He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo ʼOke.

“Tokolahi ʼe nātou feʼekeʼaki peʼe gata anai koa ʼi he ʼaho te ʼu maveuveu fuli ʼaē ʼe tou sio kiai—te ʼu tau, te fai fakapō pea mo te agamālohi. Koteā tau manatu kiai? [Tuku ke fai mai hana tali.] ʼE foaki mai e te Tohi-Tapu te fakapapau fakaloto fīmālie ʼaenī. [Lau age ia Pesalemo 37:10, 11.] ʼE fakamahino e te nusipepa ʼaenī pe koʼe ʼe mole heʼeki fakagata e te ʼAtua te agakovi pea mo te ʼu mamahi ʼaē ʼe hoko ai.”

Réveillez-vous ! ʼaho 8 ʼo ʼOke.

“ ʼE hage kua lahi ʼaupito ia ʼaho nei te ʼu loto fale ʼaē ʼe taupau tokotahi e te faʼe peʼe ko te tāmai te ʼu fānau. ʼE fakahā e te Tohi-Tapu ʼe loto manavaʼofa totatou Tupuʼaga kia nātou ʼaia. [Lau age ia Pesalemo 146:9.] Ko te Réveillez-vous ! ʼaenī ʼe ina fakahā peʼe lava tokoni feafeaʼi te ʼu pelesepeto ʼa te Tohi-Tapu ki he faʼe peʼe ko he tāmai ke lava lelei tana taupau tokotahi tana fānau.”

Te Tule Leʼo ʼaho 15 ʼo ʼOke.

“E feafeaʼi hau fakamahino ki he ʼu fānau peʼe ko ʼihi atu te kua lahi feiā ʼo te agakovi ia ʼaho nei? [Tuku ke fai mai hana tali.] ʼE tali e te Tohi-Tapu ki te fehuʼi, ‘Ko Ai ʼAē ʼe Tupu Ai Te Agakovi?’ [Lau age ia 1 Soane 5:19.] Ko Te Tule Leʼo ʼaenī ʼe tokoni atu anai ke ke mahino pe ko ai ia ia ʼe agakovi pea ʼe lava feafeaʼi hatatou fakafeagai kia ia.”

Réveillez-vous ! ʼaho  22 ʼo ʼOke.

“ ʼE ke manatu koa ʼe feala ke hoko te tokalelei ʼi te malamanei ʼaki te ʼu faikole ʼa te kau takitaki lotu peʼe ʼo he tahi atu ʼu hahaʼi? [Tuku ke fai mai hana tali.] ʼE fakapapau mai e te Tohi-Tapu ʼe ʼi ai he temi ʼe hoko ai anai te tokalelei ʼi te kele katoa. [Lau age ia Isaia 9:6, 7.] Neʼe lagi ke fakatokagaʼi ʼe ko te tagata pule makehe ʼaē ka ina fakahoko anai te tokalelei ʼi te malamanei katoa. ʼE fakahā e te Réveillez-vous ! ʼaenī pe ko ai te tagata pule ʼaia pea ʼe ina fakahoko feafeaʼi anai te tokalelei.”