He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sep.

“ ʼE matou fia ʼiloʼi tau manatu ʼo ʼuhiga mo te ʼu palalau ʼaenī ʼa Sesu. [Lau age ia Mateo 5:5.] ʼI tau manatu, ʼi te temi ʼaē kā hoko ai te fakapapau ʼaenī, ʼe hage anai koa te maʼuli ko te maʼuli ʼi te temi nei? [Tuku ke fai mai hana tali.] ʼE fakahā mai ʼi te nusipepa ʼaenī ʼaki te Tohi-Tapu, peʼe fakahoko feafeaʼi anai e Sesu he ʼu fetogi ki te kele. ʼE toe fakamahino ai pe ko ai ʼaē kā ina maʼu anai te kele.”

Réveillez-vous! ʼo Sep.

“Tokolahi ʼe natou tui neʼe fakatupu tātou. ʼE tui e ʼihi ki te evolisio. Koteā tau manatu? [Tuku ke fai mai hana tali.] ʼE feala ke tā tokagaʼi te manatu ʼaenī moʼo tokoni mai ke tā maʼu te tali ʼaē ʼe totonu. [Lau age ia Sopo 12:​7, 8.] ʼI te nusipepa makehe ʼaenī ʼo te Réveillez-vous ! ʼe talanoa ai ki te ʼu meʼa ʼaē ʼe feala ke tou ako mai te poto pea mo te faʼufaʼu ʼo te faʼu ʼa te ʼAtua.”

Te Tule Leʼo ʼaho 1 ʼo ʼOke.

“ ʼI tau manatu, ʼe maʼuhiga koa ki te ʼAtua ke nofo agatonu he tahi ki tona ʼohoana? Fakalelei si ʼou loto, kae ʼe feala lā ke ke lau mai te manatu ʼaenī ʼo ʼuhiga mo te faʼahi ʼaia. [Lau age ia Tāʼaga Lea 5:18.] ʼI te alatike ʼaenī, ʼe tokoni mai ke tou mahino peʼe lava taupau feafeaʼi e he taumātuʼa tanā feʼofaʼaki.”

Réveillez-vous! ʼo ʼOke.

“Tokolahi ʼe natou leleiʼia te sioʼi ʼo te televisio. Kae ʼi tau manatu, ʼe tonu koa ke tou filifili te ʼu meʼa ʼaē ʼe tou sioʼi? [Tuku ke fai mai hana tali. Pea koutou lau age ia Tāʼaga Lea 13:20.] ʼE talanoa ʼi te nusipepa ʼaenī ki te malave ʼa te televisio kiā tātou, pea mo ina tuku mai he ʼu tokoni ke tou puleʼi tatatou sioʼi te televisio.”