ʼE Koutou Fakaʼaogaʼi Koa Te ʼu Kiʼi Pepa Fakaafe?

ʼI te tahi ʼaho, neʼe maʼu e te kiʼi tama ʼe taʼu 11 te kiʼi pepa fakaafe ki te akonaki ʼo ʼuhiga mo te ʼifeli. Ki muli age, neʼe ina ʼui fēnei: “Neʼe au fia logo ki te akonaki ʼaia, he neʼe au pago tuʼumaʼu pea neʼe au mataku naʼa au ʼalu ki ʼifeli mokā au mate.” Neʼe ʼalu ʼo fakalogo ki te akonaki, pea hili te taʼu kātoa, ʼi tana ʼosi ako te Tohi-Tapu, neʼe papitema. Koia neʼe kamata leva te minisitelio ʼa Karl Klein, pea ki muli age lolotoga ni ʼu taʼu neʼe kau ʼi te Kolesi Pule ʼa te kau Fakamoʼoni ʼa Sehova. Neʼe tupu te ʼu faʼahi ʼaia ʼuhi pe ko te kiʼi pepa fakaafe.

ʼE kei maʼuhiga pe ia ʼaho nei te ʼu kiʼi pepa fakaafe ki te fai fagonogono. Tokolahi te ʼu kaugā fagona moʼo kamata he fai palalau, ʼe nātou foaki he kiʼi pepa fakaafe ʼi tanatou fai faka mafola. ʼE feala ki te ʼu mātuʼa ke nātou akoako ki ʼanatou tamaliki ke nātou foaki he ʼu kiʼi pepa fakaafe ʼi te minisitelio. Ko te ʼu kaugā fagona ʼaē ʼe nātou fai faka mafola mokā nātou faitohi, ʼe feala ke nātou momono ʼi te tohi ʼaia he kiʼi pepa fakaafe moʼo fakahā te ʼu fono. ʼIo, ko te ʼu kiʼi pepa ʼaia ʼe lelei moʼo fakaafe te kau ako Tohi-Tapu pea mo nātou ʼaē ʼe nātou fia logo ki te moʼoni, ke nātou ʼōmai ki ʼatatou fono.

ʼE koutou fakaʼaogaʼi lelei koa te ʼu kiʼi pepa fakaafe ʼi takotou minisitelio?