He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Sep.

“Ko te toko lauʼi miliona hahaʼi ʼe nātou fakaʼaogaʼi te faikole ʼiloa ʼaenī. [Lau age ia Mateo 6:10.] ʼI tau manatu, ʼe feafeaʼi anai te maʼuli mo kapau ʼe fakahoko katoa anai te finegalo ʼo te ʼAtua ʼi te kele? [Tuku ke fai mai hana tali.] ʼE talanoa te nusipepa ʼaenī ki te faka ʼuhiga ʼo te ʼu koga takitahi ʼo te faikole ʼaē ko tatatou Tāmai ʼaē ʼe ʼi selo, ʼo kau kiai mo te koga ʼaē neʼe tā lau.”

Réveillez-vous ʼaho 22 ʼo Sep.

“Tokolahi te hahaʼi ʼe nātou tuʼania heʼe fakahaʼu ʼo kaugamālie te kau tūpulaga ʼaē ʼe lahi tanatou inu kava. Koteā tau manatu ki te faʼahi ʼaia? [Tuku ke fai mai hana tali. Pea koutou lau age ia Tāʼaga Lea 20:1.] ʼE lahi te ʼu tuʼutāmaki ʼe feala ke hoko ki te kau tūpulaga ʼaē ʼe lahi tanatou ʼinu kava. ʼE ke maʼu anai ʼi te alatike ʼaenī he ʼu manatu ʼe feala ke tokoni kia nātou ke ʼaua naʼa lahi fau tanatou ʼinu kava.”

Te Tule Leʼo ʼaho 1 ʼo ʼOke.

“Ko tatou fuli ʼe tou loto ke fakagata te fai fakapō, mo te agamālohi, pea mo te tau. ʼI tau manatu ʼe tou sisio anai koa ʼi he temi ki te fakahoko ʼo te ʼu palalau ʼaenī? [Lau age ia Pesalemo 37:11, pea koutou tuku ke fai mai hana tali.] ʼE talanoa te nusipepa ʼaenī ki te pikipikiga ʼo te fakapapau ʼaia pea mo te ʼuluaki fakatuʼutuʼu ʼaē neʼe fai e te ʼAtua maʼa te malamanei, pea ʼe tou lava kau feafeaʼi kiai.”

Réveillez-vous ʼaho 8 ʼo ʼOke.

“ ʼE ko he meʼa fakaʼofaʼofa ʼi te taʼu fuli, ko te toko lauʼi miliona kau taʼahine ʼeva ʼe nātou faitatama kae mole heʼeki nātou ʼohoana. Koteā la tau manatu? [Tuku ke fai mai hana tali.] ʼE talanoa te nusipepa ʼaenī ki te ʼu faigataʼaʼia ʼaē ʼe feala ke felāveʼi mo he taʼahine kua maʼu hana tamasiʼi. ʼE toe talanoa ai ki te ʼu tokoni ʼaē ʼe lava fai e te ʼu mātuʼa ki tanatou fānau ke mole hoko kia nātou te fihifihia ʼaia.” Lau age ia 2 Timoteo 3:15.