ʼE Mole Toe Vakaʼi Anai Te Vaega ʼo Te ʼAho Pea Mo Tona Fakamatala ʼi Te ʼu Fono Fai Fakamafola

ʼI te temi muʼa, ʼi te ʼu fono fai fakamafola, neʼe feala ke vakaʼi fakanounou ia te vaega ʼo te ʼaho pea mo tona fakamatala mo kapau neʼe ʼi ai hona pikipikiga mo te minisitelio. Kua fetogi te faʼahi ʼaia. ʼE mole toe fakaʼaogaʼi anai ia te kaupepa Tou Vakaʼi Ia Te Tohi-Tapu ʼi Te ʼAho Fuli moʼo fakatafito kiai te ʼu fai palalau ʼi te ʼu fono fai fakamafola. Ohagē ko te temi muʼa, ʼe feala ke fakaʼaogaʼi e te ʼu tehina ʼaē ʼe natou takitaki te fono ʼaia ia te Tohi-Tapu, mo Te Minisitelio ʼo Te Puleʼaga, mo te tohi École du ministère, mo te tohi Comment raisonner, pea mo he tahi age tohi ʼe ʼi ai tona pikipikiga mo te minisitelio. Ko nātou ʼaē neʼe hinoʼi ke natou takitaki te fono ʼaia, ʼe lelei ke natou teuteuʼi he ʼu manatu ʼe ʼaoga moʼo tokoni kiā nātou ʼaē kā fai fakamafola ʼi te ʼaho ʼaia. Ohagē pē ko te temi muʼa, ko te loaloaga ʼo te fono ʼe mole fakalaka anai iā minuta e 10 peʼe 15 pea ʼe fakanounou anai mo kapau ʼe hoa kiai he fono ʼo he kōkelekāsio.