He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Tes.

“ ʼI tau manatu, ʼe tonu koa ki te ʼAtua ke ina fakamolemole ia te agahala ʼa te hahaʼi fuli, māʼia mo nātou ʼaē ʼe natou leleiʼia te fakamamahiʼi ʼo niʼihi pea mole natou fakahemala? ʼE fakatūʼā anai koa nātou ʼo ʼuhiga mo tanatou ʼu aga ʼaia? [Tuku ke fai mai hana tali pea kotou lau age ia Hepeleo 10:26, pea kotou fakahā age te ʼalatike ʼi te pāsina 10.] ʼE fakahā ʼi te ʼalatike ʼaenī, ko te ʼAtua ʼe ina fakamāu anai ia nātou ʼaia ʼaki te faitotonu.”

Réveillez-vous! ʼo Tes.

“Tokolahi ʼe natou faiga ke natou fakamaʼuhigaʼi Sesu ʼi te temi ʼaenī ʼo te taʼu. ʼI te vaega ʼaenī, koteā ʼaē ʼe lelei age ke tou fai moʼo fakamaʼuhigaʼi ia ia? [Lau age ia Soane 14:15. Tuku ke fai mai hana tali.] ʼE mole ʼiloʼi ia te ʼaho totonu ʼaē neʼe tupu ai Sesu, pea ʼe lagi ʼe ke punamaʼuli anai mo kapau ʼe ke ʼiloʼi pe koʼē neʼe fakaʼaogaʼi ia te ʼaho 25 ʼo Tesepeli ki te Pō Tapu.” Fakahā age ia te ʼalatike ʼaē ʼe kamata ʼi te pāsina 10.

Te Tule Leʼo ʼaho 1 ʼo Sān.

“ ʼI te temi ʼaenī ʼo te taʼu, tokolahi ia te hahaʼi ʼe natou manatuʼi ia Sesu. Koteā anai hau ʼui ʼo ʼuhiga mo te meʼa ʼaē neʼe malave kiā koe mai te maʼuli ʼo Sesu? [Tuku ke fai mai hana tali.] ʼE fakalotomālohiʼi tātou e te Tohi-Tapu ke tou muliʼi ia te faʼifaʼitaki ʼa Sesu. [Lau age ia 1 Petelo 2:21.] Ko te fai ʼo te faʼahi ʼaia, ʼe ina fakaliliu ia tātou ko he tahi ʼe lelei age pea mo fiafia age. ʼE fakamahino mai ʼi te nusipepa ʼaenī, pe koteā tona tupuʼaga.”

Réveillez-vous! ʼo Sān.

“ ʼE lahi ia te ʼu vaitafe ʼi te mālamanei pea mo te ʼu liuʼa kua mamaha, pea ko te toko lauʼi miliona hahaʼi ʼe mole feala hanatou fakamaʼa ia te vai ʼaē ʼe natou ʼinu kiai. ʼI tau manatu ʼe feala koa ki te tagata ke ina maʼu he puleʼaki tologa ʼo ʼuhiga mo te fihifihia ʼaia? [Tuku ke fai mai hana tali. Pea kotou lau age ia Selemia 10:23.] ʼE fakahā ʼi te nusipepa ʼaenī ia te puleʼaki maʼuhiga ohagē ko tona tuʼu ʼi te Tohi-Tapu.”