsina 7.

Te Tule Leʼo ʼaho 1 ʼo Oke.

“Tokolahi ia te hahaʼi kua natou māhani ki te ʼu palalau ʼa Sesu ʼaē ʼe tuʼu iā Mateo 6:9. [Lau age.] Kae ki te tokolahi ʼe faigataʼa kiā nātou ia hanatou fakaovi ki te ʼAtua ohagē ko hanatou Tamai. ʼI tau manatu, ʼe feafeaʼi hatatou fakaovi ki te ʼAtua? [Tuku ke fai mai hana tali.] ʼI te nusipepa ʼaenī, ʼe talanoa ai ki te ʼu kalitātē kehekehe ʼo tatatou Tamai ʼaē ʼe ʼi selō pea ʼe feafeaʼi ia hatatou lava ʼiloʼi moʼoni ia ia.”

Réveillez-vous! ʼo ʼOke.

“Ko te Itineti ʼe ʼaoga, kae ʼe ko he faʼahi ʼe feala ke liliu ko he hele tāfito ki te fānau. ʼI tau manatu, ʼe feafeaʼi hatatou puipui ia nātou mai te faʼahi ʼaia? [Tuku ke fai mai hana tali.] Kotou tokagaʼi ia tana manatu. [Lau age pea mo fakamahino age ia te manatu ʼaē iā Tāʼaga Lea 18:1.] Ko he pelesepeto ʼi te ʼu pelesepeto e ono ʼo te Tohi-Tapu ʼaē ʼe fakamaʼuhigaʼi e te ʼalatike ʼaenī moʼo tokoni ki te ʼu mātuʼa ke natou puipui ia tanatou fānau.” Fakahā age ia te ʼalatike ʼo te pāsina 8.