He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo ʼOke.

“Ko te tokolahi ʼe nātou manatu, ko te ako ʼe ina foaki mai anai ia te maʼuli fiafia. ʼI tau manatu, ʼe ʼi ai koa he faʼahiga ako ʼe lava tokoni ki he tahi ke liliu ko he tahi ʼe lelei age, pea mo tokoni ki ai ʼi te ʼu faigataʼaʼia ʼo tona maʼuli? [Tuku ke fai mai hana tali. Pea koutou lau age ia Loma 12:2.] ʼI te nusipepa ʼaenī, ʼe fakamahino ai te faʼahi ʼaē ʼe tonu ke tou fai ke feala hatatou maʼu ia te ako ʼaē ʼe lelei tāfito kiā tatou.”

Réveillez-vous! ʼaho 22 ʼo ʼOke.

“Teitei ʼi te ʼaho fuli, ko te hahaʼi ʼe nātou lau ia te sulunale. ʼI tau manatu, ʼe feala koa hatatou falala ki te ʼu logo ʼaē ʼe fakahā ʼi te ʼu sulunale? [Tuku ke fai mai hana tali.] ʼI te nusipepa ʼaenī, ʼe ke maʼu ai anai te ʼu tokoni pea mo te ʼu fakatokaga mokā ke lau he nusipepa.” Lau age ia Tāʼaga Lea 14:⁠15.

Te Tule Leʼo ʼaho 1 ʼo Nov.

“Ko te tokolahi ʼe nātou tuʼania ki te heʼe faitotonu ʼaē ʼe maʼu ʼi te mālama. ʼI tau manatu, ʼe feala koa ki he tahi ke ina fetogi moʼoni ia te malamanei? [Tuku ke fai mai hana tali.] Ko te nusipepa ʼaenī ʼe talanoa ai ʼo ʼuhiga mo te ʼu fetogi ʼaē ʼe tonu ke fai. ʼE toe fakahā mai ai peʼe ko ai ʼaē ka ina fakahoko ia te ʼu fetogi ʼaia pea mo te ʼu gāue ʼaē ka ina fai moʼo fakatuʼu he mālama ʼe maʼu ai te tokalelei pea mo te fīmālie moʼoni.” Lau age ia Pesalemo 72:​12-14.

Réveillez-vous! ʼaho 8 ʼo Nov.

“ ʼI te malamanei kātoa, ʼe kehekehe ʼaupito te maʼuli ʼa te kau maʼu koloā pea mo te kau māsisiva. ʼI tau manatu, ʼe feala koa ke fai he meʼa moʼo fetogi ia te ʼaluʼaga ʼaia? [Tuku ke fai mai hana tali. Pea koutou lau age ia Mateo 6:​9, 10.] ʼI te nusipepa ʼaenī, ʼe fakahā mai ai pe koʼe ʼe tonu ke tou falala ko te Puleʼaga ʼo te ʼAtua ʼe ina pulihi anai te ʼu aga heʼe faitotonu ʼaē ʼe hoko ʼi te malamanei iā ʼaho nei.”