He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo ʼOke.

“Koteā la ʼaē ʼe tonu ke fai ke tou maʼu he mālama ʼe lelei age pea mo fiafia? [Tuku ke ina fai mai hana tali.] Neʼe ʼahiʼahiʼi e te tagata te ʼu faʼahiga puleʼaga kehekehe moʼo fetogi te ʼu meʼa. Kae ʼe feala ke ke tokagaʼi te manatu ʼa te ʼAtua ʼo ʼuhiga mo te faʼahi ʼaia. [Lau ia Selemia 10⁠:23.] ʼE talanoa te alatike ʼaenī ki ‘Te Puleʼaki Ki He Mālama Fīmālie,’ pea ʼe fakahā mai ai peʼe vave hoko feafeaʼi anai ia te faʼahi ʼaia.”

Réveillez-vous ! ʼaho 22 ʼo ʼOke.

“ ʼE mole ke manatu koa la kua hoha ʼaupito age te maʼuli ʼo te hahaʼi ia ʼaho nei ʼi te ʼu temi ki muʼa atu? [Tuku ke ina fai mai hana tali.] Neʼe fakakikite e te Tohi-Tapu te faʼahi ʼaia. [Lau ia 2 Timoteo 3⁠:⁠1.] ʼI te faigataʼa ʼaupito ʼo te maʼuli ko te tokolahi ʼe nātou lotovaivai. ʼE foaki e te nusipepa ʼaenī te fakaloto mālohi moʼoni. ʼE ina fakahā peʼe feafeaʼi te tauʼi ʼo te lotovaivai pea ke kita fia maʼuli.”

Te Tule Leʼo ʼaho 1 ʼo Nov.

ʼI takotou ʼosi talanoa ki te meʼa fakapunamaʼuli neʼe hoko, koutou fehuʼi age fēnei: “He koʼe koa ʼe fai e te hahaʼi he ʼu aga kovi feiā? ʼE tou ʼiloʼi fuli te meʼa ʼaē ʼe lelei mo te meʼa ʼaē ʼe kovi, kae kei fai pe e te hahaʼi te ʼu meʼa ʼe kovi. Koteā tona tupuʼaga? [ʼI tana ʼosi tali kiai, lau ia Apokalipesi 12⁠:⁠9.] ʼE fakamahino e te nusipepa ʼaenī peʼe feafeaʼi hatatou puipui ia tatou, ʼo tou hāofaki totatou leʼo ʼo loto.”

Réveillez-vous ! ʼaho 8 ʼo Nov.

“ ʼE mahino ia ʼe ke ʼio anai ki te ʼui ʼaē ʼe tou maʼuʼuli ʼi he temi ʼe lahi ai te agamālohi. [ʼI tana ʼosi tali kiai, lau ia 2 Timoteo 3⁠:⁠3.] ʼE tau hoko te ʼu aga ‘fekai’ ʼi te famili. Ko te alatike ʼaenī, ‘He Tokoni Ki Te ʼu Fafine ʼAē ʼe Tā’ ʼe maʼu ai te ʼamanaki. ʼE lagi ke feʼiloʼiʼaki mo he tahi ʼe feala ke ke vaevae mo ia te ʼamanaki ʼaia.”