He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sep.

“Kua ke tokagaʼi koa, ʼe lahi te ʼu fenua ʼe mole kei feʼiloʼiʼaki ai te hahaʼi ohage ko te temi muʼa? [Tuku ke fai mai hana tali.] Neʼe tala mai e Sesu te pelesepeto ʼe maʼuhiga ʼaupito ke tou liliu ko he ʼu hahaʼi lelei. [Lau age ia Mateo 7:12.] ʼE fakahā ʼi te ʼu alatike ʼaenī te ʼu meʼa ʼe tou lava fai ke tou liliu ai ko he ʼu hahaʼi lelei, pea mo tou tokoni ki te hahaʼi ke nātou fai feiā mo nātou.”

Réveillez-vous ! ʼaho 8 ʼo Sep.

“Ko te tokolahi ʼi te temi nei, ʼe nātou tuʼania ki tonatou ka haʼu. [Lau age ia Tagata Tānaki 9:11.] Koteā te takitaki ʼaē ʼe feala ke tou falala kiai? [Tuku ke fai mai hana tali.] Ko ʼihi ʼe nātou fakaʼaogaʼi te ʼu numelo moʼo ʼiloʼi tonatou ka haʼu. ʼE ke manatu koa ʼe ke lava ʼiloʼi tou ka haʼu ʼaki te faʼahi ʼaia? Kofea ʼaē ʼe ke lava maʼu ai he ʼu manatu ʼe totonu ʼo ʼuhiga mo tou ka haʼu? ʼE ke maʼu anai tona ʼu tali ʼi te Réveillez-vous !”

Te Tule Leʼo ʼaho 15 ʼo Sep.

“Ko te lauʼi miliona hahaʼi ʼe nātou manatu ʼe maʼu e te kau ‘sagato’ he mālohi makehe pea ʼe lelei ke tou kole ke nātou hūfaki tatou. Koteā tau manatu? [Tuku ke fai mai hana tali.] Koʼeni te manatu maʼuhiga ʼa Sesu Kilisito. [Lau age ia Soane 14:6.] ʼAki te ʼu palalau ʼaia, ʼe tou fia ʼiloʼi peʼe lelei koa ke tou kole ki te kau ‘sagato’ ke nātou hūfaki tatou. Ko Te Tule Leʼo ʼaenī ʼe tali anai ki te fehuʼi maʼuhiga ʼaia.”

Réveillez-vous ! ʼaho 22 ʼo Sep.

“Ko te tokolahi ia ʼaho nei ʼe nātou tuʼania ʼo ʼuhiga mo te ʼu fai fakapō, pea mo te fakaʼaogaʼi ʼo te ʼu mahafu ʼe ina folahi he ʼu mahaki. ʼE ke manatu koa, ʼe feala ki te ʼu puleʼaga faka tagata ke nātou fakagata te ʼu fai fakapō ʼaia? [Tuku ke fai mai hana tali.] ʼE fakahā mai e te Tohi-Tapu te fakatuʼutuʼu ʼa te ʼAtua. [Lau age ia Esekiele 34:28.] Ko te Réveillez-vous ! ʼaenī ʼe talanoa ki te ʼu faʼahi ʼaia.”