Kotou Fakaʼaogaʼi Te ʼu Kaupepa Lalahi ʼAē ʼe Malave Ki Te ʼAtamai Mo Te Loto ʼo Te Hahaʼi

ʼE tonu ke tou fakahā te moʼoni ʼo te Tohi-Tapu ke malave ki te ʼatamai pea mo te loto ʼo te hahaʼi. Ko Sesu ʼi tana fakahā te moʼoni kiā nātou ʼaē neʼe natou fakalogo kiā te ia, neʼe ina filifili he ʼu ʼaluʼaga neʼe fia logo kiai te hahaʼi pea mo uga nātou ke natou fai he ʼu gāue. (Luka 24:17, 27, 32, 45) Kapau ʼe tou loto ke ʼi ai he ʼu fua ʼo totatou minisitelio, pea ʼe tonu ke tou faiga mālohi ke tou ʼiloʼi te ʼu manatu ʼaē ʼe ʼaoga ki te hahaʼi ʼi te faʼahi fakalaumālie. Ko te ʼu kaupepa lalahi ʼaia ʼe feala ko he ʼu meʼa gāue lelei ke malave ai ia te ʼatamai pea mo te loto ʼo te hahaʼi ʼaē ʼe tou felāveʼi mo nātou ʼi te minisitelio. ʼE tonu ke kotou ʼiloʼi lelei te ʼu kaupepa lalahi fuli ʼaia ʼaē ʼe maʼu ʼi te kōkelekāsio peʼe feafeaʼi tona fakaʼaogaʼi ʼi tokotou telituale. Kapau ʼe kotou fia maʼu he ʼu faʼifaʼitaki, kotou vakaʼi te pāsina fakaʼosi ʼo Te Minisitelio ʼo Te Puleʼaga ʼo Sūlio 1998. ʼOfa pē ke tapuakina e Sehova takotou faiga ʼaē ke malave ki te ʼatamai pea mo te loto ʼo te hahaʼi.—Maleko 6:34.