Watchtower TANAKIʼAGA TOHI ʼI TE NETI
Watchtower
TANAKIʼAGA TOHI ʼI TE NETI
Faka'uvea
  • TOHI-TAPU
  • TOHI
  • FONO
  • km 4/13 p. 3-4
  • Tou Fagono Pea Mo Ako

Aucune vidéo n'est disponible pour cette sélection.

Il y a eu un problème lors du chargement de la vidéo.

  • Tou Fagono Pea Mo Ako
  • Te Minisitelio ʼo Te Puleʼaga—2013
  • He Tahi ʼu Alatike
  • Kua Kotou Teuteu Koa Ki Te Kātoaga Fakalaumālie?
    Te Minisitelio ʼo Te Puleʼaga—2009
  • ‘Tou Fakalogo Ke Lahi Te ʼu Meʼa ʼAē ʼe Tou Ako’
    Te Minisitelio ʼo Te Puleʼaga—2001
  • Ko He Lakaga Ke Tou Kakai Pea Mo Fakafiafia ʼi Te Faʼahi Fakalaumālie
    Te Minisitelio ʼo Te Puleʼaga—2008
  • ‘Fakatahiʼi Te Hahaʼi’
    Te Minisitelio ʼo Te Puleʼaga—2014
Hoko Atu
Te Minisitelio ʼo Te Puleʼaga—2013
km 4/13 p. 3-4

Tou Fagono Pea Mo Ako

1. He ko ʼe ʼe lagi tonu anai ke tou faiga fakamalotoloto ʼo fagono pea mo ako ʼi te fakatahi fakatisitilike?

1 Kua ovi mai te ʼu fakatahi fakatisitilike 2013, pea ʼe tou fiafia ʼaupito heʼe fai anai ʼi Niu Kaletonia nei te fakatahi fakatisitilike Makehe ʼi Oketopeli. Ko teitei tehina mo tuagaʼane ʼe toko 400 ka ʼomai anai mai Falani, mo Kanata, mo Amelika pea mo Tahisi. Kua lahi te ʼu gaue kua kamata fai moʼo teuteuʼi he polokalama ʼe tali anai ki te ʼu faʼahi ʼe ʼaoga tafitō ki te hahaʼi ʼi te kele katoa. Kua kotou fai koa ni fakatuʼutuʼu ke kotou kau ki te ʼu ʼaho ʼaia ʼe tolu ʼo te fakatahi? ʼI te ʼu fakatahi lalahi, ʼe lagi tonu anai ke tou faiga fakamalotoloto ʼo fagono fakalelei ki te polokalama koteʼuhi ʼe lahi anai ni faʼahi ʼe feala ke fakaleluʼi ai tatou. ʼE tonu anai ke tou tokaga lelei ki te polokalama katoa heʼe loaloaga age ia ʼi te ʼu fono. ʼE feala pe ke tou toe gaʼegaʼe ʼuhi ko tatatou olo mo toe liliu mai ki te fakatahi, peʼe ʼuhi ko ʼihi atu faʼahi. Kotea ʼae ka tokoni mai ke tou ʼalaʼala ke feala ai hatatou fagono pea mo ako?—Tet. 31:12.

2. ʼE tou lava teuteuʼi feafeaʼi totatou loto ki te polokalama ʼo te fakatahi?

2 ʼI Muʼa Atu ʼo Te Fai ʼo Te Fakatahi: ʼE maʼu ʼi tatatou tuʼasila ʼi te Neti, www.pr418.com, te polokalama ʼo te fakatahi, pea ʼe tuʼu ai te ʼu kupu tafitō ʼo te ʼu akonaki fuli mo ʼonatou vaega Tohi-Tapu tafitō ʼe tahi peʼe lua. Kapau ʼe tou maʼu te Neti, tou vakaʼi fakatomuʼa te faʼahi ʼaia, pea ʼe tokoni mai anai ke tou “teuteuʼi . . . [totatou] loto” ki te ʼu manatu ʼae ka fakaha ai anai. (Eseta. 7:10, MN) ʼI takotou Ako Fakafamili ʼi te afiafi, ʼe feala koa hakotou toʼo he temi moʼo faipalalau ki te polokalama ke kotou fakaʼamu fuli ai ke hoko mai la?

3. Kotea ʼae ka tokoni mai anai ke tou fagono fakalelei?

3 Lolotoga Te Fakatahi: Kapau ʼe feala, kotou olo ki te fale mamaʼo ʼi muʼa ʼo te kamata ʼo te polokalama. Pea kotou matehi takotou telefoni toʼotoʼo ke mole fakaleluʼi koutou e he tahi ʼe pauʼi peʼe faitohi atu, peʼe kotou faitohi ki ʼihi kaʼe lolotoga te fakatahi. Pea kapau ʼe maʼua ke kotou tuku mu takotou telefoni, pea kotou tokaga ke mole fakalelu moka tatagi anai. Kapau ʼe kotou fakaʼaogaʼi he tablette électronique, pea kotou vakaʼi naʼa tupu ai te mole kei fagono ʼa ʼihi ki te polokalama. ʼAua naʼa kotou kakai peʼe iinu lolotoga te polokalama. (Ekl. 3:1) Kotou sioʼi te tehina faiakonaki. Ka lau ifo he vaega, pea kotou mulimuli ʼi takotou Tohi-Tapu. Kotou tohi fakanounou he ʼu manatu.

4. ʼE lava tokoni feafeaʼi te ʼu matuʼā ki ʼanatou fanau ke natou fagono mo ako?

4 ʼE tou toe loto foki ke fagono ʼatatou fanau pea mo ako. ʼE ui fenei ia Taaga Lea 29:15: “Ko te fanau ae e tuku ke faifaitaliha e ina fakatupu te ufiufi o tana fae.” Koia, ʼe lelei ke heheka fakatahi te famili, ke iloʼi papau ai e te ʼu matuʼā ʼe fagono lelei ʼanatou fanau ki te polokalama, kaʼe mole natou faipalalau, peʼe faitohi ʼi te telefoni toʼotoʼo, peʼe natou haʼele ʼi tuʼa. Pea tatau aipe pe kei natou liliki fau ke natou mahino ai ki te polokalama katoa, kaʼe ʼe feala pe ke akoʼi te fanau ke natou ʼalaʼala mo fakalogologo.

5. He ko ʼe ʼe lelei ke tou toe vakaʼi te polokalama, pea ʼe feafeaʼi hatatou fai te faʼahi ʼaia?

5 ʼI Te Fakaʼosi ʼo Te ʼu ʼAho Takitahi ʼo Te Fakatahi: Kotou foimo fakakaku ki tokotou ʼapi. Kotou momoe tautonu ke feʼauga tokotou temi malolō. Kapau ʼe kotou toe vakaʼi te ʼu manatu ʼae neʼe kotou logo ki ai, pea ʼe feala anai hakotou manatuʼi ki muli age. Koia, ʼe fua lelei anai moka kotou toʼo he ʼu kiʼi minuta ʼi te ʼu afiafi ʼo te fakatahi ke kotou faipalalau fakafamili ki te polokalama. Kapau ʼe kotou olo ʼo fale kai mo ʼokotou kaumeʼa, pea he ko ʼe koa ʼe mole kotou toʼo te ʼu manatu ʼae neʼe kotou tohi ʼo vaevae he manatu ʼe tahi peʼe lua neʼe kotou leleiʼia? ʼI te kua ʼosi leva ʼo te fakatahi, ʼe feala hakotou fakaʼaogaʼi he temi ʼi takotou Ako Fakafamili ʼi te afiafi, ke kotou vakaʼi ai pe feafeaʼi te maʼuliʼi e te famili te ʼu manatu. ʼE toe feala foki ke kotou toʼo he temi ʼi te vahaʼa fuli moʼo vakaʼi te ʼu tohi, peʼe ko te ʼu ʼata foʼou neʼe fakaha ai.

6. ʼE feʼauga pe koa tatatou kau ki te fakatahi? Kotou fakamahino.

6 ʼI he katoaga, kapau neʼe mole kakai te hahaʼi pea mo fakahifo lelei te kai, pea ʼe mole lahi tona ʼaoga. ʼE toe feia ʼo ʼuhiga mo te katoaga fakalaumalie ʼae ka foaki mai ʼi te fakatahi makehe. ʼOfa pe ke ʼi ai hona fua lelei kia tatou, ʼaki tatatou kau ʼi te ʼu ʼaho ʼaia ʼe tolu, mo fagono fakalelei, pea mo maʼuliʼi te ʼu meʼa neʼe tou ako.

    Te ʼu Tohi Fakaʼuvea (1978-2025)
    Mavae
    Hu Ki Loto
    • Faka'uvea
    • Vaevae
    • Préférences
    • Copyright © 2025 Watch Tower Bible and Tract Society of Pennsylvania
    • Conditions d’utilisation
    • Règles de confidentialité
    • Paramètres de confidentialité
    • JW.ORG
    • Hu Ki Loto
    Vaevae