He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo ʼOke.

“Tokolahi ʼe natou ʼiloʼi lelei ia te ʼu palalau ʼa Sesu ʼaē ʼe tuʼu iā Mateo 6:9. [Lau.] Kae tokolahi ʼe faigataʼa kiā nātou hanatou fakaovi ki te ʼAtua ohagē ko hanatou Tamai. ʼI tau manatu, ʼe feala koa ke tou fakaovi ki te ʼAtua? [Tuku ke fai mai hana tali.] ʼI te nusipepa ʼaenī, ʼe fakahā ia te ʼu kalitātē kehekehe ʼo tatatou Tamai ʼaē ʼe ʼi selō pea mo feafeaʼi hatatou ʼiloʼi ia te moʼoni ʼo ʼuhiga mo ia.”

Réveillez-vous! ʼo ʼOke.

“Ko te hahaʼi ʼi te ʼu lotu kehekehe ʼe natou maʼu ia he ʼu manatu ʼe fefakafeagaiʼaki ʼo ʼuhiga mo te agaaga moʼoni ʼo te ʼAtua. Kae koteā ʼaē neʼe fakahā e te ʼAlo ʼo te ʼAtua ʼo ʼuhiga mo Ia? Kotou tokagaʼi ia te ʼu palalau ʼa Sesu ʼaē ʼe tuʼu iā Soane 4:24. [Lau.] Iā pāsina pē e lua, ʼe fakahā ʼi te ʼalatike ʼaenī ia te manatu ʼa te Tohi-Tapu ʼo ʼuhiga mo te fehuʼi ʼaia, “ ʼE feafeaʼi ia te agaaga ʼo te ʼAtua?” Fakahā age ia te ʼalatike ʼaē ʼe tuʼu ʼi te ʼu pāsina 24-25.

Te Tule Leʼo ʼaho 1 ʼo Nov.

“ ʼI te temi maveuveu ʼaenī, tokolahi ʼe natou hoha ʼo ʼuhiga mo te kā haʼu. Koteā ʼaē kā tokoni atu anai ke kotou maʼu ia he manatu ʼe lelei? [Tuku ke fai mai hana tali.] Kotou tokagaʼi ia te fakapapau Fakatohi-tapu ʼaenī. [Lau age ia Isaia 65:17.] ʼI te nusipepa ʼaenī, ʼe ina foaki atu ia he ʼu tupuʼaga ke kotou loto falala ai ʼo ʼuhiga mo te kā haʼu.”

Réveillez-vous! ʼo Nov.

“ ʼI te agamāhani tokolahi ʼe natou fakaʼalutahi ia te maʼuli lelei mo te ʼiloa, mo te koloaʼia pea mo te mālohi. ʼE kotou fakaʼuhiga feafeaʼi e koutou ia te maʼuli lelei? [Tuku ke fai mai hana tali.] Kotou tokagaʼi ia te faʼahi ʼaē ʼe ina taki ki he maʼuli lelei ohagē ko tona fakamatala ʼi te Tohi-Tapu. [Kotou lau age ia Pesalemo 1:1-3.] ʼI te ʼalatike ʼaenī ʼe talanoa ai kiā puleʼaki e ono ki he maʼuli lelei.” Fakahā age ia te ʼalatike ʼaē ʼe kamata ʼi te pāsina 6.