He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo ʼOke.

“ ʼE au fia ʼiloʼi tau manatu ʼo ʼuhiga mo te fehuʼi ʼaenī: Ko te fakatuʼutuʼu lahi tokotahi fea ʼaē ʼe feala ke tou kumi ke tou fakahoko ʼi totatou maʼuli? [Tuku ke fai mai hana tali pea kotou lau age ia Pesalemo 150:6.] ʼE fakamahino ʼi te nusipepa ʼaenī peʼe lava maʼu feafeaʼi e te hahaʼi he fakatuʼutuʼu moʼoni ʼi tonatou maʼuli ʼaki tanatou fakavikiviki kiā Sehova.” Fakahā age ia te ʼalatike ʼaē ʼe kamata ʼi te pāsina 16 pea lau age ia te palakalafe 2.

Réveillez-vous! ʼo ʼOke.

“Kua hoko kiā tātou fuli ia te mamahi ʼaē he neʼe mate he tahi neʼe tou ʼoʼofa ai. ʼI tau manatu, ʼe natou sisio mai koa mai te lagi? [Tuku ke fai mai hana tali.] ʼE feala ke ke tokagaʼi te ʼu palalau ʼaē neʼe fai e Sesu ʼi te mate ʼaē ʼa Lasalo. [Lau age ia Soane 11:11.] ʼE fakamahino ʼi te ʼalatike ʼaenī peʼe māʼuʼuli te kau mate ʼi he tahi faʼahi peʼe natou momoe pē ʼo fakatalitali ki honatou fakatuʼuake mai te mate.” Fakahā age ia te ʼalatike ʼaē ʼe kamata ʼi te pāsina 28.

Te Tule Leʼo ʼaho 1 ʼo Nov.

“ ʼI te mole ʼiloʼi papau e te hahaʼi tokolahi peʼe feafeaʼi anai te kā haʼu, koia maʼa nātou ʼe lelei age ke tou māʼuʼuli pē ʼo mulimuli ki te temi ʼaenī. Koteā lā tau manatu? [Tuku ke fai mai hana tali.] Neʼe fai e Sesu te ʼu palalau maʼuhiga ʼaenī. [Lau age ia Mateo 6:34.] ʼE fakamahino ʼi te nusipepa ʼaenī pe lava feafeaʼi hatatou fai he ʼu fakatuʼutuʼu ki te kā haʼu pea ke ʼaua naʼa tou hoha fau ʼo ʼuhiga mo te kā haʼu.”

Réveillez-vous! ʼo Nov.

“ ʼI te temi muʼa, neʼe tau kumi e te hahaʼi ia te takitaki ʼa te Tohi-Tapu. Kae ʼi te temi nei, tokolahi ʼe natou ʼui kua natou lotolotolua ʼo ʼuhiga mo te Tohi-Tapu. Koteā tau manatu? [Tuku ke fai mai hana tali. Pea kotou lau age ia 2 Timoteo 3:16.] Ko te Réveillez-vous ! makehe ʼaenī ʼe ina foaki atu he tahi ʼu fakamoʼoni ʼe fakahā ai ko te Tohi-Tapu ʼe haʼu mai te ʼAtua.”