“Tou Foaki He Nusipepa ʼĀfea Peʼe Ko He Kaupepa Lahi ʼo Mulimuli Pē Ki Te Meʼa ʼAē ʼe ʼAoga Ki Te Hahaʼi”

ʼI te lolotoga ʼo te ʼu māhina ʼaē ʼe tou tufa ai te tohi Te Ako Mai Te Tohi-Tapu pea te mo te kamata ʼo he ako Tohi-Tapu ʼi te ʼuluaki felāveʼi, ʼe fakalotomālohiʼi tātou ke tou foaki he nusipepa ʼāfea pe ko he kaupepa lahi mo kapau kua maʼu e te ʼapi te tohi peʼe mo kapau ʼe fakafisi ki he ako Tohi-Tapu. Koteā tona tupuʼaga?

Koteʼuhi ko te ʼu nusipepa ʼāfea pea mo te ʼu kaupepa lalahi ʼe natou talanoa ki te ʼu faʼahiga meʼa kehekehe ʼi tona temi totonu. ʼE feala ki he meʼa ʼi te ʼu nusipepa ʼaia ke lave ki te loto ʼo he tahi ʼo te loto fale. Koia, mokā kotou teuteuʼi takotou kato fai fakamafola, kotou ʼai kiai he ʼu kaupepa lalahi mo he ʼu nusipepa ʼāfea ʼe talanoa ki he ʼu faʼahiga meʼa kehekehe. Kapau ʼe mole ʼi ai hakotou ʼu nusipepa ʼāfea, kotou ʼolo ʼo kole ki te kōkelekāsio. Kapau leva kua ʼosi maʼu te tohi Te Ako Mai Te Tohi-Tapu e te ʼapi pea mo fakafisi ki he ako Tahi-Tapu, ʼe feala ke kotou fakahāhā age he ʼu nusipepa ʼāfea pe ko he ʼu kaupepa lalahi pea mo kotou ʼui age ke natou filifili mo toʼo ia te ʼu kaupepa ʼaē ʼe natou fia fai kiai. Ki muli age, kotou faiga ke kotou toe liliu ʼo vakaʼi mo ia te meʼa ʼaē neʼe ina leleiʼia ʼi te ʼu kaupepa. ʼE lagi feala pē ke kamata ai he ako Tohi-Tapu.