He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Sep.

“ ʼI te malamanei kātoa kua logo te hahaʼi ki te talanoa ʼo ʼuhiga mo Sesu Kilisito. Ko ʼihi ʼe nātou ʼui neʼe ko he tagata maʼuhiga pe ia. Ko ʼihi ʼe nātou atolasio kiā te ia, heʼe maʼa nātou ʼe ko te ʼAtua Māfimāfi. Kae kiā koe, neʼe ko ai ia Sesu Kilisito? [Tuku ke fai mai hana tali.] ʼE fakamahino lelei ʼi te nusipepa ʼaenī te ʼuhiga moʼoni ʼo te tagata ʼaia, neʼe haʼu maifea, pea ʼe ʼifea ʼi te temi nei.” Lau age ia Soane 17:⁠3.

Réveillez-vous! ʼaho 22 ʼo Sep.

“Ko te tokolahi ʼe mole honatou nofoʼaga lelei. ʼI tau manatu, ʼe feala anai koa ʼi he ʼaho ke maʼu e te hahaʼi fuli honatou nofoʼaga? [Tuku ke fai mai hana tali.] ʼE talanoa te Réveillez-vous! ʼaenī ki te ʼu tānaki foʼou ʼo ʼuhiga mo nātou ʼaē ʼe mole ʼi ai honatou nofoʼaga. ʼE ina toe fakahā ai pe koʼe ʼe feala ke tou falala ko te fakapapau ʼa te ʼAtua ʼe hoko moʼoni anai.” Lau age ia Isaia 65:​21, 22.

Te Tule Leʼo ʼaho 1 ʼo ʼOke.

Lau age te fehuʼi ʼaē ʼe tuʼu ʼi te takafi, pea koutou fehuʼi age fēnei: “ ʼE ke ʼiloʼi koa peʼe ko te fakaʼiloga fea ʼaē ʼe talanoa kiai? [Tuku ke fai mai hana tali, pea koutou lau age ia Mateo 24:3.] ʼE tuʼu ʼi te Tule Leʼo ʼaenī te ʼu puani tāfito e nima ʼo te fakaʼiloga, pea mo te maʼuhiga ʼaē ke tou mahino kiai.” Vakaʼi te fakamatala ʼaē ʼe ʼātakai ʼi te pasina 6.

Réveillez-vous! ʼaho 8 ʼo ʼOke.

“ ʼE lahi te ʼu fihifihia ʼe tupu ʼuhi ko te fakaʼaogaʼi fakavalevale ʼo te kava. ʼE fakahā mai ʼi te nusipepa ʼaenī te ʼu fua kovi ʼo te kava ki te sino. [Fakahā age te pāki ʼo te pasina 7.] ʼE talanoa ia te nusipepa ʼaenī ki te ʼu puleʼaki moʼo līʼaki ia te kava, pea koteā ʼaē ʼe feala ke fai e ʼihi moʼo tokoni kiā nātou ʼaia.”