He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo Maio

“Neʼe kua kotou feʼekeʼaki koa pe ko te temi fea ʼae neʼe fakatupu ai ia Sesu?” Fakaha age te lua fehuʼi ʼi te pasina fakaʼosi ʼo Te Tule Leʼo ʼo Apelili–Sunio pea mo vakaʼi fakatahi mo ia he vaega ʼi te ʼu vaega ʼae ʼe tonu ke lau. Kotou tuku age ki ai te ʼu nusipepa, pea mo fai he fakatuʼutuʼu ke kotou toe liliu ʼo kamata te ako.

Te Tule Leʼo Apelili–Sunio

“Tokolahi ʼe natou tui ki te fakatuʼu ake kaʼe ʼe kotou iloʼi koa pe ko ai ʼae ka fakatuʼu ake anai? [Tuku ke fai mai hana tali pea mo lau age ia Gaue 24:15.] Vakaʼi mo ia te fakamatala ʼae ʼe ʼatakai ʼi te pasina 6.”

Réveillez-vous! ʼo Maio

“ ʼE matou faipalalau mo te hahaʼi ʼo tou kolo ʼo ʼuhiga mo he aluʼaga fakamataku, ʼe ko te faifakapo. ʼE manatu ʼihi, ʼe puli anai te faifakapo mo kapau ʼe lahi te kau polisi. Kotea la tau manatu? [Tuku ke fai mai hana tali.] ʼE fakapapau mai ʼi te Tohi-Tapu ʼe pulihi anai ʼo talu ai te faifakapo. [Lau ia Pesalemo 37:10, 11.] ʼE talanoa te nusipepa ʼaeni ki te fakapapau ʼaia pea mo te ʼu puleʼaki lelei moʼo puipui ʼo tatou mai te faifakapo.”