He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo ʼOke.

“ ʼE lahi te ʼu tonu ʼe tou fai ʼe ʼi ai tona ʼu fua maʼuhiga ki totatou maʼuli. Koteā ʼaē ka tokoni mai ke ʼaua naʼa tou fai he ʼu tonu ʼe kovi? [Tuku ke fai mai hana tali. Pea koutou lau age ia Tāʼaga Lea 3:6.] Ko Te Tule Leʼo ʼaenī ʼe ina fakahā mai te ʼu tokoni e nima ʼe fakatafito ki te Tohi-Tapu, ke feala hatatou fai he ʼu tonu ʼe fakapotopoto.”

Réveillez-vous ! ʼaho 22 ʼo ʼOke.

“Kua ke tokagaʼi koa ʼe lahi ʼaupito tatatou logo ki te palalau ʼo ʼuhiga mo te ʼu mikolope ʼaē ʼe mālolohi age ʼi te ʼu meʼa faitoʼo? [Tuku ke fai mai hana tali.] ʼE talanoa te nusipepa ʼaenī ki te ʼu tupuʼaga ʼo te faʼahi ʼaia, pea mo ina fakahā mai peʼe koteā ʼaē ʼe feala ke tou fai moʼo puipui ʼo tatou. ʼE toe talanoa ai ki te fakapapau ʼa te Tohi-Tapu ʼo ʼuhiga mo he mālama ʼe mole toe mahaki anai he tahi.” Lau age ia Isaia 33:24.

Te Tule Leʼo ʼaho 1 ʼo Nov.

“Kua lagi hoko kia tatou fuli he temi neʼe kākāʼi ai tatou e he tahi neʼe tou falala ki ai. Neʼe mole ke feʼekeʼaki koa, “ ʼE ʼi ai koa he tahi ʼe feala ke ʼau falala ki ai?’ [Tuku ke fai mai hana tali. Pea koutou lau ia Tāʼaga Lea 3:5.] ʼE fakamahino e te nusipepa ʼaenī pe koʼe ʼe feala ke tou tuku tatatou falala katoa ki te ʼAtua. ʼE ina toe fakahā mai peʼe tou lava ʼiloʼi feafeaʼi te hahaʼi ʼaē ʼe feala ke tou falala ki ai.”

Réveillez-vous ! ʼaho 8 ʼo Nov.

“ ʼE lahi te ʼu faʼahiga meʼa ʼaē ʼe fai ʼaki te kalasini pea ʼe ʼaoga ki totatou maʼuli. Kua ke feʼekeʼaki koa peʼe feafeaʼi anai te maʼuli mo kanapaula neʼe mole tou maʼu te ʼu meʼa ʼaia? [Tuku ke fai mai hana tali.] ʼE talanoa te nusipepa ʼaenī ki te ʼaoga ʼo te kalasini ʼi te sosiete ʼo te temi ʼaenī. ʼE ina toe fakamahino mai pe koʼe ʼe mole tonu ke tou tuʼania naʼa hoge te kalasini.”