He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo ʼOke.

“Ko ʼihi ʼe nātou manatu ʼe lahi age takita fiafia mo kapau ʼe lahi takita falā. ʼI tau manatu ʼe moʼoni koa te faʼahi ʼaia? [Tuku ke fai mai hana tali.] ʼE ʼau fia fakahā atu ia te ʼu palalau ʼaē neʼe tohi e te tagata neʼe lahi ʼaupito tona ʼu koloā. [Lau age ia Tagata Tānaki 5:10.] Ko te nusipepa ʼaenī ʼe ina fakamatalatala ai ia te ʼu meʼa ʼaē ʼe maʼuhiga age ʼi te ʼu koloā.”

Réveillez-vous! ʼaho 22 ʼo ʼOke.

“Tokolahi ia te hahaʼi ʼe nātou ʼiloʼi ia te maʼuhiga ʼo te akoʼi ʼo tanatou fānau ʼi tanatou kei liliki. ʼI tau manatu, ʼe ʼaoga koa ia te faʼahi ʼaia ia ʼaho nei? [Tuku ke fai mai hana tali. Pea koutou lau age ia Tāʼaga Lea 22:6.] Ko te Réveillez-vous ! ʼaenī ʼe talanoa ʼo ʼuhiga mo te ʼu faʼahi ʼaē ʼe feala ke fai e te ʼu mātuʼa moʼo tokoni ki tanatou fānau ke nātou liliu ko he ʼu hahaʼi lalahi ʼe agatonu pea mo gāue lelei.”

Te Tule Leʼo ʼaho 1 ʼo Nov.

“Tokolahi ia te hahaʼi ʼe mole nātou falala ʼe feala anai ki te kau takitaki faka malamanei ke nātou fakatokatoka ia te ʼu fihifihia ʼo te temi ʼaenī. ʼI tau manatu, ʼe ʼi ai koa he tahi ʼe feala ke ina fakahoko ia te ʼu meʼa ʼaē ʼe fakakikite ʼi te ʼu vaega ʼaenī? [Lau age ia Pesalemo 72:7, 12, 16. Pea koutou tuku ke fai mai hana tali.] ʼE fakamahino ʼi te nusipepa ʼaenī peʼe ko ai te tagata takitaki ʼaē ʼe tala fakakikite ʼi te ʼu vaega ʼaia pea mo te ʼu meʼa ʼaē ka ina fakahoko anai.”

Réveillez-vous! ʼaho 8 ʼo Nov.

“ ʼE ʼaoga ki te fānau ia he takitaki ke nātou lava kātakiʼi ia te ʼu faigataʼaʼia ʼaē ʼe felāveʼi mo nātou ia ʼaho nei. Koteā tau manatu ki te faʼahi ʼaia? [Tuku ke fai mai hana tali. Pea koutou lau age ia Efeso 6:4.] ʼI te nusipepa ʼaenī ʼe talanoa ai ki te faka ʼuhiga moʼoni ʼo te fakatonutonuʼi. ʼE toe vakaʼi ai peʼe lava feafeaʼi ki te ʼu mātuʼa ke nātou foaki ia te takitaki pea mo nātou fakatonutonuʼi kae mole nātou fakaloto vaivaiʼi tanatou fānau.”