He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Fep.

“Neʼe mole heʼeki ke feʼekeʼaki koa la peʼe lava feafeaʼi ke ke takitaki lelei tou maʼuli pea mo fai he ʼu tonu ʼe lelei? [Tuku ke fai mai hana tali.] ʼE ʼi ai te takitaki lelei, ʼe maʼu ʼi te Tohi-Tapu, ʼe ko te Lekula Aulo. [Lau ia Mateo 7:12.] Koteā te tahi ʼu pelesepeto fakaʼatua ʼe feala ke fua lelei kia tatou? ʼE ke maʼu anai te tali kiai ʼi te nusipepa ʼaenī.”

Réveillez-vous ! ʼaho 22 ʼo Fep.

“Neʼe lagi ke fakatokagaʼi kua lahi te ʼu tuʼutāmaki ʼi te ʼu fale gāue. ʼE tuku mai e te nusipepa ʼaenī he ʼu tokoni lelei ke tou tekeʼi te ʼu tuʼutāmaki ʼaia. ʼE toe fakahā mai ai ʼe pipiki tatatou maʼuli lelei ki tatatou maʼu he manatu fakapotopoto ʼo ʼuhiga mo tatatou gāue. ʼE ʼau fakaloto mālohi koe ke ke lau te nusipepa ʼaenī.

Te Tule Leʼo ʼaho 1 ʼo Mal.

“ ʼUhi ko te ʼu meʼa fuli ʼaenī ʼe hoko ia ʼaho nei, tokolahi ia tatou ʼe feʼekeʼaki peʼe koteā ka hoko ʼi te ka haʼu. ʼI tana faikole ʼaē ʼe ʼiloa, neʼe fakahā ai e Sesu Kilisito pe koʼe ʼe feala hatatou falala ki te ka haʼu. [Lau ia Mateo 6:9, 10.] ʼE toe fai pe e te malamanei te ʼu hala ʼaē neʼe kua fai ʼi te temi muʼa. Kae ʼi te ʼu ʼaho ʼaenī, ko nātou ʼaē ʼe nātou tauhi ki te ʼAtua ʼe nātou maʼu he ka haʼu fakafiafia. ʼE fakahā e te nusipepa ʼaenī peʼe lava feafeaʼi mo tatou ke tou maʼu te ka haʼu fakafiafia ʼaia.”

Réveillez-vous ! ʼaho 8 ʼo Mal.

“ ʼE fakahā lelei e te Tohi-Tapu te maʼuhiga ʼo te akoʼi fakalelei ʼo te fānau. [Lau ia Tāʼaga Lea 2:10, 11.] Tokolahi ia tatou ʼe tou ʼiloʼi te maʼuhiga ʼaē ke akoʼi tatatou fānau e he ʼu hahaʼi faiako popoto. ʼE talanoa tāfito te Réveillez-vous ! ki te gāue maʼuhiga ʼaē ʼe fai e te kau faiako, peʼe feafeaʼi hatatou fakahā ia tatatou fakafetaʼi ki te ʼu sakilifisio ʼaē ʼe nātou fai, pea mo te ʼu meʼa ʼe feala ke fai e te ʼu mātuʼa moʼo tokoni kia nātou mokā hoko mai he ʼu faigataʼaʼia.”